آآلام الظهر والورك بالثامن

مرحبا بنات اشلونكم
انا بآخر الثامن والجنين راسه فوووق وظهري يعورني احياناً ووركي يعورني يالله امشي
ارتاح لما انسدح علا ظهري عادي انام علا ظهري

الله يعينج حبيبتي

نومه الظهر مو زينه بس العوار عادي انتي شكلج كله نايمة لازم تتحركين وتتمشين عشان اعظامج ما تعورج والجنين ينزل راسه تحت وبالنسبة للياهل لازم ينزل راسه تحت. حاولي تمشين وايد

يعطيكم العااافيه ماقصرتواا

عوار الظهر لابد منه مع كل شهر جسمج يعورج وعظامج تتفجج أكثر أما بالنسبة لنومه الظهر مو زينة خصوصا بالأشهر الأخيرة لأنه الياهل يكون متشرغد فياخذ راحته يدور ويتحرك أكثر ولاسمح الله يدور وياه الحبل السري يلتف

الله يهون ويسهل عليج ما بقى شي حبيبتي

الآلم الظهر شي طبيعي بالشهور الاخيره واذا تبين راس البيبي يلف احبي هذا كلام الدكاتره وبخصوص نومه الظهر مو زينه والسبب انج ماراح تقدرين تتنفسين والياهل ما يوصله الاكسجين بس مو صحيح سالفه الحبل السري يلتف معلومه خطا

اطيلي السجود عشان تساعدين البيبي يلف .. و العوار طبيعي بهالفترة الله يعينج

الله يهون عليج وتولدين بالسلامه

تسلمووون ماقصرتوا

لا تنامين على ضهرك مو زين
وآلام الورك طبيعي أنا قريت في سايت اجنبي ان ينفرز شي بالجسم يرخي العضلات ويوسع العظام الشان يسهل الولاده
سبحان الله

انا بعد توني داشه السابع وظهر ذابحني من العوار

الله يعينج

يعطكم العااافيه والله كلامكم يريح الواحد

احبي جم ساعه وجم مره باليووم لان بصراحه عشر دقايق يالله اتحمل