قصة تجربتي وولادتي بالتوم

الحمدلله ولدت صار لي تقريبا 26 يوم ويبت احلى بنت وولد المهم في بنات سألوني عن تجربه حمالي بتوأم ووبن تعالجت وعند منو وشلون تجربتي فمامداني ارد على الرسايل الخاصه
اول شي الحمدلله رب العالمين (اذكروا الله لانه العين حق حتى لو مو مقصوده )انا ماتعالجت التوم وراثه بالعايله من صوب امي وابوي عندنا توائم بالعايله بنات واولاد لكن انا اول حاله اييب توأم مختلفين بنت وولد.

اما تجربتي بصراحة قبل لا اعرف انهم توم كانت لاعراض مكثفه يعني عوار بظهري كل ما بغيت اقعد من الفراش وريولي كانت تالمني كلها من الورج لمن امشي صدري حيييل كان حساس وكنت اشتهي اكل بصل مع كل شي بشكل مو طبيعي مع اني ماحبه بعدين حللت بعد ماتاخرت الدوره بيوم وطلع خطين واحد غامج والثاني خفيف ونطرت لين ماصرت الاسبوع العاشر بعدين رحت اراجع وطبعا الوحام كان دبل وحامي في بنتي كنت اقل ريحه ارجع وكله بايعه جبدي اربع وعشرينن ساعه وحساسه زيادة عن اللززم ابجي على كل شي حتى لو موسيقى حزينه ببرنامج اودعايه ودمعتي على طريف وكله ابي امي يعني وحامي كان صعبببب واكلي بس كاكاوات او صمون خالي بسسسس اي شي ثاني ارجع وكله حاطه فوطه صغيره على خشمي وامشي بالبيت والحمدلله عدت على خير وانفتحت الشهيه دبلات وتعال يا اكل طولل الشهور لكن بدى الثقل من دشيت الخامس وشوي شوي لين ماكنت ابجي بس عشان اقدر من الفراش من كثر الثقل ومشي كان صعبببببب علي الين يا اليوم اللي شرفوا فيه حبايبي

كان السونار معطيني موعد اولد 28 ديسمبر و الدكتوره 30 ديسمبر وانا ولدت 30 نوفمبر يعني خذت يومين بس من التاسع مراجعاتي كانت بالسلام عند دكتورة فيجايا بس للظروف اضطريت اولد بالعدان واصلا رحت لهم مرة طواري لانه حاشني طلق خفيف وانا بالثامن بس مافتحت ملف ولا تابعت مع اي دكتور عشان اكلمه عن ولادتي لاني كنت شايله سالفه الولادة الطبيعيه من بالي و ابي قيصريه كون انهم توم

المهم كان عندي موعد تاريخ 30 نوفمبر اروح عند دكتور احمد بالعدان الصبح وقبلها بيوم كنت رايحه الافنيوز ايكيا اشتري سرير وخزانه ادراج ومشيت مشييييييي انكسر ظهري رجعت الببت مهدود حيلي وكله ابي انسدح وكله افكر قومي جهزي جنطه المستشفى وارجع اقول لا توه الناس باقيلي شهر عندي وقت كنت حتى فوطه ماكنت مجهزه.

ثاني يوم الصبح قعدت على اساس اجهز للموعدبنتي نايمه قلت خل اقعد اطلع هدومها رحت الحمام وانتو بكرامه وله اشوف الماي اللي ينزل جنه فتحت حنفيه صب صبه بسيطه قلت معقوله سويتها على روحي غسلت وحطيت كلينكس احتياط لاني شكيت ورحت الصاله ريلي قاعد يطالع تلفزيون قتله اللي حسيت فيه جان ينط من مكانه ويقول صارت هيييييااااا جنه في لعبه قتله استريح مافيني شي قمت وطلعت الكلينكس وله اشوف فيها دم ثواني ريلي قام من مكانه ويالي جان يصب الماي بين ريولي اول مرة يصير فيني جذي يصب يصب وريلي يطالعني اقوله خلاص فتح الماي وركضه انا هو نجهز جنطتي وريلي كل شي جدامه قطه بالجنطه انا اصرخ عليه اقوله مابي هذا حط هذا شيل هذا واهو مرتبك

دق ع خالتي مسسكينه بدوامها قالت انا اسبفكم العدان وكل شوي ادق تسالني احس بالم وانا اقولها لا مافيني شي و اتحرك بالبيت يمين ويسار والماي يصب ابي اجهز جنطتي وجم بدله لليهال وريلي حايس معاي قتله يقعد بنتي ويجهزها كله ركضه ركضه السياره خربانه دقينه ع تكسي وركبت التاكسي وانا مفتشله من الماي اللي يصب وريلي يقولي عادي وصلت العدان ولمن طلعت من السيارة بقعه ماي كبيييره خريطه على الكرسي امبيييه فشله قعدت ع كرسي وودوني طواري وريلي وقف ينطر بره يسوي الاوراق و انا موصيته ابي غرفه وخالتي معاي موصيه تبي الاستشاري كل هذا مافيني الم عادي الممرضات كله وحدة تقولي فصخي لبسي هذا سوولي فحوصات كل ممرضه اتيي تسال نفس الاسئله فحصتني دكتورة الطوراي قالتلي مفتوحة 4سم استغربت كله من غير الم اذكر في بنتي كان عوووووااار وبجي ماقدر اقعد كان مفتوح 3 سم ب

عدين صعدوني غرفه حطوا التخطيط وظلبت منسدحة طول ها الوققت ماكنت حاسه باي الم يعني الماي فتح 7 الصبح لين 8 مافيني شي خلو نيرس عندي قاعدة طول الوقت وماخلوا الموبايل عندي من 8 افترقت عن ريلي وبنتي مادري عنهم والنيرس تسولف معاي تقولي اليوم عيدميلادج وولادتج حلو اقولها اي حلو انا مستانسه شوي ادش دكتوره كيوت كويتيه هم سالت نفس الاسئله انا علطول قلتلها ابي قيصريه قعدت تقولي ليش مافيج الا العافيه اولدي طبيعي احسن بالف مره قتلها خايفه قالت اخذي ابره ظهر قتلها اخاف من بعد الولادة الالم وها الامور وخايفه اولد واحد طبيعي والثاني قيصري ظلت تحاول تقنعني قتلها لا مصره قالت بقول للدكتور طلبت تفحص قتلها مابي قالت براحتج بعدها بساعه دشوا علي دكتور مصري قالي يا ماما لازم نفحص قتله مابي يعور مولازم تعرفون قالي ليش طلبه قيصري قتله عشان توم واخاف اولد قالي وضعج طبيعي وراسهم تحت اولدي طبيعي احسنلج بوايد بعدين سمعته يقول للنيرس عطيها مهدءزاكتبيلها على ابره ظهر طلع لا كاني كنت اكلمه اقوله اكتب ابي قيصريه قلت للنيرس مابي ها الدكتور ابي واحد ثاني ضحكت قالت نطري بيي الحين وايد قبلج داشين عمليات لمن يخلصون بييون لج حسيتها تاخذني ع قد عقلي بعدين قالتلي بركبلج قسطره ادري انها تعور قتلها مابي يعور لمن تخدروني ركبوها قالت لا احسن من الحين بس انا رفضت كانت الساعه 10 وماكنت حاسه باي االم لا شي

ع الساعه 11 شوي بديت احس بمغص فقلت لها راحت وعطتني كمام يا بنات اول ماخذت نفس حسيت السقف يدووووووور وناااسه حسيت روحي خفيفه كلش جان اناااام فجاه يدشون مجموعه دكاتره معاهم واحد كانه رئيسهم قاعدين يسولفون عن حالتي بالانجليزي مادري شنو ياني اللي شلت الكمام قتله تراني اعرف انجليزي وافهم شو اتقولون ضحك علي وقتله انا احس ب انقباض خفيف بس قلت الجمله بالانجليزي
i’m feeling minor contraction \
رد علي ياسلام عليكي وايه تاني قتله
i want c section
قتله ابي قيصريه ليش ما تبون اتسوون لي قيصريه قتله خايفه اولد طبيعي بتوم قالي حالتج ما تستدعي قيصريه موكل وحده حامل بتوم نسوي ع طلبها قيصريه اليهال راسهم تحت والوضع طبيعي احسنلج الف مره طبيعي وكلهم قعدوا يشجعوني ع الطبيعي وانا داااايخه واحد منهم قال بفخص قتله مابي قال لازم نشوف قتله لا قاله رئيسه خلاص سيبها ع راحتها طالعني قالي بس بعد ساعه لازم نفخص طلعوا يت الممرضه قالت بركبلج قسطره ماراح اعورج انتي من 8 موجودة مارحتي الحمام اول ما ركبتها صرررخت تعور وتحرق بس تفشلت علي طول انترست جان تقولي شفتي شلون اخذت نفس كمام ونمت ياني الدكتور للي كان يبي يفحص بعد ساعه ونص و فحص ما سالته حتى كم قتله سجل بالملف ابي قيصىري قال ما اولنالك الطبيعي احسن وطلع رجعت نمت تقريبا ع الساعه 3 دش الاستشاري وكلمني هذا خالتي موصيته علي قالي كل اللي في القسم موراضين يسوونلج قيصريه وقعد مسكين يكلمني عن مخاطر القيصريه و مضاعفاتها ويقارنها بالطبيعي وقعد ينصحني ويشجعني ع الطبيعي فقلت اخر شي خلاص دكتور اتوكل على الله طبيعي طبيعي بس ابي ابره ظهر طلع شوي

دش دكتور التخدير كنت خاااايفه يالمني لكن قبلها عطوني ابره مسكن الم على جنبي اليسار و قعدت ع طرف السرير و النيرس مسكتني و انا انطر الدكتور يغز الابره واشوف النييرس ماسكتني حيل بعدين قالي الدكتور يالله يا فلانه استعدي جان يفصخ قفازاته قتله ليش جان يضحك قالي احنه خلصنا خلاص استانست انه خوفي كله ع الفاضي ماحسيت بشي نومووني على ظهري بعدين قالي ارفعي ريولج ماقدرت قالي يالله احنه بنلعب وله ايه قتله والله ماقدر ارفعها ضحك وقالي تولدي تقومين بالسلامه
حسيبت ببررووده واسناني قامت اتصك بس كنت ادري انه هذا شي طبيعي من بعد الابره
بنات كل الدكاتره اللي مروا علي ذاك اليوم نفسهم حلوة صح كلهم رياييل

يقولي يالا كمان انتي شاطره خليكي كده وعلطول خذوها ماشفتها بعدين ظل الدكتور فتره يضغط على بطني ومره وحدة قالي يالا بوش تاني بس ظليت 4 دقايق بعدين طلع ولدي بس ماكان يبجي اثاريه طلع مخنوق ماقالولي حزتها اي نسيت شفت النيرس واهي ماسكه االمقص والدكتور يقولي قصي يمين بس طبعا ماحسيت بشي وخاطوني وانا قاعدة اطالع السقف يبت بنتي 5:19 وولدي 5:23 وودوني غرفه ملاحظه كانت معاي ثنتين بس وممرضه فلبينيه طيبه حييل كان لازم اظل عندهم لين مايروح تاثير المخدر واقدر اروح الحمام بعدين يصعدوني الغرفه و انا كنت خلاص ميته ابي اشوف عيالي وابي اكلم ريلي يعني من الصبح مو شايفتهم شوي ادش ممرضه شايله بنتي وولدي كشفت عن صدري وانا منسدحة وحطت كل واحد على صدر وعلطول بدو يمصون كانوا بس لابسين حفاظات يابنات شعور لا يوصف اثنيتهم على صدري كانت فيني بجيه اطالعهم على صدري فديتهم ياربي شالوهم ونمت شوي يابولي عشا و قدرت بعدين اروح الحمام ع الساعه 8 تخيلوا دقت الممرضه عشان

يصعدوني فوق وطلعوني ببره في الممر و انا ع السرير وانطر و انطر كل النيرسات مشغولات وكنت اسمع اصوات صريخ حريم يولدون بشكل موطبيعي اول مره اسمع جذي صارت 9 يالله يا احد وصعدني وشفت ريلي مع بنتي حاشتني بجيه كانوا مغطيني كامل فشله يطلعونج جدام الناس لين ما وصلت الغرفه وقعدت مع ريلي كان مستانس و وبنتي اشتقت لهم حيل 12 ساعه مو شايفتهم وريلي كان يايبلي باقه ورد وعليها كلام دافي حلواستانست بعدين يابو اليهال والنظره على ويه ريلي لا توصف صراحه اما بنتي اشتغلت الغيره فيها حياتي والله

اي عم ولدي شكله نام مادري ليش طلع مخنوق وتعبان مع وزتهم نفس الشي لكن السكري قالولي وااايد كان نازل وكانوا بالمستشفى يحرصون كل ساعتين لازززم يرضع ولمن اكون نايمه وله مايكفي الحليب كانوا يعطونه سملاك ظليت بالمستشفى بدل اليومين 4 عشان طبيب الاطفال قالوا ماراح ارخصج الا لمن نطمن كامل على الولد فقعدت ها الاربع تيام مع انه من ثاني يوم قالتلي الدكتوره اكتبلج على خروج وضعد الحمدلله طبيعي تقدرين تطلعين بس بعدين طبيب الاطفال قالها لا