جم تكلفة اطفال الانابيب عند الدكتور حازم الرميح ؟؟

السلام عليكم

انا بلشت مراجعات مع الدكتور حازم الرميح وبغييت اسأل منو جربت العلاج عنده ؟؟
وجم تكلفة عملية اطفال الانابيب عنده ؟؟

بنات شدعوه سبع مشاهدات ولا وحده عندها رد

ماجربته ولا مره

دخلت ادعي لج ،،
الله يرزقج ان شاءالله

مشكورررررررة حبيبتي ماقصرتي وربي يرزقنا اجمعين بالذرية الصالحة

حتى انا ابي اعرف الاجابه

تقريبا 1500
ما سويتها عنده بس مرة سألته عن التكلفة
بس اذا سويتيها خل يعطيج طبية
لان انا سألته يصير اسوي انابيب و اداوم قالي عادي داومي الاجانب يداومون و اهم مسوين انابيب
حرام تدفعين المبلغ و تداومين
و الشغلة الثانية
انا سويت مرة عنده تلقيح صناعي اوكي
لمن خلص من عندي
دش داخل غرفة العمليات
جان اسمع وحدة تصارخ
اتوقع سوالها سحب بويضات بدون بنج
د حازم خوش دكتور بس لو ما يعلق

على شنو يعلق؟؟

يعلق على كل شي
مثلا حزة سونار التبويض يقول what’s *****ng ?
ويعلق على شكل البويضات
تقريبا على كل شي يعلق

الله يستر يعنى مايصلح ببنج وكم التكلفه بلسعودي الله يبرد قلبج بضنى

السلام الله يرزق كل واحده تبى اطفال امين باربى

اي بناات نبي احد يفيدنا انا بعد ماقريت موضوع الاخت شمع تحترق عن اللي حملت بفضل الله ثم الدكتور حازم بعد 12 سنه

واايد تشجعت اراجع عنده

وماشاءالله مافي احد يذمه

وحتى وحده ذمته وسبحان الله

سوت عنده انابيب وحملت وجابت بنت

ودخلت الموضوع مره ثانيه

وقالت انهاا بتقول كلمة حق وان الدكتور ماقصر

وبرت ذمتهاا ان من بعد الله حملت على ايده

وربي يرزقناا طبيعي ويسهل علينا

لا عادي حبيبتي تصير ببنج انا سويتها مرتين وكنت مبنجة لأن قالولي فيها الم وسعرها بالسعودي تقريبا 19000 ريال

مشكوووووووووورة حبيبتي ماقصرتي لا اكيييييييد بسويها ببنج لأني مسويتها مرتين وكنت مبنجه بس انا توني مبلشة معاه ليلحين مادري ناوي على شنو لأنه قالي يبي تحاليل يديده وبيسويلي سونار مائي انا بس حبيت اسأل عن التكلفة عشان اعمل حسابي

لوول مادري ليش طالع نجوم مكان الاحرف
الاحرف الناقصة سي دبل او كي
شنو الطبخة بيض عيون بيض مفيوح على قولته

انزين ماي ورد حبيبتي انتي تعالجين عنده الحين ؟؟