|
|
انا موعد ولادتي بعد 10 ايام اذا الله هون علي وسهل .. وهذي اول ولاده لي ..
لكن تكفون ساعدوني ابي اطلع بشي جديد وكشخه .. لان ولادتي راح تكون بجناح ملكي حبيت اكشخ شوي ..
طلبي اهو
ابي استاند تقديم حق الكاوكاو ..
وابي حركات الشاي والسكر والزعفران وماي الورد والسوالف هذي كلها ..
ابليز الله يخليكم ساعدوني يابنات ديرتي
والي عندها صور لاتبخل علينا ..
عموما أنا أنصحج تدورين جاهز .. تلقين استاندات بمحلات الكاكاو جاهزة مع التوزيعات و أسعارهم حلوة بحولي وعندهم بعد ماي الورد واللقاح و السكر و هالسوالف .. بس سوري ماعندي صور ):
انا اقول طلبي جاهز استاند الكاكاو بكل محلات الكاكاو بس روحي ونقي
والشكر والزعفران روحي بياع الورد الدور الارضي فيه محلات مسوينه جاهز عاد ان شاء الله تلقين لو يناسبج
بس عجلي ترى الولاده ماتنطر مو شرط بعد 10 ايام
وادري اني متأخره بس شسوي ظروف ..
بس ابي وين اورح حق وين ابي احسن شي وافضل شي وين؟؟
الاماكن لو تذكرونها لي الله يخليكم يارب..
والله ما ادل شي وافكاري متشتته الله يخليكم
وراح ادعيلكم بالخير والتوفيج يارب ..
وعندج باتشي اللي بحولي المحلات اللي يمه ريبل والثاني مادري شسمه هم في
وشايفه عند كيك اند بيك في ستاندات حلوة
روحي عسالله يسهل عليج ولاتنسينى بالدعاء
ومشكوره اختي ايمان
عساكم ع القوه
المهم في بهالمجمع محل مو ذاكرة اسمه و فيه كل سوالف التقديم و الستاندات و فناتق الصراحة عجبني و ما راح ابخل عليج و لا على البنات
وهذا السايت مال المحل ..
https://www.totallyfavors.com/categories.php
اسم المجمع زوايا 
و عندهم ستاندات و مرتب الصراحة شغلهم
اب
اب
اب
و مثلما قالوا البنات ترى يمكن تولدين أي لحظة .. لا تتأخرين