حوامل من فضلكم اللي ماخده ابرة الرئة تدخل

السلام عليكم

بنات الدكتورة كتبت لي امس ابرة الرئة لان كان عندي ولادة مبكرة اللعام الماضي

وحملي هذا امسوية ربط لعنق الرحم وعلى طول عندي الام والتهابات وانا الحين في

الشهر السابع وخايفة من هالابرة لان الدكتورة قالت ليي انها ترفع السكر للام ومادري

لين اخذت الابرة لازم اتبع حميه او اسوي تحليل للسكر او اكل طبيعي نسيت ما سالتها

ارجوا من كل وحده اخدت هلابرة تطرح تجربتها وش سوت للسكر ؟؟؟

انا خذتها والحمدالله وما صار فيني شي

انا اخذتها و صديقتي خذتها و عطونا اياها اكثر من مره و الدكتور مايتبلنا سيرة السكر و ولا رفعت السكر ولا شي الحمدلله لا تخافين

شكرا لكم يا بنات على الردود

واللحين مترددة وخايفة امبي تجارب البنات الباقي

انا اخذيتها الحمدلله ماصار شي لاتخافين توكلي علي الله

أنا خذيتها والحمدلله ماضارني إلا العافية

انا ما خذتها بولادتي بشهر الثامن
قالت الدكتوره انها تقوي رئة الطفل
ولا فيني سكري ولا شي وبنيتي هم الحمدلله مافيه

عسى الله يهون عليج وتقومين بسلامه ….

تحياتي لج

وهم انا اخذتها بالشهر السابع والحمدلله ماصر فيني شي … مع انه كان عندي السكر مرتفع نتفه بس ماخذ له علاج … بس ماقلت لي شي عنه

الاحسن تاكدين منها كل حاله عن الثانيه تفرق وربج كريم

انا خذيتهاااا وماصار شي بالمره

انا ماخذتها الحين بس محد يبلي طاري السكر

انا اخذتها لا وبعد قالي الدكتور اكلي تمر يكبر البيبي فما اعتقد لها علاقه بالسكر

انا اخذها بكل حمالاتي لان ولادتي مبكره وحتى الحين خذيتها و الحمدلله ماصار شي لاتخافين توكلي علي الله

مافيني سكر ولا يحزنون اول مره اسمع هالحجي

انا خذيتها عادي ماصار فيني شي دكتورتج خرفت مسكينة

هي ابر كورتيزون تاخذينها على جرعتين كل 12 ساعة وتكمل رئة البيبي بس

شكرا لكم بنات طمنتوني

وان شا الله اليوم بتوكل على الله وباخد الجرعة الاولى

وعادي بنات تاخدونها مع الحديد والكالسيوم ؟؟؟
0

حبوبه صح كلام دكتورتج
انا دكتورتي ناصحتني اتابع السكر في البيت مرتين في الاسبوع
عاد لما شيكت السكر ثاني يوم من الإبره كان مرتفع
صايمه 6.5 بس مو معناتها بتصيبج بمرض السكر اسم الله عليج بس بترفع لج السكر