تكفون بنات تساعدوني والله تعبت من التفكير

هااااااي بنات اشلونكم بنات ارجو انكم تساعدوني بمشكلتي واتمني اي وحده عندها خلفيه او صار معهاا جذيه تقولي وطمني لاني حيل خايفه حييييل وافكر والله حتي نوم مانام والله بنات انا صارت معاي مشكله هي انه صار معاي تكيس علي المبيض وحجمه 7سم وقالي الدكتور نطري شهر نشوف يمكن ينزل من نفسه واذا مانزل من نفسه او تم علي حجمه راح نضطر نسويلج منضار ونشيله بس انا خايفه لان يقولون يمكن ينفجر ويصير معاي نزيف شنو الحل برايكم المشكله انه حتي الدوره مانزلت علي والسبه الكيس اللي صار عندي صارلها شهروعشر ايام متاخره ومادري شنو اسوي تكفون يابنات تساعدوني لان والله نوم مو نايمه وخصوصا انا اخاف من سوالف بنج العاااام وااايد تكفون ساعدوني ردو علي واتمني كل بنت تقرا موضوعي وتعرف بلموضوع ماتقصر معاي ومشكرين الله يحفظكم انشالله:yaaaaaarb ::yaaa aaarb:

حبيبتي والله الله ايشافيج يارب ….
انا نفس حالتج بس الصراحه ما ادري جم حجمه … وكانت الدوره متلخبطه عندي وكل شهر احسب اني حامل لين مارحت وقالتلي الدكتوره فيني تكيس وسبحان الله خذيت العلاج من الصيدله بس ما كليته وله اطلع حامل …

وبعد ما ولدت رحت بعد الاربعين يتني الدوره عشان اشوفه كلن موجود بس اصغر من قبل لان قبل كان كبير و واضح وخذيت حبوب منع الحمل …. وانا خذيت حبوب حيل خفيفه لاني كنت ارضع بس نشف الحليب وكان المفروض اني بس اوقفها تنزل الدوره … بس انا للحين الدوره مايت … وما ادري شسالفه وناطرتها تنزل …
حبيبتي لاتخافين تره انا يوم دريت خفت وعفست الدنيا واهي علاجه ان شاء الله سهل …
الله ايشافيج وايشافيني ويشافي كل مرضانا ومرضى المسلمين يارب…