قصه ولادتي مع بعض الصور

دشيت شهري 14-4
اخر موعد 13-5
ولدت بتاريخ 24-4 الفير بدار الشفا

قعدت الصبح وعندي احساس غريب اني بولد بس شعوور غرييب قمت احووس اجيك على اغراضي جنه احساس واوصي امي على بعض اشياء ريلي يشوفني احوس يقولي فيج شي اقوله نوو بس جذي ما كو شغل ههههههههه المهم صار الظهر تغدينا وعالعصاري طلعنا رحنا نتمشى بالافنيووز وريلي يبي يتسوق صج صج صج بدع فيني بالمشي من دوون قصد خخخخ
حسيت بتعب تجاهلت الموضوع قلت من الثقل عادي .. علما ان انا من دشيت شهري في تقلصات بس اقوول شي طبيعي اثاري طلق … المهم ردينا البيت ريحت اشوي وله ريلي يقولي اشرايج نطلع انخلص جم مشوار انا @@ لا بليز تعبانه
اشوي جان اقوله اشرايك انروح الطبيب لان احس ابعوار ونطرت يصير منتظم يعيني يصير العوار الفترات على الاقل قريبه
لان مثل ما قتلكم من دشيت شهري وانا احس بعوار بس متباعد يعني بااااارد كانو يقولون لا تقلصات قالي اكييد قتله يس
رحنا الطبيب ونطرنا الطوارىء فحصتني قالتلي انتي 2 سانتي احتمال اتردين بس اول شي تخطيط علشان انقرر وانا العوار يزييد وارعص اييد ريلي واتالم رحت حق التخطيط قالولي شربي عصير وتعالي رحت شربت عصير ورديت وطبعا لمن يحوشني العوار احس انشل ما اقدر امشي رحت وله تبديل زام الساعه 12 نطرت دشيت سويت تخطيط والعوار كل ماله ويزييييد وره بعض وره بعض الدكتوره مرت شافت الورقه من بعييد جان اتقول شكلج دخوووووووووول وانا بموت
خلصت تخطيط سويت اوراقي واتصلو على دكتورتي علشان اتي وصعدت غرفه الولاده ولبسونس لبسهم الاخضر
وبعدين عطوني ابره مسكن واتنوم اهي السستر ما كملت جملتها هاذي الابره اتدوخ انا رحت بسابع نوومه
وبعدين زاد العوار قمت اتلوه واصارخ وامي حبيبتي نوعها ماتتحمل اتصكر اذونها علشان لا تسمعني خبركم وحيدتها
وبعدين صارت الصجيه اسمعهم يلا يلا يلا بووش اسوي بعدين يقولون لي لالا لا وقفي شالسالفه اثاري الطلق يرووح بحزه طلعه الراس والبيبي يرجع وانا بغييت اموووت بس ابي اطلعها بعدين وخرو الكمام علشان اركز يقولون لي اذا ياج الطلق سوي بووش بالله وانا وين مخي مفتر من هالكمام بس الحمد الله ساعدتهم وولدت ويبت احلا بنووته

وهني مقتطفات من غرفتي انشالله تعجبكم بس التصوير لكم عليه من موبايل

الكفر والمزهريات طقم

التوزيعات

القند ( السكر) + ماي اللقاح

الضيافه

بسكوت مع الشاي بنكهات مختلفه

حبيت اوضح شكل القلاصات ويه الاستكانه اشلون قدمناهم

وهم اقولكم مو قصدي استقبال بس اهلي يايين يايين لازم شي مرتب

واتمنى ينال اعجابكم انا مسويه شي بصيط ومتواضع ورايكم يهمني