|
|
اشلونكم بنات
عندي مشكله ويا اعيالي الأول عمره ثلاث سنوات ومو راضي يشرب الحليب بالقلاص للحين يبي مميه ولا يتشرط ما يشرب الحين الا ويا كاكاو البودر .
والثاني عمره سنه ونص نفس الشيء ما يشرب الحليب الا بالمميه ، اسويله الحليب بقلاص يشرب اشوى ويقلولي وع ، وهاليومين هابلي هبه يشرب الحليب وما يرضا يعطينا المميه يتم يمص واهيا فاضيه واذا خذيناها منه يسوى هليليه من البجي والصراخ.
بصراحه بنات حاولت بجميع الطرق ماكو فايده ، يبت لهم حليب كي دي دي الصغار ما يبون ، صج صج لاعت جبدي من المميات مهما تغلينهم وتغسليهم يتم فيج وسواس انهم مو نظاف ، اصلا حتى اشكالهم غلط واهم يشربون بالمميه صارو ارياييل.
جنى طولت عليكم ، ساعدوني………………..
بنتي الصغيرة 3سنوات..اروح الثلاجه واخذ كل المراضع واقطع الحلمات بالمقص
تقريبا من النص .. ولما تبي حليب اقولها روحي ييبه المرضعه من الثلاجه وتاخذها
وتنصدم .. واقولها شوفي وييبي غيرها ونفس الشئ كلهم .. هني عاد دورج تفهمين
الطفل ان كلهم تقطعوا وما عندنا وحتى لو شرينا بصير فيها نفس الشئ بالمساحل
خبريه ان مافي الا القلاص وحطي فيه حليب وخليه ع الطاوله وروحي عن الطفل
وبروحه راح ياخذه ويتقبله..وبالليل اذا صاح ذكريه انهم تقطعوا وحطي القلاص
جدامه وتحملي وصبري وشوي شوي ..يتقبل الموضوع..(ونسيت اقولج اذا شاف
المراضع مقطعه ومايقدر يشرب فيها وينكت ع ثيابه خليه بروحه يرميهم بالزباله
كرمكم الله).
وبالتوفيق
انا بنتي شريت لها قلاص من لاند مارك بس عجيب اهو الوحيد اللي رضت تشرب منه لانه الحلمه بلاستك بس مغطيه بمطاط واذا قلبته ماينكت عليها
ما شالله طبعا يقول كل شي بس هالشييين مستحيل يسويهم
الحليب الوحيد اللى تشربه كى دى دى بالفراوله
مادرى ينفعها ويغنيها عن النيدو والحليب العادى ولا لا
جان امي اتزفهم عدل وتخش المميات وتقولهم تبون حليب ماكو الا بالقلاص وتساحلهم بالقلاص وخواتي يسوون روحهم انه الحليب بالقلاص لذيذ ومن عقبها قطت امي المميات
الا ولدي الصغير عمره سنيتن بالضبط متعلق بالحليب حيل
شكله مو لايق بالمما
امي علمتني طريقه حلووه وصج بدا يكرهه المما
رحت بيت عمي وهناك عندهم خرووف لوول وولدي ماسك المميه
عاد قلت له قطها ويع مو حلوه طبعا مارضى قام يبجي متعلق فيها
ولم خلصها قلت خلاص ماكو ويع قطها واخوانه شجعووه لين قطاها بنفسه
ولي يومج كلما يقولي ابي مميا اقوله ويع اكلها الخروف يفكر ويقولي ووع خرووف
خلاص كلما بغاها تذكر منظر الخروف
والمشكله كان ياخذها حتى بليل الحين حتى نومته تعدلت لان مايقعد لها اشبعه بليل بالعشى وينام
والحين صار ياكل معانا طبيعي على الاقل عافيته ردت قبل معتمد على المما بشكل موطبيعي
:
واسفه حبيبتي طوولت عليج لاني فعلا مريت بالمرحله هذي
:
والثاني قوليله انت كبير الحين وقود بوي ماتشرب بالمميه وخليه اهو بنفسه يقطها بالزباله واذا مايبي يشرب خليه لايشرب وخليه يبجي 3 ولا 4 ايام لين يمل
مرده بيشرب حليب اذا شاف ماكو فايده لكن طالما يشوفج نتيجه الصراخ والبجي تعطينه اياها بيتمادى