|
|
اهلا يا بنات
بدش سيدا بالموضوع
انا صار لي فتره اسمع عن الدكاتره وخصوصا اللي عندهم عيادات خاصه
يوم اجازاتها مثلا الجمعه
تدخل 4 او 5 مع بعض الولاده وطبعا لازم نفس المستشفى
علشان تفتك
تكون قايله حق وحده البيبي وضعه مو طبيعي ………. كذبه طبعا
وقايله حق الثانيه البيبي عود اذا ما ولدتي الجمعه بسوي لك عمليه
وعلى كل وجده كذبه غير
علشان تفتك
طبعا اللي ما فيها ولاده تموت لان جسمها مو جاهز للولاده
مره كانت وحده من جماعتنا تولد طبعا غصب مدخلتها
وانا كنت ادش واطلع عليها
واكتشف ان دكتورتها مدخله 4 ولادات
سبحان الله كلهم بنفس الوقت …….. بالصدفه طبعا
المهم وانا طالعه جان اقول حق الدكتوره يعطيك العافيه دكتوره الوقت متاخر وباكر عندك عياده من الصبح
جان تضحك وتقول لي لاااااااااا ان باكر اجازه علشان جذي دخلتهم كلهم
وين الضمير ؟
ابي اشوف رايكم يا بنات
انا الموضوع وايد قاهرني
لان بنتنا ما كان فيها ولاده وعسرتها بقت تموت مسكينه
ومحد رد علي
الله يعينا ويسهلها علينا
يااااااااااااااارب
|
المشاركة الأصلية كتبت بواسطة مناي & هناي
 معقوله في جذي دكاترة ؟
الله يعينا ويسهلها علينا يااااااااااااااارب |
انا علشان جذي كتبت الموضوع مخترعه
لو ما اني سامعه الكلام منها بنفسي جان ما صدقت
ما يصير جذي
وين ادب المهنه
انا ولدت مرتين بالحكومه
مره حطولي ابرة الظهر
ومره كمام
بلا خسايرولا هم يحزنون
بس ما كانوا يخبطون تجميلي ممنوع عندهم
وانا الحين ما اعرف احد بالولاده
فراح اولد بالخاص و دكتورتي اثق فيها انشالله
والخوف كله من الدكاترة الحريم الله يسامحهم اسو فيني بداية الحمل وبعدها قلت عوع اروح حق ريال ارحملي صج انه فشله بس بعد الي صار
وحدة تقولي جيس الحمل مافي بيبي والثانية تقولي انتي مو حامل وطلعت منها بنفس الوقت ورحت حق الغرفة الي يمها ولادكتور يزاه الله خير سوالي سونار وقالي كاهو جيس الحمل وسمعني نبض البيبي
والحريم يحبون يسوون سونار داخلي بس
شيسوى عليهم يطلع ياهل متخلف ولا فيه شي
ولا تدرين ما يهمهم
ناس بلا اخلاق
انا دكتور كان بيسافر وقالي تعالي اولدج اشكره وانا طبعا رفضت
وسبحان الله قبل سفرته بيوم جتني الطلوق ورحت المستشفى وولدني
وحتى الفحص قبل الولاده (بالمراجعات) مافحصت اولا لاني كنت بجريه واخاف ثانيا احس ماله داعي
الا في حالة لا سمح الله البيبي فيه شي ولازم تتم الولاده هذا شي ثاني الله يكافينا الشر ويسهل علينا الولاده
بس اهوا على السمعه والظمير
انا اراجع بعياده دكتوري ديين وملتزم وكبير بالسن ويخاف الله الحمدالله نقيته نقوه هذا معرس مو دكتور هههههههههه
وايد مرتاحه بالمراجعات وقالي ماسافر قبل ما اخلص كل مواعيد الولاده والاجازه الاسبوعيه عادي يقطعها واييلج
وقايل حق ريلي اي وقت اذا حست بعوار او تعبت حتى لو يوم اجازه او الوقت متاخر اتصل على موبايلي وانا اييها وين ماكانت..
صج لو خليت خربت ..
الدكتورات اللي تعاملت معاهم حريم منال زهدي وكانت تعطي من عمرها وركبت عندها لولب سنين ماتضايقت منه ولاشي وكان خوش شي
والثانيه البطل الصامت شاديه اللي بالمواساه (مادري لي الحين موجوده والا لا) وماحبيتها ولارتحت لتعاملها الكلمه عليج بالحسره وكله مالها خلق ومنفسه
الثالثه دلال السالم وكانت زينه ونفسها تهبل مايحتاج
ولاداتي كله عند دكاتره الصراحه ادور الاشطر وسبحان الله الاشطر دايما دكاتره
ماصدفت الفئه اللي ذكرتيها
بالعكس حاليا اتعامل مع سامر الريس ومن احسن مايكون بالعكس كان لي مراجعه ضروريه حيل تصدف يوم يمعه وقبل الصلاه بشوي لازم بالوقت هذا بالضبط
والله ماقصر الدكتور لاتعذر ولاشي يو بالوقت اهو والنيرس مع ان يمعه وماكو عيادات
لو بحكومه جان موعد بعد ستعش شهر
وعلوووووووووووووووم
انا دكتوري اللي كان بالصباح جذي اي وقت ادق عليه ايي على طول
بس مشا من كم سنه
واللحين انا اراجع عند ناهده العلي