|
|
السلام عليكم حبايبي
بدخل بالموضوع على طول .. انا فيني تكيسات اهيا اللي مانعه الحمل و راجعت اكثر من مره عند دكتورتي بس الله ما كتب .
المهم ..
الدوره اللي فاتت قررت اروح حق ام عبدالله اللي تعالج ( غنيه عن التعريف ) اهيا للتكيسات شاطره و اعرف اكثر من شخص تشافا على ايدها من بعد الله .
رحت لها ثاني يوم الدوره و وقامت تضغط صوب المبايض و تفحص و تقرا على الرحم و مرخته و سوتلي كاسات هوا ..
و عطتني عسل اخلطت معاه اعشاب جدامي و تحاميل وحده اهيا مسويتها و ثنتين جاهزين من الصيدليه و قالت لي هالتحميله قصدها اللي مسويتها اهيا اللي ان شاءالله بتنزل التكيس
و عطتني حبوب جنين القمح
و اكتبتلي اخذ من الصيدليه كلوميد و حبوب تنظيم الدوره اسمها بروجليتون اللي تكون 21 حبه نص ابيض ونص بني , ابلش في الكلوميد خامس يوم الدوره لمدة 5 ايام و حبوب الدوره لمدة 21 يوم
و التحاميل خامس و سادس و سابع الدوره وابلش في اللي اهيا مسويتها
اما العسل و حبوب جنين القمح كل يوم قبل الاكل مرتين باليوم
ماااالكم بالطويله
المشكله :-
انا مشيت على علاجها و خلصته و حبوب الدوره صارلي من خلصتها 10 ايام و للحين ما نزلت الدوره مع اني احس بعوارها من اول يوم خلصت فيه الحبوب .
واحس الام اسفل الظهر و البطن هالعوار يجي و يروح
وبعد اول ما خلصت الحبوب كان صدري محسس و احس شوي مورم بس الحين لا يعني قليل احس فيه وماكو تورم
واحس شوي بلوعه مع العلم انا من اتأخر علي الدوره احس بلوعه في كل مره
و افرازات مهبليه لونها ابيض بدون ريحه و البول صار فيه ريحه ولونه شوي غامج
و احس فيني هوا يعني سوري عالكلمه بس بكثره افرغ غازات .
…..
منو صار فيها مثلي و المفروض من بعد ما اكل حبوب بروجيلتون متى لازم تنزل الدوره ؟
بنات ما ابي احلل الحين لان نفسيتي اتعبت من كثر ما يخيب ظني و ما ابي احط شي في بالي لين يمر جم يوم بعد
مشكورين
انا أقول سوي تحليل حمل أحسن لك.
بس ليش اهي معطتك الكلوميد خامس يوم الدورة؟ يتراوى لي لازم ثاني يوم الدورة؟؟؟؟؟
وما ادري ليش خامس يوم الدوره !
سوي تحليل حمل عشان تتأكدين
بس الي مو عادي لحبوب والتحاميل الي أوصفتلج أياهم عسى ماشر وعلي أي أساس و منو أهيا الي كاتبتلج clomid وprogyluton
clomid لما ناخذه تحت اشراف دكتور إيسويلج سونار ويشوف حجم البويضات وبعدين لازم يعطيج أبره تفجيريه لان البويضه ماكبرت بروحها فماراح تطلع بروحها.
وإذا ماعطاج ابره تفجيريه تدرين شراح ايصير راح اتصير البويضه كيس علي المبيض ويكون كبير وهذا الي ايأخر الدورة
و يمنع الحمل ويسبب التكيسات.
progyluton اوكي تاخذينهم عادي من الصيدليه لانهم ايقولون انها اتنظم الدوره وعلي فكره ترا تمنع الحمل ولي قولج انها عادي ماتمنع الحمل جذاب سمحيلي علي هلكلمه والدوره الي تنزلها هلحبوب تكون دوره كيميائية مو طبيعيه الدكاتره يوصفونه بس عشان يمسكون دوره عشان ايبلشون علاج.
والاعراض الي قاعده اتحسين فيها يابعد قلبي هذي من الهرمونات الي خذيتيها والغازات هذي اول إشاره علي خربطة الهرمونات
لاتاخذين أدويه بدون وصفه الا من دكتور ويكون ثقه والله مايصير جذي قاعدين يلعبون فينا
شوفي ياوخيتي عن الحلال والحرام حللي بلبيت مال الصيدليه وأذا طلعتي حامل الف مبروك و إذا مو حامل علي طول روحي الطبيب وقوليله شنو خذيتي وان الدوره مانزلت ولازم ايسويلج سونار داخلي عشان ايشوف شصايرلج بس لاتسكتين علي عمرج.
والله يرزقج ويرزقني ويرزق كل محروم أنشاءالله بذن واحد أحد.
سامحيني أسلوبي كان قاسي شوي بس والله من حرقت قلبي عليج وعلي سوته فيج .
واختي (ربي ازرقني بيبي ) مشكوره عالاهتمام و ادري خايفه علي بس خليني اقولج ، انا بنت خالتي كان فيها تكيس مثلي و راحت لها و عطتها نفس علاجي و من غسلت من الدوره حملت على طول ، و فيه اكثر من وحده بعد نفس الشي
بالنسبه عن الكلوميد انا سائله دكتوره و قالتلي انه مو زين حق الاكياس مو التكيس فيه فرق ، اما التكيس علاجه دايم منشطات
و حبوب بروجيلتون مستحيل تمنع الحمل لان اهيا تنظم الدوره بس
اما عن ام عبدالله شوفي انا بالذات ما اثق في اي احد بس هالانسان معروفه وبعدين اهيا مره عندها خبره واساسا كانت ممرضه في قسم النسا وتولد بعد حتى الروشيته اللي اكتبتها لي كانت بالانجليزي حافظه اسامي الادويه
و التحاميل كانت ٣ وحده اهيا مسويتها و ثنتين من الصيدليه وهذي اللي لونها اسود معروفه تنظف خصوصا بعد النفاس و الدوره
اما اللي اهيا مسويتها اساسا ملح فارسي و مر مكوناتها و حيل تنظف و كل خواتي ياخذون تحاميلها
حرام هالانسانه نظلمها بالكلام ياما ناس تشافوا تحت ايدها
ومشكوره مره ثانيه ؛)
وتحملين وتكون سبب من بعد الله تعالي
وغلطانه اللي تقول حبوب برجيلتون تمنع الحمل بالعكس
هي ماتنع
بس تنزل الدوره وان كان فيه حمل ماتمنعه
وربي يرزقج حبيبتي وانتي وش حقه تحليليلن بالبيت حللي هرموني ويبين ويااج وطمنينا عنج ياغاليه
وكل شي بيد الله والله يكتب الي فيه الخير
وهلحبوب لو أنتي بلندن أو بلمانيا أو في هولنده او في أي بلده أجنبيه و رحتي الصيدليه وطلبتي هلحبوب راح يضحكون عليج , تدرين ليش لأن مثل البندول مجرد مسكن بس ما يعالج المشكلة الصجية و هي التكيس و التبويض. وهلحبوب يوصفونهم حق اللي دورتهم مو منتظمة و اهما في سن اليأس , ومن صج هلحبوب تمنع الحمل و الدكاترة الفاهمين مايوصفونهم حق الي بتحمل
دشي مواقع انجليزيه وشوفي منو يستخدمهم وشنو أعراضهم الجانبيه . وأهم كاتبين علي العلبه أنها ماتمنع الحمل يعني ممكن ايصير حمل بس أهيا مو علاج عشان الوحده تحمل .
والحمل حبيبتي بيد الله تعالي بس انا الي بوصلج اياه أن مايصير تاخذين أدويه بدون وصفه و اشراف طبي أم عبدالله والنعم فيها بس علي اي اساس توصف أدويه و الدكاترة وين راحو؟؟؟؟
وعلاج التكيس:
الي بتحمل – يعطونها منشطات
ولي ماتبي أتحمل – يعطونها مانع حمل
و الكلوميد والمنشطات اوكي اهيا اتطلعلج بويضات صالحه للإخصاب بس لازم أبرة تفجيريه عشان أتطلع البويضه ولا الله لايقوله تكبر وتصير جيس
والشهر الي الثاني اذا ماصار حمل راح ايزيدون التكيسات لانج حفزتي المبيض فراح ايردون يعطونج منشطات ليما ايصير حمل
و أعيد كلامي مره ثانيه لازم دكتور ايتابع معاج التبويض بعد اخذ المنشطات.
و الأعراض الي انتي قلتيها كل من هلهرمونات الي انتي اخذتيها.
الله يرزقج ويرزق كل محروم ياربي.
لااااااا لااااا لاااااا موووو من صجها !!!!!!!!!!!!!!!!!!!!!!!
صدمتيني حطمتيني زعلتيني !!!!!!
حبيبني شلووون شلووون تاخذين كلوميد بدون لايقيسون حجم البويضات !!!
ولا بعد حبوب بروجيلتووون يبببببوووووي بشق هددومي !!!
البروجلتون ماتنعطى الا لما تنقاس بطانة الرحم !؟!!! بغض النظر عن انها تمنع الحمل او ماتمنع مستحيل تنوصف بدون مايقيسون بطانة رحمج جم حجمها !!
لا لا لا طالت وتشمخت ام عبدالله والله مو هينه العن من الدكاتره هذي سونارها بالعين تسوويه !!
حبيبتي اللي حملوا يمكن صدفه وربي كاتبلهم الحمل بهالوقت ولا شنو هالخرابيط ؟
ولو كانت ممرضه شنو يعني هالامور مو ممرض يوصفها مايوصفها الا استشاري بعد مو ممرضه !!!!
وشنو معطيتج تحاميل ملح !! من صجها والله !!
تدرين الملح شنو يسوي !!
تدرين انه يغير الوسط الكيمائي في رحمج ويلعب فيج ويمكن لاسمح الله تلتهبين ؟!
لاحول ولا قوة الا بالله ماادري شلون يابنات واسمحولي على هالكلمه من حرتي عليكم كل شي تاخذون وتجربون بنفسكم ؟!
ترا هذا رحم !! مو كل شي تعال وجرب فيه مايصير !!
الله يرزقج يارب وخلي عنج ام عبدالله مع احترامي لها خوووش ممرضه قاعده ابيتهم وتكتب روشتات ولا اجدع استشاري ولا بعد متمكنه مو محتاجه سونار داخلي صلوووات على سيدنا محمد واله !
حبيبتي انا دكتوري وصفلي حبوب البروجيلتون عشان يزيد سمك بطانة الرحم وكنت ماخذه منشطات بس ماحملت ..
ماجده اليتامى بعد قالتلي اخذيهم مع منشطات بس ما ارتحت لها وماكملت علاج معاها .،
انا اشوفهم عادي يكتبونها للي تبي الحمل بس عاد من ناس استشاريين مو ممرخه ولا ممرضه مع احترامي لهم .
وقبل لايوصفون في سونار داخلي يشوفون كل شي بالرحم المبايض والبويضات وحجمها وسمك جدار بذانة الرحم كل هالامور تنحط بيعين الاعتبار ، مو بس اكتب وصفتك وخلاص*
حملت مبرووووووك سكر وذاابت اشووف تووقيعهاا
عااد ليت تدش وتقوول لنا تجربتهاا وشنو صار مع هالممرررخه
الله يتمم عليها يارب