منو مراجعه عند دكتور مدحت الشربيني الي بمستشفى الراشد

و الله يا قلبي انا اراع عنده علشان علاج الحمل
بس للامانة اهو خوش واحد
ولما سويت بحث حنه
لقيت ان يقولون عنه
واااايد عنده حسن تصرف وطولة بال في الولادة
وريال ما يستعجل عليج

شااااااااطر وااايد اغلب الحمل يراجعون عنده
وترى السهالات من رب العالمين

كيت كات

الله يطمن قلبج طمنتيني ويرزقج انشالله الي فبالج حبيبتي مشكوره عالرد

حبيبتي و الله راجعي عنده و انتي مطمنه و توكلي على رب العالمين
ورب يسهل عليج يارب ويسخر عبيده لج

اللهم آمين يارب اجمعين حبيبتي

قوووووة رهومه
انا اراجع بالراشد
اول ما رحت على اساس ابي د.ايفا بس كانت مسافره .. فكذا مره اروح عندهم ادش عند د. محمود عبدالباسط, مع اني ما كنت ابي الا ايفا,, بس والله ان المستشفى عندهم احسسسسسسسن طاقم طبي , لا يغرونج البنات يقولون روحي هني ولا هناك.. ترا والله الراشد ممتاز انا مرت اخوي ولدت عند د. ايفا تحلف تقول ما حست بولا شي حتى بطلعه الراس تقوول جنه حلم و صحيت منه.. و امها و اهلها كلهم يولدون بالراشد لان كمامهم موووو طبيعي و ولادتهم من بعد الله سهالات
انا اراجع عندهم و من الاسبوع الياي بروح انشاءالله عند ايفا
و لا تحاتين ترا الدكاتره اللي عندهم كلهم زينين كل واحد فيهم احسن من الثاني

الله يسهل عليكم

اهلين حبيبتي ديفا

اي صاجه انا رفيجتي تراجع عند دكتوره ايفا وتمدحها وايد وكل ولاداتها عندها تقول ماحس بشي الا مثل الحلم وقمت منه وانا وياها فيني فقر دم شديد تقول تتصرف بسرعه وماتخليها توصل لمرحله الخطرماشاء الله عليها وكل ماروح ابيها مايكون دوامها اول مره رحت عند دكتور محمود ومن بعدها كل ماروح ماحصله دايما احصل مدحت وارتحت له وايد قلت خلاص دايما براجع عنده واتوكل على الله واولد عنده

الله يسهل علينا وعليج يارب مشكوره حبيبتي عالرد

انا ولدت عنده ماشاء الله تبارك الرحمن على هالدكتور قمة بالأخلاق وطولة البال والله انصحج فيه اول ماشفني قعد يهون علي ويقولي ماراح أطولين وفعلا ماحسيت بشي وصج تحسين انسان فاهم وترتاحين له.

هلا كويتية اي انشالله بظل عنده ومشكوره عالرد حبيبتي

خووووووووووووش دكتور قمة الاخلاق صراحة جربت دكاترة بس ماشفت نفس اسلوبه توكلي على الله ولاتغيرينه وفاهم ومايخرعج اذا فيج شي الا اذا تاكد تدرين ليش لاني كنت حامل بالشهر الثالث والجنين ميت وكنت اراجع عنده فيدري اني امتحانات فاينل اخلص بعد اسبوع وقلي تعالي بعد اسبوع قلت ليش قال نتطمن اكثر واهو يدري ان النبض موقف فحب يتاكد بعد اسبوع واخلص امتحاناتي وفعلا جيت بعد اسبوع قالي انه تاكد من اخر مرة ان الجنين ميت وما حب يخرعني الا عقب ماتاكد وعشان امتحاناتي خلصتهم وعطاني السونار اللي قبل اسبوع والسونار الجديد قالي روحي سوي تنظيفات وهذي سوناراتج نفس الوضع ماتغير حجم الجنين والله لو قايلي على وقت الامتحانات جان تضايقت ومادرست يجزاه ربي الخير على اسلوبه

هلا طيف حبيبتي الله يعوضج بالذريه الصالحه ان شاء الله ويرزقج الولد الصالح وخلاص ان شاء الله ماراح اغيره
مشكوره حبيبتي عالرد

ماشالله خوووش دكتووور الكل يمدحه

هلا ام احمد اي والله صاجه ماشاء الله عليه
مشكوره حبيبتي عالرد

انا هذا الدكتور احبه

انا حاليا حامل بنات وابي اراجع عنده جربت ايفا ويوليانا ايفا ما تحب الصراخ وتجعم ويوليانا عذبتني وخلت المساعده تولدني فابي اجرب
مدحت بس مفكره بابرة الظهر لان فيني ربو والكمام يخففونه شرايكم