|
|
خواتي ..صارلي موقف قبل كم سنه .. والله ماني قادره انساه و احس ان ضميري امأنبني يالله تغفرلي ..
كنت مركبه لولب و كان عندي نزيف منه … فلما رحت الطبيب قالي لازم انشيله اهو اللي مسبب النزيف
و بعد ما شلته بفتره قصيره جدا مفرووض تيني الدوره الشهريه بس ما جت!!
انا استبعدت موضوع الحمل لأن اصلا رحمي مو مهيأ مع النزيف ان يكون في حمل
بس لما تأخرت الدوره حوالي٣ اسابيع شكيت بالموضوع و قلت بسوي تحليل حمل ..
سويت التحليل … ..
و قالتلي الدكتووره بعد ما شرحت لها القصه كامله ..
مافيج حمل!! تحليل دم و مافيني حمل ..
قلت اوكي شسوي قالت بعطيج حبوب تنزلها!!
والله خذيت الحبوب و قلبي معورني بس يعني ماهقيت بصير شي مو زين يعني دكتوره فاهمه شتسوي!!
سبحان الله خذيت الحبوب يومين و تركتهم!! و اسوي تحليل منزلي لأني شااااكه!!
و طلعت حامل 
و يحوشني عقبها عووووار جنه طلق وجهي مافيه نقطت دام و عوار هذا بعد هم فتره
و بعدها طاح البيبي
كله اب سببب تحليل المستوصف الله لا يوفق من كان السبب ملخبطين تحاليل الاوادم و تسببوا باجهاضي
و ما يندرا منو اللي بشروها بالحمل (بنتيجتي ) وعليه تالي تنصدم و تطلع جذابه جدام الحموله و الزوج
لي اليوم و القطعه اللي نزلت جنها ليلحين جدام عيني متقسمه الملامح سبحان الله
ديروا بالكم اذا تأخرت عليكم و حللتوا و ماكو حمل لا تستعيلون بالحبوب اللي تنزل الدوره نطروا بعد فتره و سوو تحليل منزلي او حللو بمكان ثاني خاصه اذا انتي مو مانعه
وعسى الله يغفرلي
تر حتى انا سقطت من قبل وماكنت السبب الله مو رايد له يعيش بس لين الحين
اذكره
الله يعوضج خير
يعني انتي ما تعمدتي انج تطيحينه
لا انا ما تعمدت انا اموت على اليهال و الحمدالله الله عوضني و عندي اعيال
بس ذاك الموقف امكدرني ليلحين .. يعني ياربي رزق من الله سبحانه و تسببوا في اني اجهضه
قدر الله و ماشاء فعل
بس انصح كل وحده انها ما تستعيل تاخذ حبووب تنزل الدوره الا لما تتأكد انها مو حامل مره و مرتين و ثلاث
بس حبيبتي انا متاكده من الموضووع حبوب الي تنزل الدوره اذا في حمل تثبته واذا مافي تنزل الدوره
واعرف نفسج وااااااايد وخذو الحبوب اسبوع تالي طلعو حمل وتم حملهم
سبحان الله يمكن ماكان مكتوب لج والله يعوضج باقرب وقت ياااااارب
