الحمدلله ولدت . ومو بتاريخ 11-1 .

خل اقولكم سالفتي شلون ولدت

وكنت ادعي قبلها يارب اولد بتاريخ 11

عاد قبلها بيوم رحت الافنيوز وفريته فررررر كله
ورجعت البيت وبما اني بالدور الثالث فقزرتها صاعدة نازلة بالدري عشان اولد … وماكو شي لا عوار ولا شي

لين يأست وقلت خلاص شكلي ماراح اولد …
لمن صار ثاني يوم قعدت من النوم ولا اقول حق ريلي قوم ودني المستشفى ابي اولد … عاشت القوية
المهم زفاني وقال لاتلعبين بنفسج خليها من الله اتيي الولادة … وانا همن مقتنعه بهالشي بس اللقافة فيني

رحت السوق مع امي ومشيت مشي جان اييني عوار
وانا عبالي العوار عادي مثل تشنجات التاسع تخيلوووو اثاريه طلق لأني بولاداتي القبل ماياني طلق كله
ماي
فما ادري شلون صاير الطلق
قلت حق امي ان فيني عوار تقول لي يمكن طلق اقول لها لا هذااا اييي ويروح جان امي تزفني
وتقول هذا اهو الطلق يالخبلة
هالحجي المغرب عالساعة 5 ونص تقريبا … ولا ادق علا ريلي واقوله فيني عوار
طبعا اهو ماصدق وقام يقول يالعيارة بسج دلع لاتلعبين بنفسج كل هذا عشان تولدين بهاليوم
المهم رحت المستشفى ولمن قالت لي ولادة استانست وقل الحمدلله يااااااااااااارب اني بولد بتاريخ 11

دشيت غرفة الولادة تقريبا ست ونص المغرب وظليت اطلق اطلق والرحم مو راضي يفتح وولادتي وااايد تعسرت
الحمدلله يارب
قمت اهلوس كل شوي اسأل الممرضة الساعة جم …وقولها بليز ابي اولد قبل ال12
واهي تضحك علي

ولمن ولدت وخلصت سألتها جم الساعة ….

ولا تقول الساعة وحدة الا ربع

ضاق خلقي قلت لها كتبي بالورقة اني ولدت قبل ال12 هههههههه
قامت تضحك وتقول مايسير مدام

وياشماتة ريلي فيني اول ماشافني قام يقرص خشمي ويقول
همن ماولدتي ب11 واحد

بس الحمدلله اني ولدت اخر ايامي كنت متأزمة نفسيا من الثقل

وبس هذي الدنيا
ليس كل مايتمناه المرء يدركه …
ودمتم