|
|
السلام عليكم بنات الله يهون عليكم كلكم انشالله
الحمد الله انا و لدت بتاريخ 3/11 يوم الثلاثاء عمليه قيصيريه صحيح انها المرة الثالثه بس الحمد الله هالمرة كلش غييييييييييييييير عن الباجي ما شالله سهاله
و بقولكم السالفه بالتفصيل انشالله بمراجعتي باخر الثامن قالتلي دكتورتي فوزيه القطان انه لازم اختار الموعد بما اني عندي قيصيريتين لازم هالمرة تولدني و قالتلي انشالله من 1 /11 و طالع و اتفقت على 4/11 الاربعا بدار الشفا و سبحان الله يا بنات اذا قلتلكم اني بولد بدار الشفا ما بأذني ماي بس صليت استخارة و ربي كتبلي اللي فيه الصالح
المهم الاحد 1/11 كان عندي موعد عشان تعطيني اورقت الدخول و رحت و اصدمتني لما قالت انصحج برويال حياه اذا تبين بنج نصفي و على حضي كانت فاضيه شويه و قعدت تقنعني و قالتلي لو نتي اقولها روحي رويال حياه مو عشات الفخفخه و الكشخه لا انا اشوف اشياء بغرفه العمليات انتو ما تشوفونها صج زينين اول ما فجو كنت كل يوم اتهاوش معاهم بس الحين ممتازين
و عندهم دكتور اسمه عمر الخطيب صج زرحي و انتي مطمنه احسن واحد اثق فيه طيعيني و روحيله احسن من دار الشفا الزينين سناء و نجلاء طلعو منهم و انتي كيفج
فكرت بكلامها و قلت يالله اكيد اهي اخبرو حددتلي 3/11
و كل ما قرب الموعد زاد الخوف و عاد الليله اللي قبلها ما نمت من الخوف المهم اتفقت مع اختي و ريلي و ما قلت حق امي لانها ما تتحمل خوافه خفت عليها و سويت خطه مع اختي انه راح اولد الاربعا و اهي عبالها الاربعا
و اليوم الثلاثا الصبح مرتني اختي و ريلي و رحنا المستشفى الساعه 7 و كنت قبلها صايمه من الساعه 12
و سوينا دخول و دخلوني سيده الدور الخامس العمليات ): دخلوني غرفه التحضير للعمليه و حطو على التخطيط و الدرب و لزقو على ظهري لزقه فيها كريم مخدر حق العمليه و قالو لي موعدج الساعه 11
و قعدنا ننطر بس امانه وايد زينين و نظاف صج تحسين انج قاعده بمستشفى بلندن المهم قرب الوقت اللي مر على جنه سنه و انا لابسه لبس العليات واي ):
الساعه 10,20 قالو يالله العمليات اي صج نسيت اختي قالت تبدتخل معاي العمليات و مارضو قالو الزوج او الام طبعا انا زوجي و امي كلهم الله بالخير مالي امل يدخلون و قعدت تحن تحن لين رضو بالغصب و اهني انا ارتحت نفسيا شويا لانه اختي بتكون على راسي
و دخلت الغرفه وايد نظيفه الصراحه ما شفت مثل هالنظافه بولاداتي اللي قبل و شرحه ما فيها رهبه غرفه العليات الكبيرة لا صغيرة , المهك ياني دكتور التخدير عمر الخطيب و قعدني و قالي قوسي ظهرج شوي و مسكتني السستر من جدام و قال بقزج ابرة مخدره راح تحسين بنقزة بسيطه و بعدين ما ادري حسيت جنه احد ينقط ماي على ظهري و قالي تحسين بقزه خفيفه الحين ما حسيت بشئ صراحه و قالي يالله خلصنه راح تحسين بشئ حار فعلا حشيت بشئ على ظهري و بزل عل ريلي شوي دافي و نوموني و بدت الصجيه
تعبت اكمل بعد اشوي
انا من انسدحت وحطو علي الاكسجين الوايؤات و الاجهزه امبيه حسيت بدوخه فظيعهو قلت شيلو الاكسجيت دخت و الدكتور يقول مو منه ماله
شغل بس اكسجين و الله بس ما ادري من الخوف او لاني صايمه المهم و اهني دشت اختي علي و من شفتها راحت الوخه و قعدت تسمي على
و تقولي عادي لاتخافين سهاله انشالله و يت الدكتورة فوزيه الله يذكرها بالخير انا اهني بديت اوسوس قلت اكيد ما وصل المخدر حق بطني لاني
ما حسيت بثقل و لا شئ عادي ايده خفيفه حيل الدكتور جان اقرص صدري و المفاجئه حسيت جان اقول لحظه ما تخدرت لني ما كنت فاهمه
اني راح احس باللمس بس ما احس باللم ضحكت الدكتور و قالتلي و الله تحسين و اشخطت بالمشرط على بطني حسيت انه احد ماسك قلم
رصاص و خط على بطني يمه بدت الصجيه و تقص على و تقولي انا لي الحين ما سويت شئ و اهي شاقه و خالصه احس بس ما احس بالم
شئ غريب ما اقدر اوصفه و يمكن ماراح تفهمون اشلون انحس باللمس و ادري انها قاعد تشق و تضغط بس ما في عوار , و اختي واقفه
على راسي و تقرا على لاني اهني ما ادري شصار فيني وقف كل تفكيري ما ادري شلون و الاخت خذت الكامرا و اتصور لين و صلو حق
الرحم ضغطو اشوي على رحمي حسيت بضغط من صوب تحت صدري شوي و الا اسمع صوت الياهل و ناسه شعور حلوووووووووووو
اول مرة احسه و قنزلو البرده شوي و شفت بنتي و اخذوها حق دكتور الاطفال على جنب و انا اشوفها حبيبتي اتينن صغيرة 2,7 حبيبتي
ولدتها الساعه 11,7 يعني من دشت الطبيبه 3 دقايق و طلعت على ما خيطوني و طلعو الوصخ احس انه احد قاعد يشد بطني ماشالله ما
صارت 11,30 الا انا بالملاحظه خلوني ساعتين و على ما خلصو الا انا اقدر احرك ريولي شوي و ماكو عوار بالعمليه و لا الم قاعده ما
شالله و اطالع اللي يمي ماخذه بنج كامل تكسر الخاطر تون و تخربط و تعبانه و جرحها يعورها مسكينه
و انا الحمد الله سهاله حطو على ريلي مثل البوت يسوي مساج يوم كامل و الساعه 10 بالليل مشيت و رحت الحمام شوي بس ما شالو البربيش
لين الصبح عاد ودوني الحمام و لبست و مشيت و شالو اللزقه اللي بظهري و كل شئ الحمد الله سهاله
بس عفيه بنات قواو ماشالله لاني بالاربعين و تدرون النفسه ما تتحمل العين لكن انا قلت خواتي لازم افيدهم بتجربتي اللي ياما فادوني
و للامانه شهاده حق الدكتورة فوزيه القطان وايد شاطرة و ايدها خفيفه و تسولف معاج بالعمليه يحلوها و الكتور بعد عمر الخطيب وايد زين و
معاي بالعمليه على راسي ما خلاني كلش ماحسيت بالعراض اللي قالو عنها تثقل ريلج و ضهرج يعورج ابدا ( اهو قالي انا بعطيج دوا يكفيج
لي باجر ماراح تحتاجين مخدر و لا مسكن بس عاد انا خفت قلت انزين لاتشيل الابرة لي باجر و خلاها وقال اذا حسيتي بالم راح ارمي نفسي
من الدور السابع (: )
و همن رويال حياه ابدا ما توقعتهم جذي بالعمليات واااااااااااااايد شطار و نظاف
صج نصيحه اللي بتولد تجرب الدكتور البرفوسور عمر الخطيب واييييييييييييد ممتاز حق ابرة الظهر لان مكانها حساس صعب اي احد يقزها
يالله ادعو لي انه الله يقومني بالسلامه و اخلص نفاس بسرعه ):
و اسمعها تبجي تبجي الله يحفضها المهم ضغطو على بطني و خيطتني
علقتينا
المهم الحمدالله على سلامتج
والله يطلعج من باقي شروره يارب
الحمدلله حبيبتي على سلامتج وسلامته
البنوته الله يخليها لكم انشالله
وتتربى بعزكم انشالله
الف الحمدلله على سلامتج ومبروك ما ياكم وتتربى بعزكم يااارب
وتطلعين من غير شر ياااارب
والله يطلعج من باقي شروره يارب
وتتربي بعزكم
وانتي قاعد تشرحين الشق وااي جنه مجربه من زمان
سبحان الله
والحمدالله على سلامتج