منظار الانابيب

سويت اشعه الصبغة وقال الدكتور ان المحلول ما مر من الانابيب واحتمال تكون مسكره ولازم نسووي منظار وموعدي اخر الشهر وانا احاتي ؟؟؟؟؟؟؟؟؟؟؟؟؟؟
ياليت كل وحده سووت منظار تقولي عن تجربتها هل منه فايده وبفتح الانابيب
او هل يوجد علاج شعبي يفتح الانابيب
او ينفع المساد لفتحها
ارجوووووووووووووووووووكم ابي نصايحكم وتجاربكم
والله يرزقكم جميعا بالتوأم السليمين آآآآآآآآآآآآآآآآآآآآآآآآآآآمين

حبيبتي ربي يشفيج ويبعد عنج المرض ويرزقج بالذريه الصالحه عاجل غير اجل قلبي استخيري وسوي المنظار لانه واايد زين لهل حالات والله يوفقج وتلقين نتيجه طيبه وزينه بس اول جربي هل خلطه …
اخذي مسمار + زنجبيل +حلبه + دارسين وطحينهم واخذيهم مع كل دوره من اول يوم لي خامس يوووم وشووفي شنوو راح يطلع منج راح يطيح منج اكثر من الدم المعتاد ومثل قطع الجبده اضغار واسود قالي عليها دكتور محمد اللي بمستشفى الالماني السعودي وسويتها لمده 3 شهور ورديت سويت اشعة الصبغه والحمد لله الزيت مره وهم استمريت عليها لمدة 5 شهور وعقبها سويت اطفال الانابيب وانجحت معاي الحمد لله لا تنسيني بالدعاء ربي يرزقني بنوته حلووو وتكون من الذريه الصالحه اللهم آمين

مشكوره اختي فوزيه وبسووي الخلطه وربي يرزقج بتوأم بنوتات يارب اللهم آآآآآآآآآآآآآآآآآآآآآآآآآآآآآآآىمين
بس اختي هل الانابيب كانت عندج مسكره ؟
يعني الزيت مر من الانابيب انزين ليش سويتي اطفال انابيب وهي مفتوحه
مع الشكر

حبيبتي انا عندي التصاقات بالرحم والبطانه وحالتي خاصه جدااا ونادره سبحان الله والله رزقني بعد العمليه الحمد لله وبعد هل خلطه حبيبتي مر الزيت بس اول مره ما مر الزيت نهائيا وبالاشعه مابين كلش بس المره الثانيه واضح حيل والله يسهل عليج يارب