|
السلام عليكم
شريت كفر الإستقبال بس محتارة تدرون ليش محتارة ومووو مقتنعة لأن لونه أسود !!!!!! لا تسألوني ليش لأن شريته وانا كنت تعبانه ( بس أهوا اسود ومطرز بذهبي)
المهم شريت معاه شراشف ومخدات ذهبي علشان تفتح
وكوشيات ذهبي علشان تفتح الموضوع بعد
والطامة الكبرى اني سويت الكاكو وخلصت بس سويته كله لون ذهبي بس شريطه بسيطة لونها اسود علشان تمشي بالموضوع
بس الحين مو مقتنعة باللون مال الكفر لأنه احس إنه غامج بس أحس اللونين حلوين مع بعض بس همن غامض ومادري محتااااااااارة
عطوني رايكم يا بنات هل أشتري كفر ثاني وأغير اللوك كله ؟؟ ولا أظل على اللي انا شرايته ؟؟؟!!!
ام عبادي ..الله يعطيج العافيه بس عاد ليش اسود الله يهداج بس انتي توج والدة المفروض تاخذيون لون فاتح مع ان اللي وصفتيه مبين راقي وكشخه بس انا ماافضل هاللون للمناسبات الحلوة
بس الحين لازم اخذ كفر في ذهبي أو اوف وايت على الأقل علشان يمشي مع الكاكو مووو ؟؟!!
لكن بدال انتي مسويه الككاو وخالصه حطي عليه اثرو لون ثاني راح يكسر السواد ونص الكفر راح يتغطى ودخلي لون ثالث يكون فاقع
عندج التركواز الفاقع حلو مع الاسود والذهبي وزيدي جم كوشيه تركواز واتوقع راح يطلع حلووو وغريب
ان شاء الله اكون فدتج
انا بقولج
دخلي عليه ورد الجوري الفوشي او الاحمر بيصير روووووووعة
وخلي شغلج على هالالوان
وتقدرين ادخلين معاه لون ثاني مثل ماقالولج البنات وراح يطلع شي غريب ويديد
واذا كنتي مومقتنعه ولا مرتاحه غيريه وخلي الاسود حق شقتج لما تطلعين من الاربعين
اختي الحين نفاااس ولون كفرهااا بنفسجي غااااااامج كأنه اسود بالبدايه كانت متردده والله الحين كل الي شاافوه عجبهم حيييييييل
والكل يسأل وين مسويته
بصرااحه الحين لون الكفر لازم غاامج تحسين بفخاامتها
ن ملينا من الالوان الفاتحه