اللي والدة بمستشفى الصباح تدش ضرووري

السلام عليكم ، أنا زارعة كلى وحامل راجعت الدكتورة نجمة بمستشفى السلام

ونصحتني ابتعدي عن المستشفيات الخاصة وروحي لمستشفى الصباح ، وأنا قبل الزراعة

كنت أولد بالسلام ، فما أدري عن مستشفى الصباح زينين ولا لا ، ومنو الدكتور الشاطر عندهم؟

– مع إلعلم ولاداتي اللي قبل كلها قيصرية –

الله يعافيكم اللي تعرف ترد ضروري واللي ما تعرف ترفع الموضوع وجزاكم الله خير ..

حبيبتي اكيد لازم حكومة عشان الله لا يقول
اذا صارت مضاعفات يعرفون يتصرفون
لا تحاتين الصباح تغيروا وعنايتهم صارت حلوه
وحتي الخياط انا مرت اخوي توها والده وتمدحهم

انا والده بالصباح حلوووه ولادتهم وكانج بحكومه وبالعكس احسن والله وللعلم قيصريه

انا تو والده عندهم قبل شهر بس طبيعي مو قيصري الولاده ماعليها كلام والسسترات والدكاتره بس جناح ١٦ اكس مليون اكس عليه الله لايقطج فيه نص يوم قعدت فيه ماتحملته كلش واللي شفته يهتمون بالقيصريه اول شي

وعليكم ورحمه الله وبركاته

انصحج فيه وانا ولدت فيه قيصريه عنايه اكثر من رائعه وعنايتهم افضل من الخاص

الطفل يكون عند السستر ومتي ماتبين تجيبه لج او وقت رضعته تجيبه لج واذا كنتي تبين تنامين تقدرين تطلبين منها تاخذه

وانا كنت اراجع عند مني القناعي

الله يسهل عليج ويقومج بالسلامه

دام انج حاله خاصه اكيد راح يهتمون فيج الله يسهل عليج حبيبتي وتولدين بالسلامه

الله يسهل عليج
شوفي لج دكتورة شاطرة
يمدحون منى القناعي

الله يسهل ولادتج يارب ويرزقنا بالحمل السليم

توكلي على الله وروحي الحكومه دامه احسن حق صحتج

الله يسهل عليج ويقومج بالسلامة

الله يسهل عليج وتقومين بالسلامة ..

توكلي على الله وروحي فيه بصراحة عناية واهتمام
أنا والده عندهم ٣ مرات والحمد لله عناية واهتمام
الله يسهل عليك

انا استغرب تقولون والدين عنده طيب حطوو اسم دكاترتكم الي راجعتوو عندهم !!
عشاان احنا بعد نستفيد