الطلق الصناعي وابره الظهر

السلام عليكم كروشات وامهات ويدات
حبيباتي انا صارلي جم يوم حاسه روحي مو مضبوطه

مو مينونه لا بس صايره ماجمع مادري شفيني
احاتي الولاده وايد .. خواتي انا بجر وامس كان اخر موعد لي عند الدكتور حيان الاحمد ومسكين لاعت جبده مني من نص التاسع وانا احن بولد وبولد وبس تعبت ويالله ولدني .. المهم امس اخر موعد لي و قالي كلشي الحمدلله تمام واذا ماولدتي الخميس او اليمعه تعالي السبت مع جنطتج واعطيج طلق صناعي تولدين والله بنات على قد ما فرحت اني بولد على قد ما تصرقعت واحس اني خلاص بهون مابي صارت الصجيه بنات انا سامعه الكل يقول عن الطلق الصناعي انه يعور حيل ويأذي اكثر من الطلق الطبيعي مع اني ناويه ان شاء الله اخذ ابره الظهر عشان ارتاح واني اولد وانا واعيه وخاصه انا فيني ربو فالبنج يتعبني بعد ما اصحى والدكتور بعد نصحني فيها بس السؤال الحين شنو …؟
الطلق يعطوني اياه شلون بابره ولا تحميله ولا شنو ..؟؟
وابره الظهر يعطوني اياها قبل الطلق الصناعي ولا بعده ..؟؟
خواتي عفيه جاوبوني واللي جربت انها تروح تولد وتاخذ طلق صناعي شنو حست وشنو سوولها ؟؟
بنات دشينا الخميس ومابقى الا اليمعه وحدي خايفه والله احس اني سويت شي ماني قده وتوهقت

الله يسهل علي وعليكم يارب

إنتي لا تحاتين ترى كثر لمحاتات ماييج طلق وعلى النفسيه ترى وروحي إمشي على لتراب او شربي دارسين وكثري الجماع سمعت هل اشياء زينه تييب طلق والله العالم،،، وعلى سالفة الإبره وطلق ما عندي خبر علمي علمج الله يسهل عليج ولادتج وتقومين بالسلامه إنتي والبيبي

انا ماعندي خبره ولا اي معلومه

بس يارب يسهل عليج ولادتج يااااااااااااااااااااااااااااارب

سوري بس ضحكتيني على جمله سويت شي مو قده ههههههههههههههههه

شوفي الطلق الصناعي تحميله

وانا خذيت ابره الظهر بعد ما الدكتوره الملقوفه اللي يايه تجيك عالوضع قالت لي قيصريه وانا كنت 7 ونص سم

انتي طلبي الابره قبل لا يحطون لج الطلق الصناعي

الله يسهل امورج يارب

حاسه فيج انا بعد بعوشر والله يستر
الله يسهل ان شاءالله

حبيبتي الله يسهل عليج وعلينآ

أم فتوته

الله يسهل عليج يارب

ماعليج شر
ان شاءالله تولدين بالسلامة
وتطمنينا عليج

الله يسهل عليج بس التحميله وايد اسهل من الابرة راح اتحسين بالطلق شوي شوي []

حبوبه لا تحاتين سهالات ان شاء الله …انا اختي عطوها طلق صناعي وخذت ابرة الظهر بعد ماعطوها الطلق الصناعي (تحميلتين) قالوا لها متى ماحسيتي ان الالم زاد وبغيتي الابره قولي لنا …….اهي طلبتها لما تألمت شوي لانها مابغت اييها الجايد ونحس فيه ولا شفايدة ابرة الظهر وترى سهااااااااااااااااااالاااااااااااااااااااااات لاتحاتين ووكلي امرج لله انا ان شاء الله ناويه اولد بالمواساة وراح اخذ ابرة الظهر ان شاء الله انا مجربتها عندهم من فتره واللي عطاني اياها د. معن استشاري والحمدالله ماصارلي مضاعفات بعدها ….وعسى الله يقومج بالسلامه