منو صار فيها قرحة الرحم !؟!؟ فيدوني

السلام عليكم حبيباتي

بنات انا متضايقه شوي
الشهر اللي طاف جتني التهابات وعالجتها الحمدلله
لكن احس بحكه خفيفه من داخل
رحت مره ثانيه لدكتورتي وفحصتني وقالت فيني بداية قرحة

وكتبت لي تحاميل البتادين تحميلتين بالاسبوع لمدة شهر
المجموع 8 تحاميل
وقالت تعالي بعدها نشوف تحتاجين كي والا لا

بنات منو صار فيها نفسي ؟
وهل عطوكم بيتادين؟
وهل اختفت القرحة والا كويتوا ؟

وهل حبوب المنع لها شغل بالموضوع؟

واخر سؤال تأثر عالحمل ؟

بنااااات فيدوني الله يجزاكم خير*

Up
Up

لاعااادي لاتحاتين اختي كان فيهااا وسوت كي وراااح
ترى شي عااادي وماياثر علييج والله

انا كان فيني وعطتني الدكتوره تحاميل ومضاد حيوي وقالت لي خامس يوم الدوره تعالي ورحت وسويت الكي بارد ماحسيت بشي وبعياده الدكتوره
لاتحاتين تري مايعور والله يشافيج

نفس ماقالو حتن انا صارت فينا وعلطول كوتها بدون مااجرب التحاميل ولا تخافين مايعور ومن بعد الكي خلاص يرد كل شي طبيعي
ادعيلي احمل بولد 

الكي احسن واسرع واسهل علاج ولا يعور وطبعا القرحة تأخر الرحم لأنها تسكر المكان اللي يدخل منه الحيوان المنوي خاصة اذا كبيره انا شفتها بالصورة وياتني مرتين وكويتها وما يعور وما خذيت تحاميل اذا ماني غلطانه بس عموما ما يضرونج بس اكويها اسهل وكانت القرحة تييني يوم كنت استعمل حبوب المنع ويوم هديتهم ما يتني فأعتقد لهم تأثير

أنا تعالجت منها باستعمال تحاميل دلاسين..والحمدلله ما احتجت للكي لأنها كانت في بدايتها وراحت

انا سسويت كوي وراحت القرحة وحملت ورجعت مرة ثانية حق حبوب المانع
ورجعت القرحة بس اكبر من قبل وانا بصراحة حدي متخوفة من هالموضوع
والله يستر منو صار لها مثلي تفيدني
بس نصيحة اللي تكوي عن القرحة خلاص تنسئ شي اسمة حبوب مانع

عفوا اختي ممكن تشرحين اكثر بخصوص علاقة حبوب المانع بالقرحه ؟؟
وشكرا..

انا كانت عندى قرحه بعد زواجى بشهرين بس كانت شديده نزول دم احمر وعملت كى بس اتالمت كتييير

مرت اخوي سوت كي واهي كانت تركب لولب ماتاكل حبوب مانع ابداااا.،

وصارت فيها وراجعت وقالت لها دكتورتها لازم كي وسوته وحمدالله ماتألمت حيل ،. وحملت بعدها ع طول ولله الحمددد والمنه.،

والله يابنات اذا عالالم فهو موجود وبتحسين فيه لو نقرصج نمله 

بس لاتدققووون حيل عشان لاا تتاثر نفسيتكم وتتعبون قبل لاتجربون وشخص عن شخص يفرق،.

والله يشاااافي جميع مرضي المسلميين

الحمدلله على كل حال
الله يجزاكم خير حبيباتي

ريحتوني الله يريحكم

والله يعين ونتشافنا من كل شر ياااارب

أنا صارت فيني بالمهبل مو بالرحم وكويتها بس وتعور قعدت امشي يوم كامل وانا مفوشحه

القرحه اتيي من الالتهابات المتكرره
انا مو مسويه ولا نوع مانع ولا اخذ حبوب وصارت فيني وكشت فيها وحملت ومع الاسف كبرت مع الحمل وسببتلي الام طلق بس الحمدلله عدت على خير وان شالله اول ما اولد بكويها وافتككككككككك منها
نصيحتي اكويها بسرعه قبل لاتكبر وتسويلج نزيف