|
|
السلام عليكم ورجمة الله وبركاته ..
كيف حالكم يا يا امهات .. اتمنى تكونون بصحه وعافيه
لو سمحتوا وخاصه الوالدات الي عيالهم بالمدرسه الباكستانيه ابي يفودوني وردون على اسالتي وكونون افادوني جدا جدا
* انا بنتي على الابواب وناويه ادخلها الباكستانيه فممكن استفيد من تجاربكم وتنصحوني
* وبعد عندي عدة اساله ياريت تردون عليها
* ابي اعرف ليش اخترتوا هالمدرسه بالذات وتم اختيارج لها؟
1- عيالج استفادوا من المدرسه الباكستانيه حسيتي بتطور عليهم ملحوظ؟
2- اطفالج ادخلوا الروضه باي سن 3ونص او 4 وهل واجهوا متاعب بالاستوعاب والتعليم وغيره؟
3- شنو منهجهم بالروضه؟ وهل فعلا قويه من ناحية التدريس؟
4- سمعت انه من اول سنه بالروضه يمسكونهم القلم وكتبونهم اسمائهم والارقام هل الصحيح او لا ؟
5- هل فعلا ما في ترفيه عندهم والطفل يحسس بملل؟
6- ايضا سمعت انه العربي والتربيه الاسلاميه لديه ضعيفه هل صحيح هالمعلومه؟
7- هل واجباتهم كثيره جدا ؟
8- المعروف ان المدرسه اغلبيتها من جنسيات هنديه وباكستانيه يعني اصدقاء او زملاء اطفالج من هالجنسيات هل واجهتي مشكله من هالناحيه او لا؟ بسب الاختلاف البئيي والتربية والعادات؟
9- قبل ما تقدمين على تجربة ادخالهم للمدرسه الباكستانيه هل لك معرفه سابقه بتجارب ناس اوخرى شفتيها وعرفتيها
10- اي مدرسه باكستانيه انتي امدخله اطفالج لانه في كثير
واسفه جدا جدا اذا ازعجتكم وطولت عليك بالأسئله بس ما تعرفون اشكثر احاتي هالموضوع وردكم راح يريحني وطمني كثير وينور لي بصيرتي ؟
اشكركم وارجوا الرد على اسالتي بالتفاصيل اذا امكن واكون ممنونه لكم
ملاحظه :
بنتي تدش الروضه 3ونص واناقلت ابي اخرها لم تكم 4 لان وايد خرعوني من الباكستانيه انها شديده وحرام بالسن هذا تحتاج ترفيه
فهل تنصحوني اخرها كورس لم تكمل 4 وادخلها الباكستانيه او ادخلها 3 ونص
وجزاكم الله كل الخير
اختك ليزا
1- الصراحة استفادوا واايد اول مادشوا مايعرفون شي والحين اسمالله عليهم اذا بيطلبون شي من الخدم او المطاعم يكلمونهم بالانجليزي يعرفون يكونون جم جملة بروحهم والاحرف كلها يعرفونها كتابة وشفوي بس العربي مو واايد والدين انتي وشطارتج اذا تابعتيهم بالتحفيظ يمشون الصراحة انا ما احفظ ولا ادرس الا الواجبات اقعد وياهم
2- الباكستانية يبدون قبل الحكومة بكورس يعني انا ولدي عمره 3,5 لو بالحكومة جان المفروض يدش شهر 9 بس اهوا دش شهر 4 الي طاف
4- اعتقد اني جاوبت عليه
5- مقارنة بالمدارس الثانية الصراحة يكسرووون الخاطر انا من دخلتهم ما احتفلوا الا بيوم القرقيعان و يسوون يوم مفتوح بالكورس بس انا ما اودي عيالي وعندهم رحلات بس الصراحه مدرساتهم ايننون وااايد حليوين مع اليهال و يعرفون اشلون يونسونهم بالكلاس
6- جاوبت عليه
7- تقريبا كل يوم
8- اهما يجمعون العرب بصف والاجانب بصف يعني انا صف بنتي كله مصريين ولبنانيين وكويتيين بس الصراحه هلااااقة وسوري بس الصج ينقال تشوفين اشكال غريبة الله يحفظ عيالنا بس انا ما شفت تصرفات او سوالف مو زينة من عيالي وانشاالله ما اشوف
9- انا الصراحه كنت بدخلهم روض الصالحين وسجلتهم واقبلوهم بس بعدين وحده من اهلنا شفت مستوى ولدها وكتبهم ورسومهم واايد رخيصة وخصوصا ريلي كان مو متحمس حق روض الصالحين عشان رسومهم شوي غالية
وخيرا ان شاء الله اكون فدتج واسف على الاطالة
والله الناس عندهم اختلاف في الراي اللي استفادوا منها يمدحونها واللي مااستفادوا يذمونها في ناس تذمها لان لغة الهنود والبكستانيين مو قويه او بالاصح مو صحيحه وبعدين اللغه العربيه كسيفه عندهم بالاضافه الى الدين وانا مااقدر اجزم لان نفس ماقتلج مدارس باكستانيه وايد اطلعت واختلفت في المستوى والله يوفقهم بس انا سمعت ان
الاكاديميه الباكستانيه اللي يم الابداع الي في حولي زينه والله يعينج ويعيني
وايد وايد متشددين حراااااااام انا دارسة تربية نفسية بالكلية حرام اليهال يدرس بهالعمر بطريقتهم الجافة والجامدة وبعد اسبوعين طرشولي كتابها مال العربي يبونها تكتب وبالأصح تنسخ حرف الالف والباء والتاء مو معقوله يعني كل هالاحرف مع بعض………. وبعدين دخلتها روضة حكومة ما ستفادت ولا شيييييييي وبعدين دخلتها روضة المعالي ثنائية اللغة ماشاء الله لا اله الا الله عليها مستوها جنه وحدة بالولى بتدائي طريقتهم حلوة تعليم عن طريق اللعب بالسبوع واجب واحد مرة عربي ومره انجليزي عرفتي ومادري انتي شرايج
بس شوفي
بالاسبوعين الي دشت فيها البكستانية علموها شلون تمسك القلم بس يهرونهم كتابه حرام عيال عمها مازالو هناك لمه يون الزوارة ماشاء الله بلابل انجيليزي بس طريقتهم خايسة اتعب اليهال
قرقه وايد بس حبيت افيدج
بس بغيت اسال ام الخيير وين روضة المعالى وجم رسومهم بالسنة او بالكورس
المعالي في الرميثية
رسومهم اولى 650 اول شي مفروض من شهر 6 حاجزتله كرسي 100 وبعدين دفعات واهما متساهلين وايد يعني شهر 9 و1 و3 تدفعين او رفيجاتي كانو يدفعون كل شهر 100 كيفيج عرفتي بس ممتازين
ابي رقمها لو سمحتي
بس اتوقع تقدرين اتسجلين بداية الكورس دقي عليهم اخر شهر
8 و ماقصرت كيو ليدي
نفس حجي البنات ….واااااايد جافين مع الطفل …
يبجون عشر يهال مع بعض واهم يطالعون فيهم …مو واايد يهتمون
المستوى قوي والرسوم حلوة …
لكن براااي نفسية الطفل أهم …
المعالي شكثر مدحوها …وتعتبر رخيصة نوعاً ما اذا قارنتيها بالتكامل ..(نفس المؤسسة)
استخيري ….قبل كل شي
والله يسهل