تجربتي مع المنظار الرحمي والبطني ومشكلة اشعة الصبغه

مرحبا بنات ..

انا بتاريخ 7/2 سويت عملية منظار بطني ورحمي وهو فتحه بالسره وفتحه عند كل مبيض.. وكان في التصاقات وايد بالرحم والمبايض والحوض شالت الدكتوره اللي قدرت تشيله من الالتصاقات بس ظل جزء من الرحم لازق بالامعاء ماقدرت تشيله

انا عندي الاندومتريوس وهو بطانة الرحم المهاجره سببتلي هالالتصاقات ..

بس بنات اللي استغربته بعد العمليه الدكتوره قالتلي ان اشعة الصبغه اتلفت انابيبي وصاروا وايد عراض ومتفوخين
بسبب انه كان فيهم سوائل وكانت وقت العمليه تبي تربطهم بس ماقدرت لان لازم تاخذ موافقتي قبل العمليه ونست تسألني وقالت لي انتي ثاني حاله اشوفها اشعة الصبغه ضرتها مع ان الدكتور عطاني مضاد 5 ايام

صارلي اكثر من اسبوعين وللحين الخيط نايلون بسرتي ماطلع والدكتوره تقول خليه اهوا يطيح من نفسه! واللي اعرفه ان الخيوط باسبوع تطيح!

وعلى فكره للحين احاول اتله واسحبه تنشد السره حيل ويعورني فخفت ماشديت اكثر لاينفتح الجرح

منو سوت منظار تفيدني شسوت بعد العمليه وشلون عالجرح متى طاب وطاحت الخيوط؟؟
وهل اختلف شكل سرتكم ؟ انا الدكتوره مبدعه بسرتي مخيطتلي اطراف السره اليمين واليسار مسويتهم كتله وحده ملتحمه ونهايتها مفتوحه يعني فيها فراغ بالطرف من كثر ماشكلها مكدرني ساعات اختنق وابجي

بس الله كريم الله ياجرنا يارب وادعولي الله يرزقني وكل محروم الذريه الصالحه

ألف سلاامه عليج ..’

بس ليش تتلينه حرام عليج يصير فيج من فعل إيدج !!!!

رااجعي الطبيبه وشوووفي ….’

والله يرزقج بالضنااااا المعاافى ……….’’’

حبيبتي ماقصرتي اجمعين يارب والله يرزق كل محروم يارب

والله حاولت اتل الخيط لان قالولي 4-7 ايام يطيح وصارلي 20 يوم وللحين ماطاح

الله كريم ماكو الا اروح حق الدكتوره واسألها

اول مره اسمع انه اشعة الصبغه تضر !!

منو دكتورتج ؟

بعدين العمليه حدها اسبوع واهي بنفسها تشيل الخيط وبالنسبه لشكل مايبين شيء نهائيآ بس اللهم نفس الشخط صغير مع الايام يروح

ابقولج شغله انا الدكتور ناهض قالي ليش مسويه العمليه اللي اعرفه مايسوون العمليه هذي الا اللي لها اجهاضات متكرره ! انا استغربت وعرفت انه اكثر الدكاتره همهم شلون يشفطون الفلوس منج يطلعون فيج الف بلاء عشان الفلوس الله يهداهم

نصيحه قبل ماتروحين لأي دكتور ولا دكتوره استخيري

وعسى الله يرزقج بالذريه عاجلا غير اجلا

أنا سويتها
الخيط يلي بسرة. مابينشال انتبهي أنا متلك ماسكة ملقط الشعر إفك القطب صار بطني يوجعني
رجعت ع مشفى الصباح لقيت دكتور باكستاني فرجيتو قالي هاي القطب يلي بلخيط الابيض مابتنشال راح يبني عليها لحم

حتى يلي عند الخصر من تحت ماشتلتهم
يلي فهمتو من دكتور انو اذا القطب بلخيط الاسود بتقدير تشيليها
اما الخيط الابيض تجميلي

الله يرزقنا اجمعين بلا تعب

انا سويت منظار رحمي وبطني والغرز طاحت من نفسهم بعد العمليه بثلاث اسابيع ووشوي ماتعبثت فيهم بس كنت اعقمهم وطاحو من نفسهم

انا سويت هالعمليه وشالولي الخيوط بعد العمليه بأسبوعين

والله يشفيج ويرزقج يارب

مشكوره حبيبتي على الدعوه الله يرزق كل محروم يارب

انا دكتورتي اللي سوتلي العمليه رائده الفضلي واهيا الدكتوره الوحيده اللي عرفت المرض اللي فيني كنت احوس
عالدكاتره سنين وكل واحد يقولي كلام . اللي يقول بويضاتج تظل بالجيس ماتنفجر واللي يقول لا انفجروا بس هذا عقم بدون سبب . لما رحت للدكتوره رائده عرفت من اعراض دورتي انه يجيني الالام قويه بسبب البطانه المهاجره وتخيلي قبل لاتقولي الدكتوره عن مرضي انا بالصدفه قريت بالنت عن المرض وشفت اعراضه فيني كانوا يعطوني بهالمنشطات ويزيدون المرض علي ويقولون لا مافيج
اللي صار بسبب هالمرض صار عندي وايد التصاقات فاضطرت الدكتوره تسويلي منظار
واللي ضيق خلقي ان اشعة الصبغه اتلفت انابيبي مع اني نفسج كنت اقرا انها علاج وفادت وايد ناس
بس الحمدالله على كل حال قدر الله وماشاء فعل

انا الخيط اللي بسرتي نايلون شفاف . وشكل سرتي صار غلط شكلها غريب . كلمت العياده قالوا تعالي بإذن الله باجر وتشوفج الدكتوره

انتي شكل سرتج صار غير ولا نفسه بس فيه جرح. ؟

حبيبي علي ..بحر الذكريات
الف الحمدالله على سلامتكم والله يرزقكم اللي تتمنون

انتوا وين سويتوا العمليه عند اي دكتور وشلون وضعكم بعد المنظار؟

سويتها عند باتريك مشاء الله دكتور شاطر وشالو الاكياس وافتحو الانبوب اليسار

شكل السرة مابيرجع متل اول بس عادي موكتير باين

ما تشوفين شر ان شاءالله

الله يرزقج بالذرية الصالحة