البنات اللي يصنفون بالحالات الخاصه بالحمل السكر و الضغط و القلب و غيرها من الماراض

السلام عليكم ورحمة الله وبركاته
موضوعي للبنات اللي فيهم امراض مزمنه و يبون يحملون او حملو و الحمدلله ولدو بالسلامه
يساعدوني بالبحث عن الدكاتره الي ممكن تساعد في مثل هالحالات
منو الدكاتره المتخصصين بالحمل في مثل هالحالات بالحكومه و بالخاص

منو كانت تعاني من السكر و الضغط و حملت على خير و جابت ولد طبيعي ما يعاني من شي
منو عانت مثلي من الاجهاضات و قدرت تقوي قلبها للحمل مع المجازفات

ابي اسامي الدكاتره و يفضل دكتوره و شاطره بالقيصريه

ابي اراجع الحين توني ماره بحالة اجهاض و متحطمه نفسيتي

و جزاها الله خير اللي ترفع الموضوع بدعوه ان الله يرزقني بالطفل السليم المعافى

وتقبل الله طاعتكم

الله يعوضج خير يالغاليه
انا فيني خمول بالغده على حسب بطاقتي اراجع الصباح مركز شيخان الفارسي عيادة الغدد الصماءعند الدكتوره شيماء وكل شهرين مراجعتي تشوف نسبة الخمول وتصرف لي العلاج
والضغط صار فيني ببنتي الاخيره الله يحفظها ولمه ولدت راح لله الحمد
والحين يقولون تابعي اكلج ونفسيتج لانه فيني بدايه سكري حمل وجسمي قابل

والله يقومنا بالسلامه ويتمم علينا بصحه وعافيه ويرزقج بالحمل السليم الثابت يالغاليه

نصاريه قلبي ديري بالج على نفسج
ترا السكر يتعب ديري بالج

لاتاكلين نشويات و سكريات خلج على السلطات و البروتين

و لا تشربين سكريات و ببسي و غازيات و الله يتمم عليج و يقومج بالسلامه ما قصرتي فديتج

انا سمعت بالدكتورة خالدة المجيبل حق حالات خاصة و اجهاضات متكررة

بس انا بصراحة ماجربتها

اب اب

بالحكومه للسكر
ولله الحمد كل مكان كتبت عنه لامه ممتاز وغير مفهوم السكر عندي

د.محسن الشمري لحوامل السكر اهوا استشاري تر
كل ثلاثه الصبح بالعدان بقسم الحوامل
ومدرب دكاتره واحسنهم احمد محسن دكتوري
اما محسن من الضغط قام يستقبل الحالات الخاصه
والي اول مرة تحمل او الي يايها سكر حمل
لانه درب الدكاتره
واااااايد شاطر روحو له

وعنده عياده عند عياده عبدالله العويد
يم مجمع البيرق

انا فيني سكر والحمدلله احمل وعيالي مافيهم الا العافيه واراجع للحمل عند الدكتوره آسيا بمستشفى الولاده

وآخر حمال حاشني ضغط والحمدلله راح عقب الولاده اما السكر ثابت فيني قبل الحمل

الموضوع وايد حلو

الصباح افضل مستشفي حق هالحالات الي ذكرتيها انا أراجع عند دكتور طارق وعندج الاستشارية إيمان الشمالي

هلا اختي مافي احسن من الصباح كلهم شاطرين انا فيني قلب مسويه تصليح صمامات وحملت واجهضت بشهر سادس بس عليهم عنايه اهتمو فيني حتى دكتور القلب جابو لي لما طلعت من المستشفى عطوني مراجعه عشان ارجعهم قبل اجهضت بالفروانيه وكنت بشهر الخامس حلو عنايتهم بس ماقالو لي شنو سبب الاجهاض ولا عطوني مراجعه مثل الصباح

كرافت يا قلبي اشلون اراجع بالصباح و انا تبع الفروانيه ؟؟؟؟

الصباح يقولون وايد متخصصين بالحمل اللي فيهم سكر و ضغط و قلب و هالشي اهو اللي مخليني احاتي

يعني الفروانيه عطوني مراجعه للدكتوره بعد العيد و الحين صارلي اجهاض يقولون عادي يصير من السكر و اكيد الجنين فيه تشوهات عشان جذي نزل

اما الاسباب عند الله و الله اعلم بالسبب !

ودي اراجع بالصباح بس ابي طريقه يحولوني !

الحين لو اقول للدكتوره بالفروانيه تعطيني تحويل يصير و لا لا

ام يوسف يالغلا كله ربي يتمم عليج و يحفظ عيالج يارب

اسيا شنو جنسيتها كويتيه و لا شنو ….

و لو ابي تحويل من الفروانيه تهقين يصير

انا السكر لازم متابعه دقيقه و وايد احاتي

جزاج الله خير على هالرد الحلووووو

الدكتور محسن الشمري و احمد محسن هذول بس بالمنطقه العاشره عدل

يعني ما اقدر اراجع عندهم لاني من المنطقه الرابعه

انا سمعت عن دكتوره جهاد …. في الصباح وودي اسال عنها

والله يدزاكم خير يابنات الله يتمم عليكم و يرزقهم الذريه الصالحه اللي ما ينقطع عنكم دعائها يارب