|
|
هلا بنات
بغيت اخذ رايكم
هل الحمل مباشره بعد الزواج والا يفضل الانتظار
تفكير البنات مختلف من وحده لوحده
منهم يقولون خلونا نربطه بولد ونحكره
ومنهم يقولون لا لازم نستانس اكثر
شرايكم
لان الطفل بصراحة يحتاج لرعاية و بعد لازم الزوج و الزوجة يكونون بقدر من النضوج ان يتحملون هالكائن الصغير الي بيغير نمط حياتهم !
الله يرزقج الذرية الصالحة فديتج بس فكري هل انتي قدها ولا لا؟اثنيناتكم ناضجين بما فيه الكفاية انكم تتحملون هالمسؤولية الكبيرة؟
انا ما اايد كلللللللللللللش ان الواحد ينطر
الي يجي من الله حياه الله
اكيد اللي الله كاتبه للانسان هو اللي فيه الخير
بس اتكلم عن نفسي انا
انا تاخرت شوووي بحملي ما حملت على طول
معني انا وزوجي كنا ناطرين الحمل
بس الصراحة من حملت وانا وزوجي نقول
صار هالتاخير بصالحنا
يعني عرفنا بعض اكثر وتعودنا على بعض اكثر
ومع النساة والثقل ،،، قدر يتحملني لانه يدري ان مو هذي طبيعتي
يدري اني تغيرت عشان الحمل
يعني لو باول زواجي وتنسيت وانعفست النفسيه كان راح يعتقد ان انا جذي وهذا طبعي
والصراحه ،،، كنت اقدر اطلع باي وقت ونروح اي مكان نبي
الحين مع البيبي اتوقع راح نتقيد :/
سوري قرقت وايد 
بالمختصر >>>> اذا الله كتب لج تحملين مبجر قولي الحمدلله واذا تاخرتي بالحمال ،،، ترى من صالحج
وسالفة نربطه ونحكره
هذا التفكير حدددده غلط
الريال ما يربطه ولد
في رياييل عندهم درزن يهال وما انربطوا :/
خل تحاول تكسبه بطبعها هي ،،، مو باليهال
وانا هم ما اايد اللي تاخذ موانع من اول زواجها ،،،
خلوووها على الله
خاصه اذا ماكان في حب بين الزوجين ومااتفقوا وتطلقوا .. لو كان فيه حمل وبيبي حرام هالطفل بيضيع ايش ذنبه!! واعرف كثير من هالحالات اللي تطلقوا بأول سنه وكان عندهم بيبي
لازم الانتظار عشان كل واحد يعرف الثاني زيييييييييين ويتعودون على بعض وبعدين يجيبون بيبي ويكونون عايله
وبالاخير كل شي بكتبة ربي
ربي ارد ان يرزق راح تلقينه لا تفكرين الله يوفقج
لان ممكن تسوين العزل او المناعه وعقب لابغيتوا الحمل ممكن مايصير وتروحون تراجعون و و و و الخ
والسالفه تطول
انا هذا رايي
في حال ماكان بينهم فترة ملجة وطلعات ووناسه خل تنطر شوي تستانس معاه ويروحون ويردون وووو
اما مثل حالتي ظلينا ٧شهور ملجة ووناسة وطلعات ووو فحملت مباشره بعد العرس لان خلاص حسيت ان استانسنا بمافيه الكفاية ويا وقت الجد لووول
اما الوناسه لاحقه عليها
وترى الوناسه صج بشوفة البيبي
والرجال محد يمسكه الا شي واحد
حبه لعياله
انا زوجي كان يقول ترى الجاهل مايغيرني
يعني لو تحملين ماراح يمسكني
واللحين يموت بعياله لو واحد يبجي يجي
يركض ولو يروح الجمعيه ياخذ ولدي الصغير
معاه اللحين يقول عيالي اهم مالي بالدنيا
واغلا من امه وابوه
انتي اذا زوجج تحسين انه راعي طلعات ومايهتم
احملي والله لتصيرين اغلا من امه
اما اذا دايما بالبيت ومايحب الطلعات استانسي
وبعدين احملي
وتقبلي مروري
متى ما الله كتب لنا العيال
أنا خليتها على الله لا فكرت ولا قررت
اجل ليش الزواج
انا طولت بحملي من كثر التفكير
وماحملت الا بعد سنه
والحمدالله الله رزقني بنتي
الله يخليها لي
سهرات سينمات مطاعم
وناسه