|
|
السلاام عليكم
صباحكم ورد وسكر وكل الانواع ..
/
الزبده من الموضوع ..
انا حابه اسئلو واستفسر .. ؟ واتمنى الي عندها خبره تفيدني انا والله مرتعبه بشكل ماتتوقعون يعني من يجي ع بالي هالفكره ماقدر انام واتعب واتضايق
انا ولله الحمد ربي رزقني في بنت وسمعت عن الولاده وشلون تعبها وربي عداها والحمد لله
وانا الحين حامل بالسادس الدكتوره قالت لي بالسونار ولد وانا مرتعبه
لان يقولون البنت ولادتها اسهل والالم اخف من الولد
والبنت الالم يروح ويجي كل 5 دقايق يعني في مجال تاخذين نفس وترتاحين اشوي
بس يقولون الولد الالم اذا جا يجي مره وحده ومايخليك ترتاحين لين تولدين
وانا من قالو كذا واحس اني مااقدر اتحمل والله بموووت
ابي اسئل هل هذا لالكلام صحيح يعني الولد ولادته اقوى ولادته وتمهط القلب ولا عادي نفس البنت ..
ربي يوفقكم ردو علي ابي ارتاح
التساهيل من رب العالمين..ماله علاقة ولد وإلا بنت..
ربي يقومج بالسلامة و تفرحين بشوفة البيبي سليم و معافى إنشالله..
الولد سهله ….الله يكون بعونك
والباقي خرابيط
يعني انا ولدت بنتين ورا بعض
الاولى صعبه والثانيه سهله ومريحه
والله اني خايفه وداخله بدوامه مايعلم فيها الا الله
في وحده تقولي قولي واطلبي ولاده قيصريه ..
بس الي اعرفه انا مو كل وحده يسون لها ولاده قيصريه
يارب سهل ولا تعسر
الحين بسال هو صحيح الكمام الي يحطونه عليك قبل ماتولدين صحيح يخدر ويخليك ماتحسين با الالم الطلق الا اذا جيتي تولدين .؟
انا سامعه العكس ؟؟
بولدي مشالله مشالله سهاااله الف الحمدالله
اكيد يعني الطلق شر لابد منه سواء بنت ولا ولد بس مو لدرجه ما اقدر اتنفس ؟! لا كلاام فاضي
وتطمني
الله يسهل عليج و علينا
و وقت الخياط غزوني ابره بالفخذ وما حسيت بالخياط ..
لا تحاتين والله ماكو اكثر مني سمعت تهويل و حجي فاضي و خفت بس الحمدالله الحمدالله كله كان العكس
محاتاتج راح اتعبج اكثر توكلي ع الله و اقري الادعيه و الايات لتسهيل الولاده
و كل شي بس يطلع البيبي راح تنسينه بلححححظه ، سبحان الله 
بس انا سامعه وشبه متأكده ان طلوق البنت بارده والولد سريعه
يعني ولادة البنت اعسر من الولد
والكمام اي يخدر بس تحسين بالطلووق شووي و لازم ولاده وفيها تعب والم
والحمدلله كله بأجره ان شاء الله
لا تحاتين السهاله من رب العالمين
والولد العواار بالضهر بس هذا الفرررق وسالي الاندونيسيات بعد
كلهم يقولون هيك
والله يسهل عليك
ماراح اقولك ان اللي يقولون لك هالكلام يكذبون ويتهولون،،
بس اقولك ان الحمال النساة الولاده كلها تختلف من مرة لمره !
انا لاحظت في بناتي كل شي صعب الله يخليهم لي والحمدالله على كل حال،،
الولد يهبل حماله ونساته خفييييفه والولاده حليوه مو نفس البنات فديت عيونه،،
ناس يقولون العكس !!
يعني مالك شغل بالناس انتي غير ،،
والتساهيل بايد رب العالمين وبس،،
مو اذا ولد او بنت ومو اذا كمام او ابرة ظهر ،،
وانا اكلمك عن شي شفته بعيني ،،
والتساهيل من رب العالمين
لاتسمعين كلام هذا وهذاك كله على الله وانشاء الله نولد بالسلامه