|
|
السلام عليكم ورحمة الله وبركاته
طلبتكم بنات ويا امهات واهل الخبره؟؟
انا والد من اسبوعين وجبت بنوته ياربي لك الحمد
المشكله ان بنيتي وهي نايمه
تنام اربع خمس ساعات ماترضع ولا دور الرضاعه
لين انا ارضعها وترضع والحمدلله
بس انا حدي خايفه لاني الي اعرفه لازم كل ساعتين رضاعه بس بنتي وهي نايمه مستحيل ترضع كل ساعتين
ماتقوم تبجي نفس ولدي الاول الله يحفظه كل ساعتين يقوم يبجي يبي يرضع
السوال؟؟
هل لازم اقوم كل ساعتين ارضعها غصب والا اخليها ع راحتها
امي تقول احسن مدام تنام معناته شبعانه
انتم شرايكم لان حاسه بالذنب
للمعلوميه هي ترضع صناعي بالاضافه الى صدري بس الصناعي اكثر،،
والله يخليها لج ي رب .. انا اعيالي كل ٣ساعات رضعه وتوني والده البيبي مرات كل ٣ساعات ومرات ٤ساعات و احاتيه وهووفي بوصفار خفيف
الله يخليها لك وان شاء الله مافيها إلا العافيه
على قوله اهلنا قبل
يقولون. النوم عافيه
كل اليهال يفرق كميه ووقت الرضاعه
مش شرط كل ساعتين
فوفو
وجعله بميزان حسناتكم
نبي تجارب بعد بنات
ابي اتطمن تأنيب الضمير ذبحني
وديها الطبيب خل يشوفون وزنها
احسن لج تتطمنين
حبيبتي لا تخافين عادي
هو كذا حليب الصناعي يشبع اكثر
ويخلي البيبي ينام اكثر
انتي اعطيها الصناعي باليل عشان اضل نايما وبالنهار اعطيها صدرك
وازا وجعك صدرك وصار يدر صحيهاااا واعطيها صدرك
افركي انفهااا بلطف بتصحها وبتحطيها على صدرك
انا كذا اعمل
لا تحاتين أنا ولدي كان نفس بنتج ،، لما وديته الطبيب قالي خليه نائم لما يجوع بيقعد ،، خليها على راحتها
ويبارك باعماركم يارب
وماقصرتوا،،