حرام اللعب بمشاعر وآمال البنات لازم الكل يسمع

السلام عليكم
بنات انا ملاحظه انه في بنات الله يهديهم في قسم تأخر الإنجاب يحاولون يروجون بضاعه من ادوية عشبية وغيرها تري الوحده تتعلق بأي شي ويمكن هالأعشاب ما تناسبها وتظرها ما تنفعها وغير خساير لفلوس والمساكين يبون اي شي وانا منهم اشكثر خسرت فلوس ووقت بس امشي ورا وهم وتري انا صارلي عشر سنين ما عندي عيال واي امل اتعلق فيه بس تري الرحمة حلوه واعتقد الطب تطور والأعشاب اتأثر علي الكله والضغط والسكر والكبد وغيرها امراض غريبه وانا عانيت من الكلي بسبة الأعشاب والله المستعان اشكركم علي المرور.
ارجوكم ارجوكم لا تروجون اعشاب وغيرها للي تبي عيال

شكو الاعشاب بلحمال !!!!!!!!!!!!!!!!!!!
ياعالم كل شي بيد الله والطب تطور حيل
فلي متى العقليه القديمه
اوكي الاعشاب حق اشياء ثانية بس مو الحمال
صج الوحده تتعلق باي شي

وانشاءالله ربي يرزق كل وحده بلمنتدى وبره المنتدى بلذريه الصالحه يارب

مو اي شي ينشرب ولا كل شي يتصدق
والحمدلله ما تأثر علي هالاشياء ولا تشدني خير شر

ونصيحتي للكل لا تاخذون اي شي على اساس بتحلين مشكله تخربين شي ثاني
والله المستعان

والله كلامكم عين العقل
في اعشاب تضر وما تنفع
واللي ما جربت بنفسها وشافت النتيجه لا تقول ولا تروج اي نوع
والله المستعان

انا الصراحة اسمع واطنش
لان كل شي بيد رب العالمين واللي فيه الخير يفعله رب العالمين

مشكورة اختي حبيبة فهد على ذكر هذا الموضوع لأن فعلا مهم ويحتاج الذكر
والله يعطيج العافية ويزقج ويرزقنا بالذرية الصالحة يارب

ماقصرتي اختي صج كلامج وانا عن نفسي صراحه اخاف اخذ اي شي لانه انا معدتي حساسه من اي شي ماابي اعفس شي على حساب شي ثاني

وربي يرزقنا جميعا الذريه الصالحه اللهم امين

اللة يعطيج العافية على هالموضوع الحلو صاجة واللة

نفس كلام ريلي
وعموما انا عمري ما جربت اي شئ غير الأدويه ماقدر على الأعشاب جبدي تقلب
والإتكال اولا وأخيرا على الله سبحانه وتعالى

انا الصراحه لمن تيييلي الدوره اشرب دارسين علشان عوارهاا لان يخفف شوي

ومشكوووره يقلبي ع الموضوع

صاجه والله
انا اخااااف من سوالف اعشاب مخلطه
واللي ممكن ينفع وحده ما ينفع غيرها كل جسم يختلف عن الثانيه
انا ما استخدم الا عسل
واحيانا عشبه وحده من غير خلط وتكون مذكورة فوايدها بالطب النبوي