قصة حملي ونصييييحه من القلب لكل متأخره بالحمل

السلام عليكم

اتمنى من كل وحده تدعيلي في ظهر الغيب ان الله يرزقني من حيث لا احتسب
انا متأخره بالحمل سنتين وكنت اعالج دورووووون فايده سويت عدة اشياء في شهر واحد وبعدها حملت:
1-عالجت عند وحده وقالت عندج فقره سدد وعطتني لهوم
2-استفدت من اختي العزيزه الله يرزقها بالحمل (عسل حدي)بموضوع لزقة الظهر كان موضوعها بعنوان (يمكن ابوي يكون سبب في حمالنا)
3-اخذت القسط الهندي في كاس حليب ساخن
4-سويت الخلطه اللي ارش فيها البيت(ماي مقري-سدر -ملخ)
5-زوجي كان يصلي ركعتين قبل النوم ويقول ربي لاتذرني فردا وانت خير الوارثين في السجود40مره)
6-سورة البقره كرقيه شرعيه والاستغفار
طبعاً الادويه كلها اخذتها وقت الدوره فقط باستثناء النقاط4و5و6
والحمدلله حملت

لكن للاسف صابتني التهابات حااااااده وشنييييييعه وتوقف نمو الجنين وبالاخير اجهضت

بناااات نصيييييحه من القلب اذا حملتي خلي الموضوع بينج وبين زووجج لا امج ولا امه حتى لو اهم بيكتمون الموضوع راح يبين عليهم والناس اتفز خاااصه اللي متاخره وحملت

انتوا من كثر الوناااسه ودك اتخبرون العالم كله هذا كان شعورنا انا وزوجي حتى بالمستشفى من الفرحه انتصرف كانا في بيتنا الناس تلفت علينا والسسترات حتى العماله بس صدقوني تكتموا علا الموضوع الى ان تعدين الرابع ويثبت الحمل

حياتي ربي يعوض عليج بالذرية الصالحة السليمة المعافاه

حبيبتي لا تيئسين من رحمة ربج
وكثري الرعاء
ورجعي استخدمي اللصقة عالظهر لها فوايد
واكثري من الدعاء وتصدقي
واقري سورة مريم
واخذي حبوب رويال جل واقري عنهم اول بالنت تقدرين تستخدمينهم انتي وزوجج

بالتوفيق

الله يعوضج ياالغلا ويرزقنا ويرزقج يارب

الله يرزقج

معاج حق الي تحمل واهي متاخره يفزون فيها الناس
الافضل محد يعلم على الاقل ٣ شهور بس اكيد امي وامه لازم يدرون محد بيستانس لنا كثرهم وبيدعيلنا

انا صارلي نفسج حملت بعد سنه و٨ شهور وتعورت والحمدلله على كل حال
والله يرزقنا يارب ويعوضنا

الله يعوضكم بالحمل السليم والثابت

حبيبيتي

الله ياجرج في مصيبتج ويخلف عليج اخير منها

ويعوضج يفرح قلبج
ويرزقج بحمل ثابت قري باذن الله
وجتين كامل الخلق والخُلق ويجعله من الصالحين

فوضي امرج لله
وتوكلي عليه
وثقي بالله
وصدقيتي راح يرضيج باذن الله

اتمني لك كل السعاده

يابعد قلبي

ان شاءالله خيره

الله يرزقج يارب

انا بعد حملت وسقطت على شهرين ميت الجنين برحمي كااان ولي شهر والحين معي التهابات وماخليت شي ماسويته والمستوصف ورحت ويعطوني ولافيه فايده معي حكه وحرقان والحين بعد ماستخدمت التحاميل ينزل مني دم وخيوط بعد ومادري وشهن امانه اللي تعرف تقولي لاني اول مره اسقط ابي اعرف الدم وشهووو
ينزل علي خيوط معي ولزجه ولامسحت القى الله يعزكم المنطقه دم ومادري وشسوي اللي عندها خبره وصار فيها نفسي تقولي وتطمني

جزاج الله خير

الله يعوضج

وتبشرينا بولادتج المره الجايه

والله يجزاج خير انج علمتينا على طريقتج

واظبي عليها واستمري والله يرزقج بالذريه الصالحه

الله يرزقك ياحي ياقيوم

واصلي على طريقتك وخصوووصا القسط الهندي جداااااااااااااا مفيد

اما سسالفة زوجك يصلي ركعتين يطلب ربه شي جميل لكن 40 مره هذي بدعه حبيبتي
خليه يطلب ربه ويدعي ويخشع ويبكي افضل من البدع

الله قادر يرزقك من غير تكرار جمل معينه فقط الالحاح بالدعاء والتوكل عليه

حبيبتي انا نفسج بش رحت لاستشاريه علخاص
انا التهابات شنيعه ومتكرره متتت لدرجة صارت عذااااب
لازم تروحين لاستشاريه وتسويلج الاتي:
تحليل بول تتاكد من الفطريات
وتحليل زراعة بول
وتكشف عليج وتاخذ مسحه طبيه
العلاج راح يكون:
غسول خارجي وتحاميل ومضاد حيوي وحيوب اعشاب مدره للبول
وحرصيها تعطي زوجج مضاد علا حسب نوع العدوى اللي عندج وعذي اهم نقطه لان احتمال ان العدوا منه او انت عاديتيه فبعد العلاج ترجعلج العدوا

اشكر مرورج ي الغاليه

بس الدعاء ب ربي لاتذرني فردا وانت خير الوارثين 40مره ليست بدعه باذن الله
وماخوذه من شيخنا الفاضل/المغامسي

وهنا شرح للشيخ المغامسي يشرح من اين استنبطها (طبعاً من القران الكريم)

‫قصة دعاء المغامسي عندما لم يرزق بأطفال لمدة أربع سنين‬‎ – YouTube

اشكر مروركم جميعاً
وجزاكم الله خيراً جميعاً
واسال الله العلي القدير ان يرزقكم ويرزقني الذريه الصالحه