الجهاض المتكرر

بنات شنو سبب الاجهاض المتكرر انا اجهضت بس مو عارفه شنو السبب ومحد يقولي البيبي عندي مايكمل 5 اسابيع ويطيح او يوقف نموه ومو عارفين السبب من شنو انا يايبه طبيعي من قبل بس ليش قاعد يصير فيني جذي الحين يعني في وحده مثلي وبعدين عرفت السبب بالتحاليل او المراجعات بنات بليز ريحوني

حبيبتي ان اللي اعرفة انه سبب الاجهاض ساعات يكون الرحم صاد يعني البيبي ما يكبر ويطيح
او جسمج فيه مضادات تقتل الجنين
بس انا مابي اخرعج ويمكن انتي حالتج غير
بس الله يعوضج ويرزقج الشهر الياي..بس ديري بالج على نفسج..

ما كليتي بيبي اسبيرين يوم أجهضتي؟
المفروض يعطونك إياه إذا البيبي توقف نموه عشان تتوخين الحذر في الحملة الياية
سوي تحاليل دم خاصة بالمضادات
و احياناً تكون أسباب غامضة محد اكتشفها
و إكلي فوليك أسيد على طول كل يوم بدون توقف
شوفي انا نصحت وحدة حاطة موضوع يشابه موضوعك
و قلت لها روحي حق الدكتور محمد السيد قطب
عنده عيادة خاصة
جربيه
لأنه وايد زين

الله يعووووووووووض كل من اجهضت

اختي ليش يعطون اسبرين ؟
وبعدين انا مااحب اراجع عند دكاتره رجال
وانشاءالله راح اسوي تحاليل واشوف من شنو ومشكورين

شوفي حبيبتي انا اجهضت وسوولي تحاليل حق الاجسام المضادة اول شي قالولي فيج بس لما عدت التحليل وتاكدوا طلع ما فيني اجسام مضادة
فانتي سوي التحليل وشوفي شنو يطلع

ولما راجعت عند دكتور جمال الدين الافغاني بالمواساة قالي اذا بتحملين اخذي بيبي اسبرين وفوليك اسيد
انا بعد ما احب اراجع عند دكاترة بس هالمرة خالتي قالتلي روحي عنده بس استشارة واذا حملت ان شاء الله اروح عند دكتورة يعني مستحيل يفحصني او يسوي سونار

مشكوره حبيبتي وايد والله يرزقج الذريه الصالحه ويبرد فؤادج

الله يرزقج بالذرية الصالحة…ويعوضج يارب..انا اجهضت والتحليل طلع مافي شي..مع اني كنت اخذ الفوليك اسيد من قبل الحمال ب3 شهور بس اكيد في اسباب والتحاليل تطلع بعد شهر …لأني اراجع بالصباح والمواعيد بعيدة

انتي مثلي 6 اسابيع ويوقف النمو
وطلع فيني اجسام مضاده

حللي هالتحليل ضروووري ضرووووري

وشووفي شصير معاج اذا طلع سليم راسليني ع الخاص

لأن الاسبيرين يسوي سيولة بالدم عشان يمر الدم حق البيبي عدل و ما يوقف النمو
و ترى أحياناً الدكاترة الرياييل وايد أحسن و أشطر من الحريم
و انتي و راحتك
و فيه وحدة ما تحب تروح حق دكاترة رياييل و تراجع عند دكتورة
و الصراحة محد نفعها إلا هالدكتور اللي قلت لك عنه
و اهي راحت له و هي مضطرة
و عند الضرورة تحل المحرمات

حياتي
ان مثلك واستخدام اسبرين الأطفال وحمض الفوليك شبه يومي الا وقت الدوره اوقفه
وبعدين قالوا انه لازم وقت الحمل اروح للشيخ يقرا من اول يوم ادري بلحمل الى وقت الولاده لاني اجهضت سبع مرات
اسأل الله الكريم ان يرزق كل محروم

الله يرزقكم يارب
انا اجهضت مره وحده بس ماقالولي ولاسويت تحاليل لسبب الاجهاض عاادي ؟؟؟؟

اقرئ مواضيعي امكن تفيدك

مشكورين بنات بس ممكن احد مثل حالتي يفيدني اكثر لاني انا يايبه طبيعي من قبل وماكان فيني شي ولا عطوني بيبي اسبرين ولا شي

اذا في اختلاف فصايل الدم بينك وزوجك موشرط اول حمل يطيح لنه طلع نفس فصيلتك وماحتجتي تاخذي الابره بس ثاني حمل مفروض بعد الاجهاض بكم ساعه تاخذي الابره لحماية الحمل الجاي من الاجهاض والله يكتب لك الحمل وكل محروم