فترة النقاهه بعد عمليه السحب والترجيع

حبيباتي انا سويت عمليه الانابيب مرتين والله ماكتب لي الحمل بس الحين ابي اسألكم ؟؟؟؟؟؟؟؟؟؟؟

مثل ماتعرفون ان تعرض الجسم للهرمونات والابر وعمليه السحب كلها تأثر عليه واتعب نفسيا وجسمانيا والدكتو يعطيج فترة

راحة3 شهور.ابي اعرف شتسون بهلفترة ؟؟

انا بصراحه جسمي تغير وزاد وزني و اطلعتي كرشه واختفى الخصر ولو اقلل اكل او اسوي ريجيم ماينزل وزني .اسنغفر

الله الي فينا مكفينا ابر وادويه وتعب نفسي واعصاب بس الحمدلله على كل حال.انا توني باديه اشرب مريميه مع مرقدوش

انقعها واشرب منها باليوم كوبين واخذ فيتامينات عشان شعري لانه صاير يلوع الجبد لدرجه اني قصيته بوي.انتو شتسون

وتاخذون ادويه تقوي جسمكم ؟وخصوصا للمبايض لان عمليه السحب تاخذ من مخزون الجسم.ابي اتشاركوني همي

انا توني امسويه حقن مجهري و طلع احتمال حمل خارج الرحم …باجر يبين معاي …خطتي :

دايت دايت دايت , فيتامينات , سفره حلوه اعدل فيها نفسيتي

و الله كريم

حبيبتي نصيحه ابتعدي عن الميرمية لانها تسبب ضعف للمبايض

والاشياء الثانية ياقلبي ديري بالج على عمرج ولا تفكرين ان يخترب جسمج او لا انسي هالشيء ولا تزيدين اهمومج اهموم لاجل عين تكرم الف عين لاجل الحمل تحملي كل شيء ياقلبي

وقولي الحمدلله والشكر على كل حال

ويارب يرزقج الذريه الصالحه

بس انا قريت وايد عن المريميه انها مفيده وتنشط المبايض وتزيد هرمون الانوثه .ياليت احد يفيدنا