|
|
مرحبا بنات
شخباركم
بنات انا حامل بالشهر السادس الحين وكنت دايما احس بحركة البيبي
بس من قبل امس وانا كلش مو حاسه بالحركه ولا شي بالاول احس بعوار في بطني لما اقعد من النوم او احس بثقل لما اقعد من النوم ولما اطول قاعده وانسدح احس بطني يشد ويتحرك البيبي
اما الحين عادي احس بطني كش شوي اليوم من قعدت الفير وانا احاتي ماياني النوم مو حاسه بشي كلش حتى لما احاول اشفط بطني مادري شلون مو حاسه فيه خايفه ع البيبي وايد بس بنات عفيه طمنوني متضايقه بروح اسوي سونار وانطر ريلي كلمته يقول مااقدر اطلع من الدوام نطريني وانا قلبي ماكلني
عفيه طمنوني بنات انا اول مره احمل منو صار معاها هالشي بعيد الشر عنكم يعني طبيعي ولا في شي ؟؟
انتظر ردودكم
وضروري اتجيكيين عليييه
اكلي كاكاو وشي حالي ونامي على جنب وان شالله يتحرك ورحي سوي سونار احسن والله يطمن قليبج
حبيبتي البيبي تيييله فترات نشط ومرات كسول
يعني مو شرط يوميا تحسين الحركه
شنو تسوين
اكلى كاكاو او عصير برتقال او مانجا احسن
ونامي علي جنب او عيل ظهرج ولا تركزين شوفي اذا تحرك طبيعي
وليش تسوين سونار بس طلبي السماعات ينسمع الحين نبض البيبي بالسماعه
,,,
بس البيبى كل ما يكبر حركته تقل عن الاول لان المساحه الى يتحرك فيها تقل
انتي بالسادس لازم في حركه لان الدكتور
قال لي تقل الحركه من الثامن
وان شاء الله ماكو الا العافيه
و سألت فيها دكتور نساء و و لاده قلت له متى أحسب حركة الجنين قال لي تو الناس على حساب الحركه ز و قال لي يالله بالثامن نبدي نحاتي اذا الجنين فتره ما تحرك مو الحين
لا تحاتين مافي الا العافيه
و سألت فيها دكتور نساء و و لاده قلت له متى أحسب حركة الجنين قال لي تو الناس على حساب الحركه ز و قال لي يالله بالثامن نبدي نحاتي اذا الجنين فتره ما تحرك مو الحين
لا تحاتين مافي الا العافيه
الحمد لله رحت الطبيب وسمعني النبض وطمني
يعطيكم العافيه حبايبي ماقصرتوا والله
الحمدالله انج تطمنتي
عاد كنت بقووولج ان موشرط يوميا تحسين فيهااااا انا يومين ويوم اي لووول ومثلج اوسوس واحاتي
الله يسهل علينا يارب