|
|
السلام عليكم ورحمه الله وبركاته
صباح الخير
حبيت احد يفيدني بخصوص الاجهاض
انا مرتين حملت وماتم حملي اجهض بسرعه حملي الاول ماتمله اكثر من اسبوعين وجهضت ماسويت أي
مجهود عشان اقول من المجهود ما دري ليش وبعد حملي الثاني ماتمله شهر وحاشني دم بسيط تكرمون بعده زاد شوي لين مات بطني
ولاكن الحمدالله على كل حال
بعد تسقيطي الثاني سوت تحليل الدكتوره لي عشان اشوف عندي اجسام مضاده او لا
وطلع التحليل باني سليمه وماعندي اجسام مضاده
الحين انا محتاره شنو سبب الاجهاض وربي تعبت خفت احمل مره ثالثه ولاسمح الله يطيح
لان جد جد تعبت حيل وتالمت الم موطبيعي ياريت الي عنده معلومه او يعرف دكتوره او دكتور او استشاري
شاطرين امانه لاتبخلون علي لاني الحين صارلي سنه من تسقيطي والحين داشه بسنه الثانيه وانا بخاطري احمل حالي حال البنات خاصتن ان زوجي يبيني احمل بس من الالم الي مريت فيه اخاف احمل ويطيح لاقدر الله وتعرفون الرجال ماهمه اهم شي يكون عنده بيبي وتعرفون موزين المراه تسقط اكثر من مره
تكفون بنات وربي تعبت من كثر ما افكر شنو اسوي عشان اعرف من شنو يصير تسقيط 
عموونا انصحج خلي ريلج مايجامعج مده ثلاث ايام بعدين خل يروح اي مكان يسوي تحليل حيوان منوي وياخذ النتيجه ووديها حق دكتوره شاطره
انا ارشحلج الدكتوره هند الحمدان هالدكتوره وايد شاطره وممتازه حيل روحي شرحيلها كل شي والافضل خلي تحليل زوجج زاهب تقراه بنفس الوقت وبس
مكانها بخيطان عند دوار المخفر مستوصف الكويت الدولي
دام التحاليل سليمه
انا تزوجت وماحملت بسهوله عالجت الهرمونات وبعدين حملت والحمدلله تم حمالي
وبعده ب تسعه شهور تقريبا حملت مره ثانيه واجهضت
وحملت بعد اربع شهور مره ثانيه واجهضت مرتين بدون سبب سويت تحليل الاجسام المضاده
وسويت عمليه تنضيف واخذو الجنين وحللوه مالقو تشوهات
قالتلي الاستشاريه بدون سبب الاجهاض
بس احتمال لان الدم ما كان يغذي الجنين عدل كانت عندي كتله دم تجلط دموي في الرحم
وحملت بعد التنظيف ب شهر واحد
والحمدلله ربي كريم وعوضني وثبت حملي
من اول ماعرفت اني حامل مثبتات حمل لين يوم الولاده
طولت عليكي بس انا مثلك اجهضت مرتين
قلتلك قصتي عشان يكون عندك امل لاتخافين بتحملين ان شالله وبيتم حمالك بس توكلي على ربك
وخوفك وقلقك طبيعي لانك مرتين اجهضتي
والله يوفقك
حبيبتي ماقصرتي فديتج
ناطره باجي البنات يتفاعلون مع الموضوع وما يبخلون بالرد
كلش
واذا انتي مسويه
تنظيف ياثر لان يخلي جدار الرحم ضعيف
عشان جذي يقولج لازم
٣ شهور بعدين تحملين
يكون الرحم استعاد عافيته
وراجعي الدكتوره وخلي ريلج يراجع معاج
واذا مو مقتنع سوي سيرج عن تشوه الحيوانات وشون ياثر ع الحما
وموانع اللي من ناحية الرجل
وخليه يقرا
وانصحج ان تهياين نفسج للحمل
اذا نويتي شون
في كورس اعشاب تسوينه
بس لازم اتيج الدوره
وتتدفين عدل مدل الراس يتغطي والدلاغات
وتمعين نفسج من البيبسي الليمون الروب الخيار
حتي الوجبات السريعه
وتشربين اعشاب شوفي شنو الي تعرفينه
واشياء دافيه بعيد عن الثلج والعصاير والنسكافيه وهالخرابيط
في الكبوو وما ادري بس انا اعرف دوا الخبزا وهالسوالف
واحد تنظفين اثنين الرحم يصير قوي عندج
وتقدرن تشوفين انواع الاعشاب المعروفه
واللي تفيد
الموضوع مو صعب سهل
للاسف تعلمني هالاشياء متاخر
وكانت في وحده تقول لنا هذا بيت عيالي
شون ابيه قوي ومفيد
اهتم فيه كلها ٥ ولا ٦ ايام
وماشاء الله تبارك الرحمن عليها
من تزوجت حملت وماتركت هالاشياء
وفي الفولك اسد
اخذيه شهر كامل مو شرط تحملين
بس اصلا يهيا الرحم للحمال
طبعا انتي راجعي وشوفي الدكتوره شنو تقولج
بس مايمنع تسوين لج هالكورس دورتين ورا بعض
صدقيني يفيدج هالشي وايد
ويفرح قلبج يارب
وممكن بعد حبيبتي بطانة الرحم عندج خفيفه ماتشيل البويضه نفس رفيجيتي تاخذ قبل حمالها شهرين حبوب دوفيستون اذا حامل تثبت الحمل وتقوي بطانة الرحم واذا مو حامل تنزلج الدوره و مامنها اضرار وخذتها بعد حملها بعد شهريين وشي يعمي تقريبا 4 شهر ونص
شوفي انا من تزوجت اجهضت ٣ مرات نفسج ما يتم الحمل اكثر من شهر ونص شهرين*
سويت كلللل التحاليل اهمه وايد وريلي سوه تحليل السائل المنوي والحمدلله كل شي سليم*
بعد اجهاضي الثاني رحت حق دكتور الله يسامحه طلع فيني الف عيب وقالي ماراح تحملين طبيعي لازم تلقيح صناعي
صكت فيني الدنيا هديته ورحت حق حازم الرميح وااااااايد شاطر بس مادخلوني عليه دشيت عند مساعدته اسمها دكتورة آسيا الله يجازيها خير شااااطرة قالت لي كل شي سليم عندكم روحي حملي طبيعي وتعالي*
حملت بنفس الشهر وماتم شهرين وطاح بس اهي كانت متابعه الحمل كل اسبوعين تسويلي سونار قالت لي ان مافي سبب معين للاجهاض بس احتمال عندج اجسام مضادة من النوع اللي ماتبين بالتحليل*
خلتني اخذ حبوب برجنا بلان قبل الحمل مع الفولك اسيد والاسبرين عشان جسمي يتهيأ وخلايا البويضة تصير زينه وعطت ريلي حبوب مقويات وفيتامينات كإحتياط وقالت روحي حملي طبيعي وتعالي*
حملت بعد شهرين ومن اول اسبوع عطتني حبوب كورتيزون عشان تبطل مفعول الاجسام المضادة وتحسن خلايا الجنين وتساعده مع حبوب تثبيت
وماشاءالله متابعتني كل اسبوعين مراجعه والحمدلله بفضل الله وثم الدكتورة الحين وصلت الشهر الخامس
انصحج روحيلها مع ريلج وداومي على اذكار الصباح والمساء وسورة البقرة مع الدعاء وربج كريم مايقصر مع عباده
الصبح بدون مواعيد والعصر بمواعيد
واذا نويتي تراجعينها ترى بتسافر تاريخ ٢٠
وحتى اذا حملتي
واكلي فولك اسيد قبل الحمل بثلاث شهور وبيبي اسبرين وفيتامينات قبل لاتحملين بشهر
علشان تكونين بافضل صحة
وخلي زوجج بالشهر اللي تنوين الحمال يبعد عن التدخين والاجبان وياكل على الريق عسل اصلي واول ماتحللين وتطلعين حامل باذن الله اخذي مثبتات
وحبوب كرتوزون وابر كلكسان
انتي مثل اختي حملت مرتين وكل حمله ماستمرت الا فتره قصيره سوت تحليل الاجسام المضاده وكانت سليمه
لكن في ثلاث تحاليل للغده غير الاجسام المضاده وكان عندها مشكله في نوع واحد
هذا وهي عندها عيال وحملت من قبل
ورفيجتي هم كانت تحمل ويموت الجنين تقريبا اربع مرات لين اكتشفوا لها علاج
وصارت تاخذ مثبتات عن طريق ابر تحت الجلد هي تاخذهم بالبيت
وترى ماسويت شي من الله لكن دايما التزم باذكار الليل والنهار وماهديتهم كلش