|
|
السلام عليكم ورحمة الله
ابي نصايحكم …
لان لما قلت الفكرة لامي ولخواتي عارضوا بشدة 
انا بخاطري آخذ ابر منع الحمل عند الدكتورة عاليه الفضلي اللي مفعولها 6 شهور …. طبعا بعد الفصوحات لان رفيجتي سوت جذي تقول بتستانس وتفرح وتعيش ايام العرس عدل وبمزاج بلاتعب احمل والوحام والثقل وهم البيبي والسهر واهي ماتم سنه على زواجها … وبالفعل خذتها وبعد 6 شهور ثانيه هم خذتها وبعدين وبعد ال6 شهور بس قعدت شهرين واحملت على طول …. خذت ايامها طول بعرض واستانست … وهذ طريقتها وخواتها بعد عرسهم بس خواتها كانوا ياخذون حبوب المانع …
انتم شرايكم ؟؟ آخذهم !!! لان بصراحه امي وخواتي وخالاتي وهم عماتي حمالهم يلوع الجبد تعب وترجيع ونفسيه زفت وقله اكل وارتفاع الاسيتون وانتم ادرى بالحامل واللي يصير فيها ….
شتنصحوني فيه ؟؟ابي رايكم
وحده طرحت مشكلتها من ورا هالابر تقول خطرة خطرة خطرة ولي الحين تعالج عشان تحمل..الله يرزقها
والحبوب اذا خذتها البنت تسبب العقم
ماتشوفين كثروا البنات اللي مايحملون بسرعة
خليج عالعزل وايد ابرك
لايالغاليه قسم بالله ان بنت عمي خذتها مدة سنه وعقبها عانت معاناة الله لايوريج
لاياعمري ابد لاتاخذينها ابد
اذا دورتج مضبوطه استخدمي طريقة الحساب {موشرط ايام الخطره مايصير فيها شي ,على الاقل ايام الخطره خلي زوجج يستخدم الواقي الذكري }فهمتي علي؟
انا بالول عرسي سويت جذي والحمد لله بعد سنه وشهرين قررت احمل وماشاء الله بالشهر اللي هونت مااحسب فيه حملت
موفقه ياعمري ومبروك ان شاء الله
…. شكلي بهون عنهم مع ان رفيجتي خذتهم عند الدكتوره وبعد فحوصات …
انا بصراحه استحي اقوله … وان صارت عندي الجرأة ملياااار بالامية بيرفض ….
الله يعطيكم العافيه …
وبعدين الحبوب اهون يمكن تغيرين رايج تبين تحملين
مآتخآفين يصير لهآ مضآعفآت !!
بعدين والله من نفسج بتشتاقين وتبين عيآل وبتتحسفين ليش خذتيهآ
وهذآ شئ آلمفروض تآخذين رآي خطيبج فيه مو تتصرفين من نفسج !!
ومآتدرين يمكن آلله مو كاتب لج تحملين على طول بعد إنتي مآتدرين عن هآلشئ وكل شئ بيد آلله
لاتلعبين بنفسج وتندمين بعدين ..
فكري قبل كل شي تسوينه وبالتوفيييييييق
اكلي حبوب المانع احسن لج
ناقشيه مع ريلج ولو اتفقتو استعملو طريقت الحساب
ولا تاخذين اي ابر ولا حبوب لانج بتاذين بعدين لانها بتتلخبط عندج الهرمونات
بس اهم شي ريلج يدري بهالموضوع لانه هالقرار ما يخصج بروحج
والله يووفقج