علامات الولادة

مرحبا كويتيات
بغيت أسأل شنو علامات الولاده
أنا اول مره
وصج انطر لحد ماينزل ماي البيبي؟
ومشكورين

لااااااا
مو تنطرين الماي ينزل وحده عن وحده تفرق
في ناس ما ينزل الماي
وفي ينزل

يحوشج عوار جنه عوار العاده حيييل
وكل ربع ساعه او ١٠ دقايق تقريبا
اهني تسبجي وشربي دارسين واكلي تمر وروحي الطبيب

شوفي اذا ياج العوار راح تعرفين من غير شي انا كنت نفسج اقول شلون
وكل مل حسيت بي قلت بروح الطبيب من الخوف
بس يوم ياني عوار الطلق عرفت قلت هذا اهوا العوار

الله يسهل عليج حبيبتي لا تخافين

اي معاها حق

مو شرط ينزل الماي

مثل ما قالت لج

عوار مثل الدوه الشهريه

ويكون اكثر شي بالبطن والظهر

اذا زاد يعني تقريبا صار كل عشر دقايق

تروحين الطبيب

والله يسهل عليج وتقومين بالسلامه

البنات ما قصرو وتقومين بسلامه يارب

مشكورين خواتي وماقصرتوا
وان شالله أبشركم بولادتي يارب

صح كلام البنات يفرق من وحده الى الثانيه انا مانزل علي ماي بس تكرمين دشيت الحمام ولاتنزل علي قطعه سالت الدكتوره قالت هذي سدادت الرحم تسبحي وامشي كثر ماتقدرين مع انه ما كان فيني عوار بس حاولي كثر ماتقدرين ان اذا ياج العوار كل ربع ساعه لا تستعجلين تروحين الطبيب العوار يذبح بس تحملي لان انا تمصخرت من الفحص . اذا كان كل عشر او خمس دقايق روحي والله يسهل عليج انشالله وعالجميع .

الله يسهل عليج

كل وحده غير الثانيه ناس ينزل عليهم اماي قبل وناس يزل دم وناس الم بدون ولا شي

الله يهون عليج يارب

انا ما نزل علي ماي على طووول دم

ينزل ماي
او ينزل دم
او تحسين بعوار مغص او مثل الدوره منتظم تشوفينه بالساعه يرجع بشكل منتظم
او تحسين ان فيج اسهال تكرمين

هذي علامات الولاده

الله يسهل عالجميع يا رب