|
|
بسم الله الرحمن الرحيم …
السلام عليكم ورحمة الله وبركاته ,
صباحكم خير …
هذا أول موضوع أنزله بالمنتدى …
وصراحه ما توقعت في يوم من الأيام بكون بين حريم حوامل …
يملكون الخبره والمعرفه العامه …
صراحه بنات ممكن يكون موضوعي سخيف أو مكرر …
لكن أحب أنكم تفيدوني وتزودوني بثقافتكم خصوصاً أني من قطر …
وكل دولة تختلف المسميات عندهم عن الدولة الأخرى …
أول شيء خلوني أعطيكم فكره عن نفسي …
أنا بنت ممكن أكون صغيرة أو كبيرة …
عمري 19 سنة …
متزوجه من فتره بسيطه …
حامل ودخلت شهري الثاني تقريباً …
عندي مشكله مع زوجي الغالي …
ألا وهي …
أسم المولودة اللي في بطني …
زوجي ماعنده مانع اسمي أسم من عندي …
لكنه دايم يقولي تختارين أسماء شاميه ؟؟؟؟؟؟؟؟؟!
بذمتكم رهف أسم شاااااااااامي … 
المهم بعد مناقشات ومناورات … .gif "Eh S(14)")
حاولت أقنعه أن نبي أسم غريب وجديد ونادر وأهم شي يكون معناه حلو …
زوجي أقترح علي أسم هند …
أنا رفضت … 
لأن هند أسم مكرر ومستهلك ومعناه مش حلو مع العلم أنه بالنطق جميل …
وبعد جهد جهيد …
ودخولنا لمواقع عديده …
أستقرينا على أسم وجد أو غلا أو شهد أو هند …
عاد أنا ولا أسم منهم داخل مزاجي …
بس قلت يلا خلني أمشي له أسم وجد …
بنات خلاصة الموضوع …
عندنا بالعايله خصوصاً من ناحية خوالي …
يسمون بناتهم أسامي غريبه وبدويه وحلوة ومعانيها تهبل …
مثلاً …
نود … جود … نوت …
وأسم نود نلفظه مثل أسم جود …
ومعنى نود : نسمه الهوا العليله البارده
ومعنى نوت : أول صك نقدي لدولة العثمانيه … وسواد الليل …
ومعنى جود : الكرم …
بنات حابه تفيدوني بأسماء من هالنوع …
لأن ما أتخيل أسمي بنتي بأسم وجد أو غلا أو شهد أو هند … 
بلييز ساعدوني بأسم حلو ونادر ومعناه حلو ويكون عربي مش أرميني أو عجمي …
لأن تدرون الله بيحاسبنا على أسماء عيالنا …
, ودمتم …
للإفادة وتوفير الجهد والوقت …
زوجي رافض أسم : جنى .. لين … ليان … لولان … ميار … لمار … رهف … درر … سديم … وسن … ديما ..
عندي 3 بنات الله يخليهم لي
كلهم كنت بسميهم الاسامي الجديدة بنتي بجري كنت بسميها ريماس
وسماها زوجي ع خالتي
بس بناتي التوينز قلت بسميهم الجود.. الجوري
بس قالي بسميهم ع جدته وعمته وسماهم طبعا كلها اسامي كويتيه قديمه بس ماعارضته بالعكس قلت هذول اهلك
وسم عليهم
فخليه يسمي اللي اهو يبي باجر بتكبرين بعينه
لايصير خلاف بينكم ع اسم مايسوى
وتذكري الرجال ماينسى اي موقف يصير لان بينكم عشرة عم انشالله تدوووووووووووووم
الله يهون عليج ياقلبي… وتولدين بالسلامه…
ولا تنسين انه اذا كبرت وصارت عجوز احفاده ينادونه وجد او نوت اول مره يمرون علي هالاسماء …
والرسول صلى عليه وسلم وصى بحسن اختيار الاسماء
اوحاولي اتحبين واحد من الاسماء الي عاجبينه وصدقيني الياهل اهوو الي يحلي الاسم ويحببج فيه
غلا وايد حلو موجود عندنا وشهد احلى اسم قديم وحديث ومعناه حلو وخفيف
حتى وجد حلو
انتي عالاقل راضي يسميها اسامي خفيفة في ناس مساكين لازالو على اسماء اول اول القديييييييمة الثقيلة
حبيبتي فرحي بحمالج والبنوتة وخلي الاسم اخر اهتمامج
لاتضيع فرحتكم بسبة اسم
ومشيها وجد حلو