|
|
أمس كان عندي لجنة طبية للعلاج بالخارج لأن علاجي للحمل بعد آخر مرحلة وصلتلها واللي اهو مركز طفل الأنابيب مو متوفر بالكويت
كنت متفائلة والحمدلله بس من طلعت منهم نفسيتي من 100% صارت 0%
المهم دشيت انا وزوجي على اللجنة دكتوري يشوف التقرير ويكلم الدكتور الثاني شكله مسئول جان يقولي الدكتور شوفوا ترى تكاليف السفر الروحة والردة والسكن والمصاريف الثانية عليكم أما الدولة بس عليها تكاليف العلاج في المستشفى بس اهني حسيت فقدت كل شي بس أملي بالله أكبر من جذيه
قلت انزين متى النتيجة قالولي بعد اسبوعين
سألته في إمكانية انهم يرفضون قالي دكتوري اممممممممممممممممم انشالله لا
هذا كوم وحل المجلس كوم ثاني يعني مهما كان وحتى ان علاجي مو بالكويت لازم واسطة والحين مافي نواب قولولي يا بنات انا شسوي الحين
ووقت ما قاللي الدكتور عن حالتي لما كنت أراجع المركز انا علاجي مو بالكويت وعلاجج مو موجود الا بأمريكا أو لندن قاله زوجي يحتاج أدخل واسطة قال لا ما يحتاج لا نائب ولا وزير لأن حالتي انا نادرة والعلاج من الأساس مو متوفر عندنا
واشوف الحين الكلام بدا يتغير ويدب فيني الشك بعدم الموافقة لا والأدهى والأمر سالفة المصاريف كلها والتذاكر
ما أقول غير حسبي الله ونعم الوكيل
إن الله سبحانه هو المشافي المعافي وإن الأطباء بالخارج ماهم إلا سبب من الأسباب
الله سبحانه اللي قادر على شفائج قطي كلام الأطباء عن العلاج فقط بأمريكا أو لندن ورى ظهرج
الله سبحانه اللي إذا يبيج تحملين قال للحمل كن فيكون
إلجي لله وقومي الليل وإستغفري إنتي وزوجج لأن علاج العقم الإستغفاااار
الله سبحانه دلنا ع العلاج بقوله (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينوَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً)
الله يشافيج ويرزقج الذريه الصالحه
بإذن الله بيجي اليوم اللي بتفرحين فيه وبتحسين بنبض الطفل إبطنج
ولكن ثقي ثقه تاااااااااااامه بالله وإنسي كلام الأطباء صدقيني ماراح يقدم ولا يأخر
طبيبج هو الله وعطاج الوصفه ما خلاج حايره وضايعه
إفتحي هالروابط وإدعي لي .gif "Eh S(6)")
خالد الجبير – أسباب منسيه
https://audio.islamweb.net/audio/inde…&audioid=85612
عصام العويد – أسباب الشفاء
بعض الناس حتى لو فيهم كحة ودوهم لجنة العلاج بالخارج عشان يتعالجون
واحنا المواطنين الي على قد حالنا عيال البطة السووودة لو فينا مليوون مرض بالغصب يوافقون
حسبي الله ونعم الوكيل
شكرا على ردج بس حبيت أقولج اني انا ولله الحمد مو عقيم وفي امكانية إذا أراد الله سبحانه اني أحمل وهذا شي بارادة رب العالمين
لكن اللي فيني شي ثاني ما احب اني اتكلم عنه
يا ما ناس راحت علاج بالخارج وتخيلوا اشفيهم؟ عشان أسنانهم
انزين شنو سالفة القانون الجديد ان كل شي علي انا ما عدا العلاج في المستشفى على الدولة
وبنات بغيت أسألكم وتكفون ردوا علي
هل النائب ممكن يسوي شي والمجلس منحل
والله يشافيج ويرزق كل محرومه امين
حبوبه لايضيق خلقج وماتدرين يمكن خيره لج وللحين ماحان الاوان الي تروحين فيه بس انا اعرف وحده ماكو شي ماجربوه فيهم اهنيه بالكويت ومالله كتب لهم وبعد فترة تعرف زوجها على واحد مصري وسأله ليش ماعندك عيال المهم هالمصري قال علاجك عندنا بمصر ومايكلف عليك 4000 الاف جنية يعني بحدود 200 دينار هذي مصاريف بس العلاج والعيشة هناك بمصر رخيصة وفعلان راح مع زوجته لدكتور وسوو اطفال الانابيب يعني خذو من زوجته البويضة ولقحوها بالحيوان المنوي وبعد ماتلقحت ردوها برحم الزوجه وماشاء الله الحين حامل وبشهرها الخامس وانا خذيت منها اسم الدكتور ورقمه وتقدرين تتصلين عليه انتي وزوجح وتشريحين له حالتج وصدقيني يمكن الله كاتب لج الحمال بدولة عربية وهذا الرقم : 0020237609071
دكتور شريف الشرقاوي – مستشفي آدم الدولي للخصوبة والعقم – 20 شارع عدن – المهندسين جيزه القاهرة
رقم الفاكس : 33371285
على فكره عندهم بعد بنك لحفظ الاجنة اتصلي والله يرزقج ويرزق كل محتاج ..
واتمني من الله يفك كربج وينولج مرادج ياقلبي ..
لأن هالقرار من الوزير بس يتحملون تكاليف العلاج اما المصاريف والسكن عليكم
روحي شوفي قسم تأخر الانجاب اشكثر اللي موافقين عليهم وانا من ضمنهم
بس للأسف ماكو مخصصات حتى التذاكر علينا الله يرحم الحال
وبعدين رفيجتي توها جاية من العلاج بفرنسا التذاكر والسكن عماما المصاريف من الدولة واشلون الحين لا
اشمعنى ليش يسوون جذيه ليش يضيقونها علينا حسبي الله ونعم الوكيل
يوم قلت لدكتوري قال شنوووووووووووووووووو استغرب وقال أصلا تكلف تقريبا من 1500 لي2000 بس
وتقولين مصر!!!!!!!!!!!!!
الحمد لله على كل حال يا بننت امريكا رخيصة لندن هي الموت الغالية
ولا تنسين الدعاء …
|
المشاركة الأصلية كتبت بواسطة مس جاندوفلي
 أمس كان عندي لجنة طبية للعلاج بالخارج لأن علاجي للحمل بعد آخر مرحلة وصلتلها واللي اهو مركز طفل الأنابيب مو متوفر بالكويت
كنت متفائلة والحمدلله بس من طلعت منهم نفسيتي من 100% صارت 0% المهم دشيت انا وزوجي على اللجنة دكتوري يشوف التقرير ويكلم الدكتور الثاني شكله مسئول جان يقولي الدكتور شوفوا ترى تكاليف السفر الروحة والردة والسكن والمصاريف الثانية عليكم أما الدولة بس عليها تكاليف العلاج في المستشفى بس اهني حسيت فقدت كل شي بس أملي بالله أكبر من جذيه قلت انزين متى النتيجة قالولي بعد اسبوعين هذا كوم وحل المجلس كوم ثاني يعني مهما كان وحتى ان علاجي مو بالكويت لازم واسطة والحين مافي نواب قولولي يا بنات انا شسوي الحين واشوف الحين الكلام بدا يتغير ويدب فيني الشك بعدم الموافقة لا والأدهى والأمر سالفة المصاريف كلها والتذاكر ما أقول غير حسبي الله ونعم الوكيل |
اختى اول شى قولى الحمدلله على كل حال 000 واللى ايمانه بالله قوى صدقينى الله ما يخيب رجاه 000
حاولى قد ما تقدرين تدبرين عمرج وتسافرين ما تدرين باجر شنو القرار الجديد اللى بيطلع يمكن حتى اللى طالعة قراراتهم بالسفر حتى لو على حسابهم هم راح يكنسلونهم
الله كريم ولا تنسين رحمت الله اوسع واشمل من الكل 0000 وعسى الله يرزقج ويفرح قلبج انشاء الله وتفرحينا بخبر حمالج
وطبعا لا تنسين الدعاء وكثرة الاستغفار والله يوفقكم