بطني صاير خريطة . عطوني تجاربكم مع منتجات ازالة التشققات

اذا لقيتي شي قوليلي لاني انا ماولدت و متأزمة من هالخطوط الحمرة اللي فبطني

انا ماخليت شي تقريبا
واذا رحت للاطباء يقولون لي ماتروووووووووووووح
وطبيب التجميل قالي ماتروح تخف قلت له امبلى اذا توها ماصارت بيضا تروح بجهاز الليزر قالي خرابيط ماتروح ممكن تخف والعلاج غالي

المهم انا تميت اعابل واحيانا افقد الامل واحيانا اقول شنو خسرانه
طول حملي كنت استخدم كريم بالمرز للتشققات هذا لا تستغنون عنه ابدااااااااااااااااااااا

انا بحملي شفت الخطوط السودا والحمرا اقل
لقيت هالخطوط السودا وايد باسفل بطني من تحت السره وحاشني اكتئاب الله لا يراويكم

بعد الولاده شفت خطوط بيضا وسودا وايد وعلى الجوانب حمرا
كملت على الكريم واخر شهرين بالحمل كنت استخدم زيت اللوز المر من الحواج
طلعت من الاربعين ونفس الحاله ومستمره

بس من قبل عشرين يوم استخدمت لمده سبع ايام زيت السمسم يايني من اليمن
وبصراحه لقيت تغير ملحوووووووووووووووووووووووووووووووووووظ جدا جدا جدا جدا
ماني مصدقه ان التغير حصل من زيت السمسم
لكني الحين مستمره على كريم بالمرز وزيت السمسم وقفته كان 7 او 8 ايام

ايضا طبيبتي الولاده عطتني كريم اسكار جيل من صيدليه المواساة حق اثار العمليه لاني ولدت بعمليه
وايضا طلع مكتوب انه للتشققات زين

فمادري منو اللي اثر صج
لكن خالاتي كلهم يقولون بالمرز وللحين بعد ولاداتهم بسنه يستخدمونه يقولون انه يوخر الخطوط البيضا بعد
لكن النتيجه حصلت بفتره قصيره من جربت زيت السمسم

على فكره العلبه وصلتني مكتوب عليها زيت الجلجل ولما سالت قالوا هذا يعني زيت السمسم

انزين اختي انا قريت موضوع لوحدة

خالطة زيت السمسم و البالمرز و أشياء وايد ثانية معاه و اتقول ياب نتيجة

بس المشكلة من وين أشتريهم ما أدري

يعني البالمرز من وين … زيت السمسم بالحواج احصله صح

و ذكرت فيتامين e من وين ؟؟؟

فانتي اشرايج ؟؟؟

اي جان زين تفيدونا

بعرف هالمشاهير الممثلات والمطربات الاجانب واللبنانيات اشلون تروح منهم عقب الولاده ؟

بنات متى تبدى تطلع للحامل هلخطوط ؟؟؟؟

وانا عن نفسي الحمدلله تبارك الرحمن بنص السابع ومجاومه على كريم روك للسترش مارك حق الحمل بخاخ

وماطلعلي غير جم نقطه على خواصري

بس انا خايفه انه الخطوط ماتطلع الحين !!
انتو متى بلشت تطلع عندكم ؟

انا بصراحة بحملى الاول استخدمة زيت اللوز والحمدلله ما بين شي
والحين زيت المرز مرات ومرات زيت اللوز على حسب اللى اشوفة جدامي

للرفع

يعني هذا الكريم بالمرز يوخر الخطوط بعد الولادة أقصد أقدر استخدمه الحين وانا ليلحن ما ولدت؟؟
لأن أنا الصراحه من بس خريطة العالم في بطني حتى خط غرينتس موجود بوضوح يفصل بين الشرق والغرب

انا الي ارتحت له كريم بالمرز من بوووووووووتس خذيته
وفيه واحد ثاني احطه ساعات اسمه بااايووو اويل من بوووتس بعد

للخطوط واثار الجروح وكل شي

وانا فيني خطوط حمر ويلوعون الجبد مشوهين جسمي واطلعتولي اببدايه التاسع اكثر شي

بكمل عليهم من الحين ليييييييي بعد ولادتي ومده طويله لان يبيلهم التزام اقل شي 3 شهور

وبسوي خلطه من نفسي ( بحط زيت اللوز المر- زيت جنين القمح-السمسم-وبكسر معاهم كبسولات فيتاميين اي لانهم مركزيييييييين ) كل ليله واليوم الثاني اغسله الصبح وبعد السباحه بالمرز وساعات بايو اويل وانشالله يفيد

بيبي جونسون رووووووووووووعه

انا حيل مهتمه بهالموضوع

الخطوط معاي بدت باواخر السابع واثامن وتطلع اكثر بعد الولاده وبعضهم طلعوا خلال الاربعين حمر على الجوانب فوق خواصري

للعلم اني وااااااااااااااااايد كنت مهتمه بالموضوع واستخدمت زيت بيو بصراحه ماحسه سوا شي خرابيط وصرت ما استخدمه حاليا صحيح استخدمته بحملي بس ماوخر شي لان الولاده استخدمته خمس مرات فقط مو اكثر

بيبي اويل ماله معنى ايضا استخدمت الجلسرين اللي حطيتوا صورته ثقيل واااااااااايد بس ماحس البشره تستفيد منه

انا اقولكم زيت السمسم هذا حده *** اقولكم للحين مومصدقه ان الخطوط راحت بسبته لان خلال ال7 ايام كنت كل يوم ادهن جسمي منه كل ليله اغسي تغرق اسبح فيه يعني واحين لاني موقفته ماحس في تغير كبير بالخطوط للحين اجرب خلوني ارجع له بعد اسبوع واشوف هل في تحسن اكثر علشان اتاكد عدل انه منه

كريم بالمرز للتشققات للحمل مرسوم عليه صوه حامل اما الزبده بالمرز موذاك الزود للتشققات
تلقونه بسوق الميره احيانا اييبه وبوتس والاكيد بصيدليه الهاجري انا اخذه من اللي بالفحيحيل سعره ب3 وشي
بس اكتشف سوبر ماركت هندي بالسالميه اييبه وسعره ديننار وشي حتى لما اروح له اخذ 3 او 4 لي ولجارتي

بالمرز ينفعج حتى بعد الولاده وحتى لو تبين تنزلن وزنج لاتتركوووووووووونه
ترى لخطوط تطلع باي وقت مو شرط بس بالحمل

زيت السمس من الحواج تلقينه وشمي ريحته احسن عشان تعرفين انه زين او لا
لازم تكون ريحه السمسم واضحه

انا اللي عندي الي من اليمن ريحته تبط الراس هههههه بس تعودت عليه

بنات اكرر زبده بالمرز غير عن كريم تشققات بالمرز لان مال التشققات فيه فيتامينات ومواد اكثر

والبنات اللي مسوين قيصريه تستخدم جل من صيدليه المواساة اوصفته لي د فرجينيا اسمه scar gel بصراحه خط العمليه بدا يروح وناسه
كنت مكتئبه ان هالخط بيصير مين علي طول بس اليوم شفته صج بدا يروح وان شاء الله بتم الين مره وحده ماله اثر
وايضا مكتوب عليه للتشققات انا همن احطه على كامل بطني والحمدلله

بس معليش حبيت أسالكم زيت اللوز مايأثر على الحمل…
وزيت جنين القمح مايأثر بعد.