بنات تعالو اقولكم تجربتي مع سورة الفاتحه

السلام عليكم ..

بقولكم تجربتي مع سورة الفاتحه ..

معروف انها الشافيه من الامراض ..

وانا كنت قاريه هالشي من قبل بس ماكنت استخدم هالمعلومه الا قبل فتره بسيطه ..

و اقرب شي صار قبل يومين ..

انا من النوع اللي لو اتضايق و ابجي اسخن و تطلعلي حبة حراره اللي تصير بالشفايف حدهاااااااااااااااااا بايخه وتعووور ..

فقبل يومين طلعتلي وكان كبرها عجيييب يعني جني طاقه 10000000 ابرة سيليكون شكلها وايد يخرع و احس انه من كثر ما اهيه حاره وكبيره راح تنفجر .. والله ما ابالغلكم انتو لو شايفينها بتقولون هذي مو حبة حراره ..

لي درجه قمت اشك فيني مرض ثاني لول

المهم .. جان اقول خل اقرا عليها سورة الفاتحه

قريت 3 مرات كل ما اذكر اقرا ..

و هم قبل فتره قاريه بمنتدى من المنتديات بس مادري وين عن دعاء حق الاورام و هالسوالف .. مكتوب انه الواحد يحط ايده عالورم و يقول

يا مكبر الصغير و مصغر الكبير صغر ما فيني .. (عن الورم)

جان اقول انا مادري لو اهوه صح هالدعاء او لا .. بس اكيد الله عارف اني واثقه بقدرته و ان شاء الله .. الله راح يستجيب

و هم قريته 3 مرات لما كنت اقرا الفاتحه ..

يعني بوقت مختلف كلما تذكرت قريتهم و تذكرتهم 3 مرات ..

بعدها نسيت السالفه .. لانه الورم كان قاعد يخف فماكنت احس بعوار وايد ..

فبالليل يتلي بنت خالي .. شفتها ما علقت .. جان اتذكر و اقولها شكلي غلط

قالتلي لا مافيج شي بس في ورم خفيييف امبين انها حبة حراره

والله والله والله انه الورم اللي كان يخرررررررررررع و احس انه كان بينفجر من كبره ما شاء الله خففففف بشكل مو طبيعيي ومايبين الا حق اللي يبي يدقق

وقبل لا انام رديت قريت نفس الدعاء وسورة الفاتحه .. لي درجه انه قمت ثاني يوم ماكو ولا شييييي الحمد الله ..

و في موقف ثاني هذا صار اليوم حق اختي الصغيره ..

اهيا ضعيفه و كله ما تتغطى بالليل لما تنام .. فيحوشها برد و 24 ساعه ريلها تعورها تحوس بهالرخام والسيراميك من غير تكرمون شحاطه ولا شي
فكله البرد بعضامها داش ..
فاليوم الصبح يايتلي تبجي تقولي دلكي ريلي وايد تعورني وانا ماكان عندي مرهم او شي و كان الوقت تقريبا 5:30 يعني بعدها ماما نايمه ..

فقلتلها خلاص خل اروح ادورلج دوا وارد بس على ما ارد انتي اقري عليها سورة الفاتحه ..

جان تقولي انزين

على مارحت و رديت لقيتها نايمه .. و مالقيت الدوا ..

فلما قامت 6:15 حق المدرسه قلتلها شلون نمتي من العوار..
جان تقولي مادري بس انا قريت الفاتحه جان انام ..
تقولي انتي حطيتيلي دوا .. قلتلها لا .. بس اللي يقرا الفاتحه على اماكن تعوره الله يشافيه ..
جان تستاااااااااااااااااانس تقول الله احسن من الدوا لول..
والحمد الله راحت المدرسه و مافيها شي ..

ادري طولت عليكم .. بس في شلغه بقولها لكم ..

لما الواحد يكون واثق بقدرة الله صج الله مايخيب ضنه فيه ..

هالشي طبقو على كل شي مو بس على هالسالفه ..

وهذا الهدف من اني قلتلكم سوالفي مع انه مو مهمه وايد .. بس فيها شغله كنت بوصلها لكم وان شاء الله وصلت

تكفوووووووووووووون ادعو حق اختي الصغيره الله يشافيها من اللي فيها قلة الماي والضعف مسويلها نقص في كل شي وكله مريضه وتعبانه ..