|
|
سلام يا امهااات …
اول شي كل عام وانتو بخير …
وثاني شي … انا بديت اقطع البامبرز عن بنتي … اهيه عمرها الحين سنتين وشهر ..
ومن زماااااااااان كنت ادخلها تكرمون الحمام اتسوي بي بي بس علشان ما تستغرب الوضع واشجعها طبعا .. وكانت عادي ..
الحين لما صارت السالفة الزامي وكل نص ساعة .. مرة تبجي ومرة اتصرخ ومرات عادي ..
وامس كلللللللله مالبستها البامبرز وكل شوي ادخلها الحمام الحمدلله ماوصخت هدومها ..
بس بالليل لبستها ..
بس لما اسألها تقول مافيني وماترضى تروح ..
لازم اوديها بالمحايل واللعب ومرات بالغصب ..
ولما اوديها تسوي …
بس من نفسها ماتقول ….
الصراحة قريت طرق وايد بس انا ابي تجارب واقعية ابي كل وحدة تقول شلون علمت عيالها خل اتشجع ..
لازم ينوجد الصبر
والحين اقول لش طريقتي تراني اجمع كل الملابس القديمة اللي حقة الطفل اللي بيتعلم
تكرمين انت والقاريء
بعدين طول ماانا اعلمهم البسهم الملابس القديمة على شان اذا
وصخوها ارميها على طول بالزبالة
وادخل بالطفل الحمام وادربه على طول ودايم اشجع
واقول كلام حلو للطفل اذا خبرني انه بيسويها
ودائما تكونين سريعة
أحب أقولج معلومه بسيطه
إن الطفل في ها لسن يقدر يتحكم بس بالخروج ( عزج الله والقارئ )
إما البول فلا يستطيع التحكم فيها بهذا السن
وعن تجربه …
خليت بنتي تلبس البامبرز … وهي من نفسها لما بدت تفهم قامت
تفصخ البامبرز وتروح الحمام بنتي الحين عمرها 3 سنوات و3 أشهر
من غير ما أعقدها ولا أصرخ عليها خليتها على راحتها
ترتاح وأريح لج .. صج البامبرز مصرف بس شنسوي
اطلعي عليه وياريت تستفدين بنفس القسم
واتمنى اكون فدتج
وانا بنتي راسها يابس ماتبي هدايا ولا مكافآت ولا شي مع اني اعطيها اشياء تحبها بس لي قلت لها ان رحتي الحمام اعطيج هدية تقول مابي اروح ومابي هدية ..
ومرات اطلع الهدية اخليها تشوفها علشان تتشجع قبل لا تروح … من تشوف الهدية اتقولي مابي حمام (عارفة الخطة) ..
فقلت بعد تو الناس كلش كلش سنتين ونص أو اكثر
انا علمتها من بعد 2 ونص اعتقد او اكثر بس الاكيد انها قبل 3 سنوات كانت اوكي
بنتي عمرها سنتين وثلاث شهور
صارت على كيفها مرات تقول ماما ابي الحمام ومرات اتطنش
انا عاد ما اصريت عليها ولمن تقولي ابي اروح الحمام اصفقلها واوريها اني بطير من الفرحه
واقولها عفيه الحين ريحتج تصير حلوه لان الي يوصخ بالحفاظه ريحته تصير اخييييييييييييييه موحلوه
الي يساعدني ان بنتي تنقرررررررررف
بس انا شخصيا مالي خلق اعلمها مصيرها راح تعرف
عمرج شفتي واحد عمره ست سنين لابس حفاظه؟؟ اكيد لالالالا يعني لازم تتعلم طال الزمن ولا قصر 
ومرة وصخ بعمرة وقتلة انت ياهل ووصخ وانا ابدلة صرخ ماما لاتلبسينى حفاظة وقلت بشوف اخرتها وانصدمت بعد وقت ياى يركض على الحمام استانست بس الحين عندى معانات ثانية لانة يتحكم بالسوائل بس الخروج اكرمكم اللة مايتحكم فية ينخش ويوصخ بسروالة ولى الحين اعلمة
والحمدلله ما تأذيت من هالشي
وخصوصا بالثاني لانه كان يشوف اخوه الاكبر منه
واهو من نفسه يقولي ما ابي بامبرز انا كبير
وولدي مواليد 8/2003 يعني الحين عمره سنتين وسبعة اشهر
والحمدلله مفتكه من الحفاظات