الم جهة المبيض اليمين وانا حامل

مرحبا بنات .. انا حامل بالاسبوع السادس واليوم من قعدت حسيت بعوار جهة المبيض اليمين مو اللي يموت يعني اقدر اتحمله .. في وحده صارلها مثلي هالشي يخوف يعني

حبيبتي هذا عادي. وطبعا كل ما ادشين شهر راح يعورج. وطبعا انتي تعرفين متى وقت الدورتج

وطبعا وقت دورتج وانتي حامل راح اعورج بس ماكو الا عافيه حبيبتي لا تحاتين

بعد قلبي مشكوووره طمنتيني الله يطمن قلبج دنيا واااخره

حبيبتي هذا الشي عادي انا الحين توني داشه الرابع واليسار يعورني بعض المرات
لاتحاتين حبوبه

مشكوره حبيبتي ام عزوز انا ام عزوز بعد لا خلا ولاعدم والله يتمملج حملج بخير ياارب

دانة الرشايده تسلمين بعد قلبي ويتمم لج بخير يارب

امين حبيبتي مدام جذي توج بالحمال اكيد عطووج نصايح الابهارات وفلفل ودارسين دربالج حبيبتي

والله يتمم عليج حملج وتمم علينا ونووووولد بالسلامه

اامين يارب ويتمملج حملج بخير .وتولدين بالسلامه يارب اما النصايح اخذي وخلي جني اول مره احمل وفعلا هالاحساس موجود لان ولدي الله يحفظه عمره سنتين ف ناسيه شعور الحامل لوول

ااااب

يا حياتي والله انا خايفه ولادتي بشهر ٦ وعمليه قيصريه وخايفه

وهم خايفه من شي اسمه نفاس لان اول مره احمل لووول طمنيني

الله يسهل عليج يارب .. القيصريه ماتخوف كللللش انا ولادتي الاولى قيصريه لاتخافين تنامين وتقعدين الا انتي والده .. وماعليج القيصريه مالها نفاس بس دفي عمرج واكلي عادي لان الرحم منظفينه وخالصين لاتحاتين شي وان بغيتي شي لايردج الا لسانج* حبيبتي

حبيبتي عادي ياماا بتحسين بنغزات وطقات وبوكسات هههههههه لالا اتغشمر هذا توالناس عليه
الحين الرحم يتمدد وقاعد تحسين بنغزات خصوصا صوب المبايض والرحم هذا طبيعي لا تحاتين
بس يوميا قبل لا تنامين استودعي جنينج واقري ايه الكرسي 7 مرات

لووووول الترفس يايني ياحلووه من شعووور عجييييب .. انا لاني ناسيه التفاصيل قلت اسأل خواتي حبيباتي وانتوا ماقصرتوا فدييتكم 

الله صج حبيبتي يعني ماكو نفاس ماكو دم ولا كوتكس ههههه صج

لالا صج مافي نفاس بس الهم ادفي نفسي ومراح ينزل علي دم اول مره ادري