المشيمه النازله واللي يصير فيني

السلام عليكم ورحمة الله وبركاته

بنات انا الدكتوره قالتلي المشيمه نازله نتفه ومن وقتها ارتاح ما اشيل شئ ثقيل ولا حتى اشيل بنتي وانسدح واذا قاعده على قنفه اتسرسرح عشان اريح

يعني ملتزمه بس المشكله فجأه الرحم يشبن علي وعوار اييني فضيع مادري من شنو

واذا تكرمون دخلت الحمام حتى لو مو حاصره نفسي وايد بطني وظهري يشبون علي لي درجة اني امشي مجندسه

في وحده صارلها نفسي؟؟؟

مابي اروح للدكتوره تقولي مافيج شئ والا ترد تزفني

مع اني ماشيه على اللي قالتلي اسويه

يليت احد يفيدني

فديتج لاتهملين نفسج روحي خل تكشف عليج دكتورتج ويطمئن قلبج ماتشوفين شر انشالله

حبيبتي يمكن ماله علاقه بالمشيمة يمكن التهاب بالبول سوي تحليل واتشوفين شر يااارب

شربي ماي وابد
المشيمة النازلة على فكرة تضغط على المثانة

ماتشوفين شر حبيبتي

سوي تحليل حبيبتي

اب اب

حبوبه ان شاء الله ما عليج شر بس ضروري تراجعينها يمكن تكون تقلصات بالرحم تعطيج ابر توخرها انا هالحمال نفسج في بدايته ياتني تقلصات وبطني عوار مثل المغص و وصفتلي ابر توقف الطلق ظليت عليهم شهر والحين الحمدلله لما راجعت قالتلي كلشي اوكي وراحت التقلصات فراجعي احسن ما اتوقع له علاقة بالمشيمة لان بحمالي الاولي كانت المشيمة عندي نازلة ونزل علي دم تكرمين بس ماكنت احس بلس تحسين فيه وبعدين يرجع الوضع طبيعي ان شاء الله لا تحاتين وتوكلي على الله وراجعي دكتورتج اهي اخبر منا

المشيمة ما تعور كلش يمكن التهاب بالبول عزج الله

ما تشوفين شر
روحي جيكي احسن

الله يطمن قلبك
ويثبت حملك
مااعرف بس روحي للدكتوره
الم الظهر غالبا مسالك بوليه اعزك الله

مشكورين بنات
بس العوار مو بالمثانه اعرف عوار الالتهاب هذا مو مثله
وانا توني مسويه تحاليل الاسبوع اللي فات قالت كلشي اوكب
اخاف اروحلها ترد تقولي حطي كريم تقلصات وبس

اختي هذه تعتبر تقلصات بالرحم و ما لازم تهملينها لانها مؤشر حق الولادة المبكرة .. اول شي تسوينه باقرب فرصه مزرعة بول .. و اذا لقيتي التهاب بكون سبب التقلصات الي تصير لج .. و الله اذا تقدرين الحين تروحين اي طوارئ يسون لج تحليل على شان ياخذ 3 ايام للنتيجه

حبيبتي انا تقريبا نفس مشكلتج في بنتي كانت المشيمه نازله بس كان الوضع طبيعي بس الحين كله ايني عوار اخر بطني واخر ظهري
انشالله الله يثبت حملنا ويتمم علينا وينولدون البيبيات بكامل الصحه والعافيه

الله يشفيييج لوكس ويعاافيج يارب ويثبت البيبي ويكون سليم متعااااافي يااااااارب