الموده تخفف الم الحرمان

بعد التحيه والسلام

انا حبيت اقولكم

ان احنا تعبنا واحنا ننطر والبعض صار يجزع وماعندنا الا البجي والدموع

صح ولا انا غلطانه؟؟
المفروض ان نشيل سالفة الحمال من بالنا وبس ندعي ولا يصير هم عليج كل شهر تحسبين جم لج وجم ويوم باجي على الدوره انسي انسي اشغلي تفكيرج بشي ثاني

الموده تخفف الم الحرمان ((المعنى)) قوي علاقتج بزوجج خليه ما يستغني عنج
انتي ظامنه ان امه او اخته او خوه ما راح يزنون براسه ويقولون له انت لازم تتزوج نبي نشوف ظناك ويحنون عليه ؟؟بس اذا ذكرج وان يحبج وماينسى مواقفج معاه اكيد حنتهم ماراح تأثر عليه بس اذا انتي علاقتج فيه عاديه اهني الرجال يحط براسه هاتفكير

لاحظي عمرج بدلي سلبياتج ايجابيات
وعسى الله يوفق الجميع ويرزقنا يارب لاتنسون لالا تفكرون عيشو حياتكم بموده
الله يسعدكم واتمنى اني افتدكم مع السلامه نطرو فرج الله قريب

اي والله صاجه ……………

اي والله صاجه يوخيتي

الله لو اييي ذاك اليوم اللي احس ان في احد من حمولتي تارس راس ريلي علي

راح افجر بيتهم

صح كلامج والله ربي يرزقنا جميعا بالذريه الصالحه
وخليلنا رياييلنا يارب

مشكوره على الموضوع

الله يرزق الكل

مشكوره اختي وجزاج الله خير

كلامج 100%

الله يوفقج ويوفقنا يااارب

ويرزقنا قريييييييييييييييييييييييييييييييييييييييييبا كلنا قولي امين

مشكووره حبيبتي والله يجزاج خير
وعسى ربي يرزقنا الذريه الصالحه عاجلا غير آجل

اي والله صاجه
انا بعد لاحظت نفسي
اذا صارت مشاكل بيني و بين ريلي على اي شي
و تزاعلنا طول فترة زعلنا و انا افكر باليهال و تتعب نفسيتي و اعلق كل مشاكلي على هالسالفه
و بس نرد و نتصافى ترتاح نفسيتي و يقل تفكيري بالموضوع
على قولتج الوحده الله عطاها هالريل عشان اتعكز عليه و يكون لها سند لي ظاقت عليها الدنيا: قال تعالى(هن لباس لكم وأنتم لباس لهن)( البقرة187) فهالله هالله بالريل حطيه بعينج و سوي اللي يبيه ميخالف بعض المرات على حساب كرامتج صدقيني ما تمشي الحياة الا بهالطريقة لازم تقدمين تنازلات عشان الحياة تمشي و خلي عنج سوالف تحرير المرأه و المرأ عندها كيانها و شخصيتها و المساواة و كلام الافلام العربيه هاذي كلها افكار دخيله عشان تتفكك الاسره المسلمه كيانج و شخصيتج في طاعة كلام الله و رسوله و طاعه زوووجج.
اذا طبقتي كلام الله و رسوله راح تلقين نفسج و تعرفين ان كرامتج و شخصيتج محفوووظه.
( كوني له أمة يكن له عبدا) حطي هالكلمه في بالج و تذكريها اذا عصبتي تعوذي من ابليس و فكري اول شي تمتصين غضبه. و كثري من قول ان شالله و اذا حسيتي انج مظلومه احتسبي الاجر و طلبي العون من الله والله سبحانه راح ياخذلج حقج . تلقين زوجج اهو بروحه ياج يصالحج او تصير الشغله اللي بغيتيها.
بقولكم سالفه صارتلي امس.
زوجي صارله فتره مايزور بيت اهلي مادري شفيه فجأه قام كل ما اييبله طاري بيت اهلي يتنرفز.
امس كان عندنا عزيمه و اتصلو عليه.
تخيلو طول اليوم و هو يقول انه بيروح و مرتب مواعيده على هالاساس قبل العزيمه بشوي قالي شكلي ماني رايح قلتله خلاص خلص شغلك و تعال قالي انتي لي صرتي هناك ماتردين عالتلفون و انا مالي خلق اوصل لي هناك و اتنرفز و تلطعيني عند الباب و هالحجي حلفت و قلت ووعدت ماكو فايده قالي يابنت الناس روحي بسيارتج.
طبعا انا هني مت من الاعصاب فشله جدام اهلي و كل ما ييت بتكلم بالموضوع اتعوذ من ابليس اخاف اغلط و تكبر السالفه
دعيت قلت ياربي تدري ان ييت زوجي بيت اهلي شكثر مهمه عندي يالله انك تهديه و تشرح صدره و شغلت المسجل بالسياره على سورة البقرة.
و بالطريج ياتني فكره اني اواجهه و اقوله انه مقصر بحق اهلي .رفعت السماعه مزهبه الكلام اللي بقوله له.
ولا يطلع مني كلام مصفف مادري شلون قلتله و سالته شلي مظايقك ؟؟ و تخيلو ان اعصابه كلها راحت . قعدت فبيت اهلي شوي ولا هاذا اللي داش علينا ما تخيلون شكثر ستانست يوم شفته لو ما الحشيمه و الحيى جان قمت لميته .
وما اتخيلون شلون اهلي استانسوا يوم شافوه.
و ليلحين قاعده افكر لو اني شاده معاه و حانه عليه جان عاند و مايى و جان ليلحين ما يكلمني.
والله ترى السالفه مو صعبه شووووووويه تنازل شوفو المسلسلات السورية و تعلمو ابن عمي و تكرم عينك و تؤبرني و تحط الريال بجيبها.
شوفوا الآسيويات شلون يعاملون الرياييل و شوفوا الرياييل شلون يموتون عليهم. لا تعاملين الريال بنديه اهوا مو عدوج ولا ندج اهوا حبيبج و ظلج و سندج بالدنيا ومالج غنات عنه يالله يابنات نكسب رياييلنا و نحطهم بعيونا.
و سامحوني عالاطاله احبكم واااااااااااايد.

ومشكوره اختي على هالموضوع اللي يفيد وايد بنات يائسين من رحمه الله

وربي يرزقنا ويرزقج وكل محرومه يااارب بالقريب العاجل