شلون تسبحين المولود اليديد وشنو تستخدمين له ؟؟

بنات اكيد بتقولون ما يبيله شي بس فى مثل حالتى بجريه وحايسه ما تعرف شي ابي كل وحده تدخل تكتب لي شنو الاغراض اللى يحتاجها المولود غير الملابس وشلون طريقة استعمالها انا اسمع بنات يقولون لوشن واللى تقول كلونيا وكل وحده تقول شي ابي تكبون كل وحده و طريقتها من صابون من لوشن من كريم لا تنسون اسم الماركه اللى تستخدمونها انا شريت شامبو من مذركير ما ادرى زين ولا لاء وحق الحفاظات شنو احسن كريم 0

بانتظار ردكم الطيب

انا توني بجريه .. انشالله البنات يفيدوونج ..

وللرفع ..

بالنسبه لي لان الطفل اول ماينولد لمده جم شهر شعره يكون فيه قشره فه استخدم له شامبو نيوزورال للقشره نقطه صغيره احط بس لايحوش عينه علشان تروح القشره بسرعه
وبالنسبه للوشن مع البودره لازم يكونون من غير مواد معطره لان البيبي مايتحمل عطورات ولازم كل شيئ يكون نيوجورال (طبيعي)

المهم فيه ستاف بمركز سلطان للبيبي مواد طبيعيه من صابون وبودره وكل ستاف البيبي مركز سلطان اللي بشرق يصير يم مطحنه الرفاعي قباله
واللي بالسالميه قبل الكاشيريه __ وحتى احنا نقدر نستخدمهم

ان شالله يعجبونج لان كله طبيعي من الفواكه

وربي يحفظلج يااه ياماما

تعلمي يا بنت المطران معاي خل نستفيد صج البجر تبي تعرف كل شي كبيره وصغيره الله يسهل علينا بأي شهر دلوعة المطران ؟؟

مشكوره بس هذا شامبو نيوزورال للقشره عادى للاطفال ما يضر وين احصله ؟؟وليش ما كتبتي طريقتك او شي شنو تستخدمين شامبو وبعدين لوشن شلون طريقته والبيبي اويل هم شلون استعماله للاطفال ؟؟؟

انا شريت الحوض مال مذر كير وكنت اسكر مكيف الغرفة لما تدفا احطة بالحوض على الارض وتحته اسفنجة
ومعاي الخدامة اوبنات حماتي
استخدمت له وهوا صغير بالاشهر سيباميد
احط بالاسفنجة الصغيرة الصابون والماي واغسل جسمة واحط نقطة شامبو على راسة وبعدها ارفعة بايد والايد الثانية اغسلة والخدامة بالابريج تكب عليه الماي ويكون الماي دافي طبعا
واذا خلض اكون حاطة الفوطة بحظني اشيلة واحطة بحظني والف عليه الفوطة
واحطله بيبي اويل او كريم لوشن وكريم الحفاظ بعد من سيباميد وماكنت احط بودر قالولي موزين البودر لأن ساعات يسبب حساسية حق الصدر
والبسة
وااااااااي شوقتيني
عاد الخدامة اتشيل الاغراض عقب واحط له شوية بعد ما البسة عطر بيبي جونسون الاصفر واخلييييه
بعدها بنص ساعة افتح التكييف مرة ثانية
ولازم بعد التسبح اتلبسينة كبوس ادفا حقه
وسلامتج
فعلا تسبح البيبي يونس خاصة اذا كان ما يبجي ويحب الماي

الله يهون عليج انا بجرية وما اعرف بعد اشلون

الله يهون علينااااااااااااا يارب

سلااام عليكم

حبيت انقل لكم تجربة امي

ليما كانت تسبح اخوووي الصغير

استخدمت حووض عادي

واستخدمت كل اغراض بيبي جونسووون احسن شيء للأطقال

سواء شامبو وبودرة ولووشن وعادي تسبحة لوول كنت امسكه معاهاا عشان لا يزلق من ايدها لو حطت له شامبوو

انتي استخدمي اغرااض بيبي جونسوون لا كلونيا ولا غيره وما شاء الله اليهال نظااف وريحتهم الحلووه منهم وفيهم

توكلي على الله والله يحفظ لج البيبي ان شاء الله

https://www.youtube.com/watch?v=aQbRP…eature=related

https://www.youtube.com/watch?v=1_22O…x=0&playnext=1

https://www.youtube.com/watch?v=WATnDPSs3iI

https://www.youtube.com/watch?v=a0M6I…eature=related

first bath

اي حبيبتي للقشره صح تحطين شوي براحة ايدج وتفريكين قمتة وعلى طول تغسلين لمده فتره بس تروح القشره عادي انا اختي دكتورة صيدله وهي اللي قالتلي عنه

وبالنسبه للوشن احط على جسمه كله بعد السباحه وبعدها البودره

وبالنسبه للبيبي اويل قبل السباحه بنص ساعه اسويله مسااج خفيف على بطنه ايدينه ظهره

وبعدين اسبحه

وحاضرين حبيبي

صج صج صج شوقتيني

الله يسلمج حلوه طريقتك بس عطر جونسون وين الاقيه امس سألت عنه بالجمعيه مالقيته ابي عطر حلو للبيبي

عيل راقبي الموضوع معانا عشان نستفيد من خيرت الامهات اللى قبلنا الله يهون عليج

الله صج كفيتيى وفيتي الله يكبر من شانك يا كبرياء خوش شغل

عطر جونسون يم منتجات جونسون لونة اصفر بالليمون احلى شي