|
|
قوة بنات شلونكم وشلون الحمال 
بنات انا قبل 3اسابيع تقريبا كنت بدار الشفا عند دكتور زكريا اراجع وقالي الجنين ان شاءالله ولد قلت ان شاءالله
وامس كان المفروض موعدي عنده مراجعه بس تكيسلت اروح حولي رحت مستشفى طيبة عند منال السيد طمنتني عالبيبي الحمدلله وقالت بالنسبه للجنس احتمال ولد المره اليايه نقولج الاكيد وانا هالاسبوع ادش الخامس عاد ريلي استانس لان قال في احتمال تطلع بنت اهوا يموت عالبنات لوووول وانا بخاطري ولد عشان يصير اخو حق بنتي ،، المهم بنات منو صار معاها جذي قالولها ولد وطلعت بنوته كتكوته ؟ للعلم دكتور زكريا كان متاكد انه ولد
يلا بنات ناطره الردود وملاإاإاإاإاإاإاحظة بليييييييز مابي وحده تدش تقول استعفر الله وحمدي ربج ترى احنا ناس مثقفين وندري ان اثنينهم نعمه من الله والللي الله يجيبه يا محلاه بس الموضوع للسوالف مو اكثر
لا ابشرج
ولد
ولد
ولد
ههههههههه
انا بجريه ماعندي تجربه والحمدلله الي حسيته طلع صح
من حملت وانا احساسي ان فيني ولد والدكتوره اكدت لي انه
ولد
في شغله بقولها لج
البنت ثقييييييل ماتتحرك الا بالخامس او يمكن اخره بعد
انا ما شاءالله تبارك الله تحرك اول اسبوع من الرابع حركه مثل النبضات وزادت حركته
باخر الرابع انا الحين باول الخامس وهم يتحرك ماشاءالله لا اله الا الله
اما البنت لا اطول على ماتحرك
موفقه
الله يرزقج الذرية الصالحه
راقيه حبيبتي تصدقين انا الحين اخر الرابع المفروض ادش الخامس ومو بجريه عندي بنت بس للحين ماحسيت بحركة البيبي شكله كسول لوووول وحتى بطن ماكو اللي يشوفني يقول مكرشه مايقول حامل
استوطنت تسلمين يا الغلا واللي يتمم عليج حملج يارب
باذن الله ولد انتي عندج بنت وشيً طبيعي تبين ولد
ان شاء الله موعدك الجاي يأكدونلك
انا جذي بأول الرابع قالت لي دكتورتي ولد
والحين بالثامن ونفس الكلام
وروتني عضوه الذكري هههههه فديييته
انا قالوا لي بالثالث مره بنت ومره ولد والحين انا بدش الخامس قالوا لي ولد واكيد ان شاءالله لاني شفته واضح
والله يتمم عليج ياقلبي