|
مرحبا بنات
هالشهر مابحن عليكم ابي احمل لاني عرفت شنهي المشكلة
امس خذيت موعد عند دكتور نبيل رزق الله اهو دكتور شاطر عندنا بالبحرين ورحت له مع ريلي
اول مادخلنا عليه قعد يسألني عن الدورة و العوار و جمن سؤال عام وخاص وبعدين كشف علي وسوا لي الترا ساوند بعد الفحص قال لي انه البويضات عندي صغيرة قلت له يعني شنو قال لي المفروض الحين بعد الدورة بويضة وحدة عالاقل تكون كبرت و استجابت لحيوان منوي
المهم الي عرفته من كلامه انه بويضتي خاملة و قال لي عندج التهابات في عنق المهبل خذ عينه بيعطيني النتيجة بعد جمن يوم ..
والحل هو عطاني حبوب كولوميد قال لي الدورة الياية اخذي حبتين من 2 يوم الى 5 يوم و تعالي يوم 13 من الدورة حق نجوف البويضة استجابت و نشطت والا لا
بنات انا طبعا انهررررررررت
تكفون قولو لي شنو الحل
وشنو يعني بويضة خاملة
واذا الحبوب مانفعت شيصير بعدين ؟؟
من امس لليوم زعلانة من الكل وماحاجيت حتى زوجي
مابي اجوف احد ولا اكلم احد
مشكلتك مررره بسيييطه
انا كمان اول وا اتزوجت ماعالجت سنه ونص اخر شي رحت للدكتور قالي عندي هرمون حليب ومبايض كسلانه وشربت الكلوميد نفس الطريقه الي قالها دكتورك وبعد اربع شهور حملت
الله يرزقك يارب
كلنا نعاني و كل وحدة عندها مشكلة مو بس انتي
و كل شيء بيد الله سبحانه إذا أراد شيئاً يقول له كن فيكون
بس أعتقد لازم أثناء الدورة تسوين تحليل للغدة النخامية و إذا كانت معتدلة تاكلين كلوميد أما إذا كانت ضعيفة تاخذين أبر منشطة
المهم إذا ما نفع معاك الكلوميد 3 مرات بعده لازم تاخذين أبر منشطة
و توكلي على الله و اقري سورة البقرة و سورة مريم و آل عمران و الصافات و هود و ياسين
و دفعي صدقات للفقراء
و صلي قيام الليل لو ركعتين بس
وهذا من ربج وهم شذنبهم
المهم علاجج بسيط ومع الكلوميد والمنشطات لاتخااافي تبويض بيصير زين
توكلي علي ربج ولاتزعلي حالج لان ارحااااامج تتوتر وعندج هرمون الحمل بيقل فديري بالج
وبيجي يوم بيرزقج رب العباد ان شالله
بديت اوسوس انه يمكن حيوانات زوجي يطلع فيهم شي
اهو الدكتور قال له لازم ترسل عينه من الحيوان المنوي
واهو رافض
بنت عمي تقول لي اذا مانفع الكولوميد عادي بيسون لج تلقيح بالابر
اخاااف ومابي توصل للابر يارب
وشنو اخذ للالتهابات ؟؟
شنو الاكلات الي تساعدني على تخليص من هالالتهاب الي صار له دهر مازمني
و حاولي تاكلين أطعمة فيها فيتامين سي و فيتامينات باء و ألف (c+b+a)
مثل:
عصير البرتقال الطازج – الخس – الجرجير – عصير الجزر – القرع -( السبانخ – اللبن – الروب : طبعاً إذا ما فيك ضغط) – العسل الأسود 3 ملاعق كبيرة باليوم
و حاولي تقرين سورة البقرة مثل ما قلت لك
و اقري الرقية الشرعية كل يوم
والبرقدوووش وااايد زييين
وترا مشكلتج بسييييطه وعلاجها سهل لاتحاتين
حب الرشاد ملعقة صغير على الريق لمدة اسبوع.
تدليك أسفل البطن وأسفل الظهر بزيت الزيتون لمدة ربع ساعه.
150 جرام حبة البركة مع 50 جرام كركم على نصف كيلو عسل.
100 جرام من الزنجبيل و100جرام من القرفة و100 جرام من الحلبة الكل مع بعض تخدي ملعقة على كوب ماء مغلى ثلاث مرات باليوم.
مغطس من مغلي البابونج دافي مع الملح الخشن لمدة 4 أيام فقط وبدون الملح لمدة 20 يوم.
عمل حجامة فهي مفيدة جدا جدا إن شاء الله ويجب من تسوي الحجامة تكون متخصصه مع التعقيم الجيد وبالعافية.