ادعولي ولكم بالمثل

السلام عليكم يابنات شلونكم انا هذا ثاني موضوع لي مالله كتب لي اني اتواصل معاكم بسبب وضعي الصحي
منو سمعت او صار لها مثلي تفيدني الله يخليكم ضاقت فيني الدنيا ولا عندي احد افضفضله قلت اكتب هني والي ماسمعت شي تدعي لي دعوة من قلب وانشالله لها بالمثل
سالفتي اني حملت من 5 اشهر بنص الشهر الثاني ياني نزيف وايد قوي ورحت بسرعه اسعاف عالمستشفي وكنت مفكرة اني طيحت فحصوني وقالولي الجنين فيه نبض بس يمكن يكون حمل حوصلي ونمت بالمستشفي اسبوع علا تحاليل ومراقبه وطلع التشخيص غلط والحمل طبيعي مو حوصلي واكتشفو اخر شي ان هذي تجمعات دمويه وتم النزيف علي شهر بعدها وقف يس طبعا كان مثل الدورة مو مثل اول يوم القوي عقب ماوقف النزيف كنت وصلت للشهر الثالث باخره باوله رجع ينزل علي دم وافرازات صفرا وايد بدون ريحه ولاشي رحت الطبيب وفحصوني وقالولي ماي البيبي ناقص ودشيت المستشفي وسولي عينه عنق الرحم وسوناروالتشخيص كان ماي البيبي نازل والجنين بكليه وحده والثانية مضخمة ومافي امل يعيش وحولوني عند ماجد الشمري اخصائي اجنه وطبعا التقرير طلع الجنين طبيعي والماي طبيعي وفورا كتبلي علا خروج مع ان الافرازات ماكانت متوقفه وكملت بعد ماطلعت قعدت يومين ورجع نزيف ورحتلهم قالولي طبيعي من المسحه مالت عنق الرحم استمريت عالحال هذا لمدة 3 اسابيع رحت فيها 5 مرات عالطوارئ ويقولولي عادي لين ياني عوار فبطني قوي ومغص رحت الطواري ويوم يت الدكتورة بتفحصني نسائي شافت ماي قاعد ينزل قالتلي هذا ماي البيبي وحولتني سونار وطلع ماي البيبي صفر والياهل منشف بس للحين عايش قالتلي الدكتورة احتمال يعيش اسبوعين ثلاث بس مستحيل يكمل لان كيس الماي منبط كله خلاص وطلع معي ورمة بالرحم قالولي مانقدر نقول عنها شي لين يطيح الياهل وبعدها نشوف شسالفتها ودخلوني المستشفي وقالولي بتمين تحت الملاحظة لين تفقدين الياهل لان يخافون يصير مضاعفات الدنيا ضاقت فيني انا حملت عقب عشر سنين زواج وميته علا ياهل وماني عارفه شنو وضعي ولاليش يصير معاي جذي واهم يقولون الياهل ميت ميت طيب شحقه تنطروني وتخلوني اتعذب انا والجنين والله يابنات بصورة السونار مبين مكوكر علا بعضه منشف هم اهو قاعد يتعذب ليش مايريحونا اثنينا ولايخلون قلبي يحترق كل يوم قاعده اكتبلكم والله ودموعي طولي مانشفت من امس حدي منهارة دعواتكم لي لايرد القضاء الا الدعاء الي عندها فكرة عن هالحاله تخبرني والي ماعندها تدعي لي تكفون محتاجه الدعاء قلبي مفطور علا جنيني والله يرزقني ويرزق كل وحده تتمني الضنا

اسل الله العظيم ان يرزقج ويفرح قلبج كتري الاستغفار حبيبتي وتاكدي ان الله رحوم كريم

ربي يعووضج بتوووم يارب ياكريم

يا حياتي والله

عسى ربي يرزقج واللي رزقج ما ينساج يمكن رحمج استغرب الحمل

ارتاحي و ان شاءالله ربي بيعوضج

اللي رزقج مرة مو عاجز عن انه يرزق اثنين وثلاث واربع

قولي حسبنا الله ونعم الوكيل

ياعمري عليك هذا المكتوب
اسئل الله ان يرزقك بالذريه الصالحه السليمه جميلة الخلًًُق و الخلق

ربي يعووضج

حياااتي انتي

تاكدي انه كل شي خييييييره من الله والله خيييييره

واسال الله العظيم ان يعوضج عنه بثلاث توائم كاملين سليمين صالحين بااارين

عاجلا غير اجلاااا وكل من تبي الظناااا يارب العالمين

عليييييج بالاستغفااااار و اهم شي نفسيتج

وقولي الحمدلله الحمدلله الحمدلله

اللهم اجرني في مصيبتي واخلف لي خيرا منها وربج كريييم رزاااااق

الله يقومج بالسلااااامه يارب

واكيد الدكاتره عارفين شغلهم وماره عليهم نفس حالتج لاتحاتين

اســـأل اللـــه الــعـــظــيــم ان يـــفـــررح قــلــبـــج ويــرزقـــج بــاالــذريـــه الــســلــيــمــه الــمــعـــافـــاه

الله يعوضج ويرزقج يارب

وانشالله تحملين

وكثري استغفار وربج ماينسا عباده

مشكورين وايد وماقصرتو والله دعواتكم بردت قلبي ربي يرزقكم بللي تمنونه ويرزق كل محرومة الظنا وانا والله راضيه بقضاء الله وقدره لاني تعبت وايد وفوضت أمري لله بس انا خايفه يشيلون لي الرحم ومااقدر احمل عقب مادري ليش هالوسواس موراضي يفارجني من قالولي ورمة يتني المصايب ورا بعض واللهم لااعتراض علا حكمك واللي ايي من الله حياه الله ومشكورين وايد وجزاكم الله خير وربي يفرح قلبكم وقلبي

الله يعوضج

يابعد قلبي
الله يمسح على قلبج ويرزقج الذرية الصالحة عاجلا وليس اجلا
هاي بلاء من رب العالمين اصبري واحتيبي واجرك على الله
خلي ايمانج بالله قوي
والجنين راح يشفع لج يوم القيامة
وربج بعوضج بجنين ثاني يملي عليج دنياج

الله يرزقج بالحمل يا اختى

ياحياتي ماعليه صبرري وصدقيني ربي بعوضج واسال اللله العظيم رب العرش العظيم ان يررزقج بالذريه الصااالحه

وامااانه عليج اقري سورة البقررره وشغليهاا دايم ببيتج لانها معجززه من الله

مع تحياتي انيقة الذوق

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ