|
|
السلام عليكم ورحمة الله وبركاته
بنات انا من زمان ادش منتداكم واستفدت منكم وااااااايد وقبل جم يوم سجلت معاكم واتمنى تقبلوني اخت بينكم
ومابي اطول عليهم بدش بالمهم !
اكو سؤال محيرني واتمنى تجاوبوني عليه:
بنات انا من فتره والحمدالله سويت عملية تنظيف "اجهاض جنين مشوه" والله مريت بنفسيه صعبه وخصوصاً
كان هذا أول حمل لي وكنا مستانسين وايد وبالذات أهل ريلي لأنه ولدهم الوحيد وأهلي لأني اول وحده تزوجت
وكانوا متشوقين بس "اللهم لا اعتراض" الحمدالله والشكر..
وسؤالي اهوا:
هل ممكن بالحمل الثاني اتصيرلي نفس السالفة ويطلع اجهاض او جنين مشوه وجم بالاميه ممكن احمل حمل سليم؟؟
منو فيكم اجهضت جنين مشوه ووراها احملت حمل سليم؟
ملاحظه:
قبل جم يوم كنت عند الدكتوره والحمدالله سوتلي سونار علشان تطمن علي عقب العمليه والحمدالله قالتلي كل
شي زين وتقدرين تحملين حمل ثاني ان شاء الله .. قلت لها خايفه ومابي احمل 
حالات وايد مثلج واذا بيضرج راح اقولج بس الحمدالله عادي حملي ومافيج الا العافيه,,وقالتلي اقطع عن الأدويه واستمر بـ "الفوليك"
خواتي تكفون طمنوني الله يطمن قلوبكم ويسخرلكم ازواجكم يارب
الحمدلله الله يعوضج
مشكورين ع الدعوات الطيبه وان شاء الله خير والله ينولكم اللي فـ بالكم يارب
شنو كان في وباي شهر اجهضتي؟
بس بغيت اعرف شلون اجهضتي وباي شهر ومتى قالولج انه الجنين مشوه
انزين اشلون عرفوا انه مشوه؟؟ يعني في بنات اقولولهم الطفل مشوه بس سبحان الله ينولد طبيعي ومافيه شي
اعرف اثنين نفس حالتج حبيبتى وحملوا ويابوا يهال طبيعين ولله الحمد توكلى على الله ماكو الا الخير وربى يفرح قلوبكم جميعا.
ويارب يعوضج ويرزقج الذريه الصالحه لاتحاتين حبيبتي عسا الله يعوضنا يارب ويرزقنا الحمل السليم عاجلا غير اجلا يارب
عسى الله يرزقج الذرية الصالحه المعافى باذنه
بعد قلبي اشكثر اعرف ( عوائل ) يكون بين 10 او ال 4 واحد مريض او في عيب خلقي
يعني لا تتشائمين عندج نسبه كبيرة انج اتجبين ساليم باذن الله
الي اجهضتي ( باجر يشفع لج عند ربج ) لا يضيق خلقج غيرج تتمنى هالشفاعه
وبالسونار يبين كل شئ