أشعة الصبغه و الحمل

السلام عليكم

بنات آنا حبيت أشارككم بتجربتي بعد ما الله سبحانه و تعالى من علي بالحمل.

آنا متزوجه من 3 سنين و نص ما حصل معاي حمل من قبل. الدكتور فحصني من كل شي سليمه و لله الحمد و نفس الشي زوجي.
أخذت كلوميد 3 أشهر شهر إي شهر ترك ماكو نتيجه (هالكلام تقريبا من شهر 2 تقريبا) و على فكره قبل هذا نهااائيا ما أخذت أي حبوب أو أي علاج أو أي شي كان.

أخير شي رحت الشهر اللي طاف سويت أشعة الصبغة بالسلام لأن الدكتور قال لي جيكي عالأنابيب, كل شي ثاني سليم بقى اهم.
و الكلام اللي قال لي ياه بالحرف هو: الأشعه مو علاج إهي فحص بس ممكن يكون في مخاط أو أشياء دقيقه بالأنابيب ممكن تطلع مع الصبغه.

و فعلا رحت و سويت الأشعه تاريخ 17 الشهر اللي طاف يعني قبل 20 يوم تقريبا و دورتي تأخرت يوم واحد, آنا دورتي مضبوطه فلما صار اليوم 29 الصبح سويت تحليل منزلي طلع في حمل, و بنفس اليوم رحت حللت أمس طلعت و لله الحمد حامل.

آنا كنت على فكره حيل متردده و خايفه من الأشعه من كلام البنات, و أجلتها شهرين, خرعوني رايحه هناك أرجف بس الحمدلله ما كانت تعور كانت نفس الفحص العادي, و دكتورة الأشعه هناك بالسلام تهبل.

و كانت أبله مصريه معانا قايلتلي إنها 4 أو 3 سنين ما حملت سوت الفحص حملت بنفس الشهر, و هم أبله مصريه ثانيه كانت قايلتلي من قبل إن أمها 7 سنين ما حملت و سوت الفحص حملت على طول.

اللي أبي أوصل له هو البنات ساعات يبالغون و يخرعونا عالفاضي

امشي على كلام الدكتور أضبط.

الف مبروك حبيبتي وكلامج صح بعض البنات يهولون فيها الله يهداهم انا الحمدلله سويتها السنه اللي طافت

ماشالله والف مبروووووووووووووك

والله يتمم حملج على خيييييير

الف مبروك الله يثبت حملك ويرزقنا يارب

الله يبارك بأعماركم حبايبي, و الله يرزقنا و يرزقكم الذريه الصالحه.

الله يتمم حملج

ماشاءالله تبارك الرحمن
الف الف مبروك الله يتمم حملج أن شاء الله وتقر عينج بشوفت ضناج
وادعي لي مو تنسين عسى الله يرزقني بالذريه الصالحه يارب العالمين

الف مبروك والله يتمم عليج ويرزقج الحمل السليم والذريه الصالحه

ألفففف مبرووووك

والله يتمم عليج ويقر عينج بشوفه ضناج

ألف مبروووك

الله يبارك فيكم جزاكم الله خير.
و الله يتمم علي نعمته و يرزقنا و يرزقكم الذريه الصالحه.

ألف مبروك الله يتمم لك على خير
يارب يسهل لي احمل خال شهر الفضيل

ربي يسهل أمورج

الف مبروووك والله يتمم حملج يارب

الحمدالله الله كتبلج الحمل .. بس البنات مو دايماً يبالغون ..

انا سويت الاشعه وحسيت بموت من الالم .. ووقتها طلعت الاشعه ان الانابيب سليمه

بعد سنه وبعد ماغيرت الدكتور سويت منظار وتوني مسويته الدكتوره انصدمت ان الانابيب تلفانه بالمره

وقالتلي هذا التهاب من اشعة الصبغه يمكن ماعطوج مضاد .! قلتلها امبلا اخذته ٥ ايام . قالتلي انتي ثاني حاله اشوفها الصبغه تتلف انابيبها
بسبب انها سوتلي التهاب

فعادي موشرط تجربة غيرج تنطبق عليج . في ناس يتألمون وفي ناس لا
وناس تسببلهم تلف انابيب وناس لا تساعد بحملهم كل واحد وطبيعة جسمه

مبروك حبيبتي الله يتمم لج على خير ويرزق كل من تبي
انا جربت الصبغه كان في عوار بس اقدر اتحمله ومغص نفس مغص الدورة
ولازم تاخذون مضاد قبل الاشعه عشان تتفادون الالتهابات لاسمح الله

وما حملت عقبها
يعني مو شرط بس لازم الوحده تسعى وتسمع كلام الطبيب افيد لها