|
|
صباح الخير كويتيات
مبارك عليكم الشهر
بنات انا ناويه باذن الله اولد بمستشفى المواساه ودكتورتي من بره
بولدي الاول والده عندهم بابره ظهر وماشاء الله ماحسيت بشي
والحين انا باول التاسع وناويه اولد بالمواساه لاتقولون اولدي بالهادي زوجي عنده تامين المواساه حرام ما اولد عندهم ابلاش مع الرعايه وابره الظهر وكل شي
بولدي الثاني ولدت بالسلام ابره ظهر بس الله لايويكم حسيت بطلعه الراس وقعدت اصارخ واهاوش لين سكتوني بكمام
والحين حدي خايفه اخاف اتوهق مثل السلام وماعندهم كمام
بنات شلون كمام المواساه ؟؟
يخدر ولالا ؟؟
امانه شرايكم
والله كل يوم احط راسي عالمخده حدي خايفه وانام واتحلم بالم الولاده
لا تمرون وما تقولون لي امانه عفيه
بس حبيت ادعيلج
الله يسهل عليج وين ما كنتي ان شاءالله
ناطرتكم بنات وينكم
يهبلوون ورعايه مو طبيعيه
والكمام ماتحسيين بشي
بس حزت طلعت الراس يشيلونه يقولون لج شدي بس انتي تحسين الكلاام صدداااا
صراحه انصحج فيهم
وناطره بعد نصايح البنات وتجاربهم
… يعني اهو بعد يعتمد على قوتج
اما ابرة الظهر انا رفيجتي ولدت بالمواساة .. توها .. تقولي الحمدلله اني اخذت ابرة الظهر
بس ماعندي تفاصيل
الله يسهل ولادتج حبي
بس شعلاقة امج؟
ماعندي خبره بالمواساة
علاقه امي ماعندي احد اتحووب عليه واذا تضايقت اقوله الا امي الله يطول بعمرهاا
واهي الحين بالعمره الله يرجعها بالسلامه
للاسف ماجربت لا المستشفى ولا ابرة الظهر
بس عسى الله يهووون عليج وكلها لحظه وتمر وننساها
انا بحمالتي قبل هاذي كنت بالسلام ونفسج توهقت كمامهم ما يدوخ وحسيت بكل شي والراس
عاد الحين رفيجاتي والدين بالمواساه وحيل حيل يمدحون كمامهم وانشالله بولد عندهم هالمره دكتوري عادل مرسي بالمواساه
ما انصحج تاخذين ابره ظهر اخاف كثرتها مو زينه
خلج عالكمام يقولون ينوم وهم وصي دكتورج يوصي السسترات لانه كل شي بيدهم احس
و احس ماله داعي تحاتين لهدرجة خليها عالله و اخذي ابرة الظهر و بس
اب اب
للرفع
أحاسب نفسي وأتردد
(أغنية عبدالكريم عبدالقادر لوووووووووووول)
عسى الله يقومج بالسلامة وأميمتج عندج وتفرحين بالبيبي إن شاء الله