|
|
شلونكم شخباركم
الله يسهل على كل حامل
ويرزق كل من تتمنى الحمال
الحمدلله ولدت بتاريخ 12-8-2009
يبت بنت
اخر موعد لي كان 22-8
بنص التاسع كان عندي مراجعه يوم الاربعا
وللاسف
الدكتور قالي ان البيبي مو نازله بالحوض
لازم امشي وايد
وتميت امشي لي يوم الاحد
حسيت ان البيبي ما تتحرك
قلت يمكن وسواس
يوم الاثنين نفس الشي
يوم الثلاثا رحت الطبيب من الصبح
وريلي مسكين طلع من الدوام ويالي المستشفى
دخلت على الدكتور قالي سوي تخطيط
سويت التخطيط تميت ساعه الا ربع
وللاسف مافي حركه
اخذ ريلي التخطيط ودخل على الدكتور
لاني كنت ابي الحمام :>
شسوي ساعه الا ربع منسدحه بالتخطيط
المهم لما دخلت على الدكتور
اثاريه اتفق مع الدكتور على موعد عمليه قيصريه
انا انصدمت
شسالفه
قالي مافي حركه
والحركه ضعيفه
فهالشي مو لصالح الجنين
قالي اوكي افحصج ونشوف شصار خلال الاسبوع اللي طاف
فحصني قال ما تغير شي
والقرار راد لكم بس انصحكم بالقيصريه
قاله زوجي خلاص دكتور انا قلت لك باجر
انا حسيت اني مستسلمه ومادري شسالفه
قلت اوكي
طلعت وتغديت وانا احاول استوعب
قالي زوجي لا تقولين لاحد
خلنا نروح بهدوء واهو بعدين يتصل على خالتي وخواتي
وهم كنت مطيعه 
حسيت ان شنو يقولون لي اسوي من غير نقاش
المهم
طبعا بالليل يالي طلق من الخرعه
ثاني يوم الصبح رحت الطبيب
الساعه 8.30 سويت سونار
واخذو لي تحليل
حطولي الدرب
على الساعه 9.45 دخلوني العمليات
الساعه 10.20 ولدت
طبعا زوجي اتصل على خواتي
طلعت من العمليات لقيتهم موجودين
وحالتهم حاله واهم يحاتون
فقل الحمدلله اني ما قلت لهم من قبل
والحمدلله يبت احلى مريم
الله يجعلها من الذريه الصالحه
ويرزق كل من يتمنى الحمال
…
الحمدلله على سلامتج
الله يسلمكم
…
قولي امييييييييييييييين
والف الحمدلله على سلامتك