|
|
زي ما انتو شايفين ولله الحمد والمنه ربي وهبلي احلى بنوته
بتاريخ 22/2 ادري متأخرة بس عيالي مرضوا بنفاسي غير
الناس اللي رايحه راده غير السهر الله المستعان بس
المهم نجي لقصة ولادتي
سبحان الله دخلت اولد بطلق صناعي وقعدت ست ساعات
اطلق ولا فتح الا 2 سانتي ونبض البيبي تعب شوي وطلبت الدكتورة
تسويلي قيصريه لاني خلاص ما اقدر اتحمل اكثر من كذا.gif "Eh S(11)")
طبعا الدكتورة رفضت تقول نصبر عليك شوي عشان تاخذين
فرصة وتجيبين طبيعي بس قلت لاااااا لان عندي احساس ان
الطفل ماراح يتحمل مدري ليش 
قلت للدكتورة قيصرية يعني قيصرية ماني منتظره
وزوجي كان معي قال للدكتورة خلاص سويلها انا وهي موافقين
مايبيني اتعب اكثر حبيب قلبي.gif "Eh S(2)")
وانا بالعمليات بس كنت خايفه على البيبي مدري ليش حاسه
ان فيه شي بس مدري شنو مع ان السونار والتحاليل اوكي
ولما صحيت من البنج على صوت زوجي يقول شوفيهاااا
تهبل وانا مو مصدقه اني خلصت من عذاب الطلق وبنتي
سليمه يارب لك الحمد
بس تدرون شنو سبب احساسي طلع الحبل السري ملتف عليها
بشكل كبير ولو جايبتها طبيعي كان لا سمح الله صاير فيها شي
والحمدلله اللي ماندمت على قراري بالعمليه وسبحان الله شلون
احساس الام اللي يغلب على سونارات الدنيا
بس والله وانا اطلق ماتركت الصلاة وادعي لربي وانا اطلق يحفظلي
جنيني ولا يخسرني واستجابلي يارب لك الحمد كما ينبغي لجلال وجهك
وعظيم سلطانك
سبحانه ربي كريم ورحيم
والف مبروك ماجاج وتتبربى بعززج يارب
وتتربى بعزكم
والف حمدلله على سلامتج وسلامتها ان شاءالله تتربى في عزج وتشوفينها احلى عروس
شنو سميتيها؟؟
عسى الله يبارك لها والف الحمدلله على سلامتك ياربي ،،
وانا اقول ياربي البنت مختفيه ،،
طالعه من الشر يالغالية ،،
انا بنتي هذي ماخذه قلبي وعقلي ،،
لو تشوفيني قبل لابكوا عيالي بالليل يبون رضعه ،، اقوم وانا منفسه واتحلطم ومالي خلق !!
هذي وربي اقوم وانا شاقه الضحكه ياربي لك الحمد ،،
وطول ماانا اسوي الرضعه تلقيني امدح فيها والدنيا ظلما والبنت تبي حليبها وبس وانا فاااضيه !
مع التحية…
ماكو احلى من البنات
